କୁନି ଓଡିଆ ପୁଅଙ୍କ କମାଲ, ଆୟରଲାଣ୍ଡ ଦୂତାବାସ ଦ୍ବାରା ଆୟୋଜିତ ଫ୍ଯାନ୍ସି ଡ୍ରେସ୍ ପ୍ରତିଯୋଗିତାରେ ସାରା ଦେଶରେ ଅଧିକାର କଲେ ଦ୍ୱିତୀୟ ସ୍ଥାନ
ଡବଲିନ୍: ଆୟରଲାଣ୍ଡରେ ଓଡିଶା ପାଇଁ ଗର୍ବ ଆଣିଲେ ଜଣେ କୁନି ଓଡିଆ । ଆନ୍ତର୍ଜାତୀୟ ଫ୍ୟାନ୍ସି ଡ୍ରେସ ପ୍ରତିଯୋଗିତାରେ ସାରା ଦେଶରେ ଦ୍ୱିତୀୟ ସ୍ଥାନ ହାସଲ କରି ଜିତିଲେ ସମସ୍ତଙ୍କ ହୃଦୟ। ବାସ୍ତବରେ ଆୟରଲାଣ୍ଡରେ ରହୁଥିବା ଓଡିଆଙ୍କ ପାଇଁ ଏହା ଅତ୍ୟନ୍ତ ଗର୍ବର ମୁହୂର୍ତ୍ତ ଥିଲା । ଯେତେବେଳେ ଆଜି ସେଠାକାର ଭାରତୀୟ ଦୂତାବାସ ଦ୍ୱାରା ପରିଚାଳିତ ଆନ୍ତର୍ଜାତୀୟ ଫ୍ୟାନ୍ସି ଡ୍ରେସ ପ୍ରତିଯୋଗିତାରେ ଦ୍ୱିତୀୟ ସ୍ଥାନ ହାସଲ କରିଥିଲେ ଜଣେ କୁନି ଓଡିଆ ପୁଅ |
ଆଜି ସାରା ଭାରତ ୭୪ତମ ସ୍ୱାଧୀନତା ଦିବସ ପାଳନ କରୁଥିବାବେଳେ, ଏହି ଅବସରରେ ଦେଶଭକ୍ତିର ଥିମ୍ ରେ ଆୟୋଜିତ ଶିଶୁମାନଙ୍କ ଫ୍ୟାନ୍ସି ଡ୍ରେସ ପ୍ରତିଯୋଗିତାରେ ଜଗମୋହନ ପାଢୀ ଏବଂ ଅର୍ଚ୍ଚନା ପାଢୀଙ୍କ ଚାରି ବର୍ଷର ପୁଅ ଅନିରୁଦ୍ଧ ଦ୍ୱିତୀୟ ପୁରସ୍କାର ହାସଲ କରିଥିଲେ।ଏହି ସମୟରେ, ଅନିରୁଦ୍ଧଙ୍କ ସଫଳତା ଉପରେ ଆୟରଲାଣ୍ଡ ସ୍ଥିତ ଓଡିଆ ଆସୋସିଏସନ ଖୁବ୍ ଖୁସି ବ୍ୟକ୍ତ କରିଥିଲା।
ଏକ ଅନ୍ତର୍ଜାତୀୟ ପ୍ରତିଯୋଗିତାରେ ଅନିରୁଦ୍ଧ ସ୍ୱାଧୀନତା ଦିବସ ଅବସରରେ ପୁରସ୍କାର ପାଇବା ଯେ କେବଳ ଓଡିଆ ହୋଇଥିବାରୁ ଗର୍ବିତ ଅନୁଭବ କରୁଛୁ ତାହା ନୁହେଁ ବରଂ ଏହା ଆମ ଇତିହାସ ପାଇଁ ନୂତନ ପିଢିର ପ୍ରବୃତ୍ତିର ଏକ ସାକ୍ଷୀ ବୋଲି ଆସୋସିଏସନ ପକ୍ଷରୁ କୁହାଯାଇଥିଲା। ଏହି ଅବସରରେ ଅନିରୁଦ୍ଧ କି-ବୋର୍ଡ ବଜାଇ ମହାନ ସ୍ୱାଧୀନତା ସଂଗ୍ରାମୀ ସୁବାଷ ଚନ୍ଦ୍ର ବୋଷଙ୍କୁ ଉତ୍ସର୍ଗ କରି ଏକ କବିତା ଲେଖିଥିଲେ। ତାଙ୍କ ଭିତରେ ଶ୍ଲୋକ ଜପ କରିବା, କି-ବୋର୍ଡ୍ ବଜାଇବା ଏବଂ ପୁରାଣ କାହାଣୀ କହିବା ଭଳି ଅନେକ ରୁଚି ରହିଛି ।