ଇସ୍ତଫା ଦେବା ଓ ହାରିବା ପରେ ବି କ୍ୱାର୍ଟର ଛାଡୁନାହାନ୍ତି ବୈଜୟନ୍ତ ପଣ୍ଡା, ଟ୍ବିଟ କରି ଅନୁଭବ ଲେଖିଲେ ଏମିତି କଥା
ପୁଣି ଅନୁଭବ ବନାମ ବୈଜୟନ୍ତ। ଏଥର କେନ୍ଦ୍ରାପଡ଼ା ନୁହଁ, ଦିଲ୍ଲୀର ୨ ମହାଦେବ ରୋଡ୍କୁ ନେଇ। ପୂର୍ବତନ ସାଂସଦ ବୈଜୟନ୍ତ ପଣ୍ଡାଙ୍କ କ୍ୱାର୍ଟର ଆଗରୁ ଫଟୋ ଛାଡ଼ିଛନ୍ତି କେନ୍ଦ୍ରାପଡ଼ା ସାଂସଦ ଅନୁଭବ ମହାନ୍ତି । ବୈଜୟନ୍ତଙ୍କ ଦିଲ୍ଲୀ କ୍ୱାର୍ଟରକୁ ନେଇ ଅନୁଭବଙ୍କ ଟ୍ଵିଟ୍ କରି ଲେଖିଛନ୍ତି, ଆଇନ, ରାଜନୈତିକ ନୈତିକତାକୁ ଜୟଙ୍କ ସମ୍ମାନ ନାହିଁ। ଇସ୍ତଫା ଦେବା ଓ ହାରିବା ପରେ ବି କ୍ୱାର୍ଟର ଛାଡୁନାହାନ୍ତି ବୈଜୟନ୍ତ ।
୧୩ ମାସ ଧରି ଜବରଦଖଲରେ ରଖିଛନ୍ତି। କାହାରିକୁ ଛାଡ଼ିବା ପାଇଁ ସୁରକ୍ଷାକର୍ମୀଙ୍କୁ ମନା କରାଯାଇଛି। ନୂଆ ସାଂସଦଙ୍କୁ ଘର ତଦାରଖ ପାଇଁ ବି ଛଡ଼ାଯାଉନି ବୋଲି ସୋସିଆଲ୍ ମିଡିଆରେ ଅଭିଯୋଗ କରିଛନ୍ତି ବର୍ତ୍ତମାନର କେନ୍ଦ୍ରାପଡ଼ା ସାଂସଦ ତଥା ବିଜେଡି ସଂସଦୀୟ ଦଳର ଉପ-ମୁଖ୍ୟସଚେତକ ଅନୁଭବ ମହାନ୍ତି। ଅନୁଭବଙ୍କ ଏହି ଟ୍ଵିଟ୍କୁ ନେଇ ସୋସିଆଲ୍ ମିଡିଆରେ ଜୋରଦାର ଚର୍ଚ୍ଚା। ତେବେ ଏନେଇ ବୈଜୟନ୍ତଙ୍କ ପ୍ରତିକ୍ରିୟା ମିଳି ପାରିନାହିଁ।
