କେନ୍ୟୁଜ୍(ବ୍ୟୁରୋ): ବିକ୍ରି ହୋଇଥିବା ଶିଶୁ ପୁତ୍ର ଉଦ୍ଧାର। ଗତକାଲି ଚାଇଲ୍ଡଲାଇନ୍ ଏକ ଶିଶୁ ବିକ୍ରି ବିଷୟରେ ଖୋର୍ଦ୍ଧା ଡିସିପିଓଠାରୁ ଏକ ଭିଡିଓ କ୍ଲିପ୍ ଗ୍ରହଣ କରିଥିଲା | ପରେ ଶିଶୁଟିକୁ ଉଦ୍ଧାର କରିବା ପାଇଁ ତୁରନ୍ତ ଅନୁସନ୍ଧାନକାରୀ ଦଳ ଗଠନ କରିଥିଲା । ଆଜି ସକାଳୁ ଏହି ଦଳ ଘଟଣାର ଅନୁସନ୍ଧାନ କରିଥିଲା।
ଏକ ସୂଚନା ପାଇବା ପରେ ଚାଇଲ୍ଡ ଲାଇନ୍ ଟିମ୍ ପୋଲିସର ସାହାଯ୍ୟ ନେଇଥିଲା। ଡିସିପି, ଭୁବନେଶ୍ୱର, ଏସିପି, ଜୋନ୍ -୧, ଆଇଆଇସି, ଖାରବେଳନଗର ଥାନା ଏହି ଘଟଣାରେ ହସ୍ତକ୍ଷେପ କରିଥିଲେ। ଖାରବେଳନଗର ପୋଲିସ ଏକ ଟିମ୍ ଗଠନ କରିଥିଲା । ଏହା ପରେ ମାଲିସାହିରେ ଚଢାଉ କରି ୧୦ ଦିନର ଶିଶୁ ପୁତ୍ରକୁ ଉଦ୍ଧାର କରିବା ସହ ଜଣେ ମହିଳାଙ୍କୁ ପୋଲିସ ହେପାଜତକୁ ନେଇଥିଲେ। ମହିଳା ସ୍ୱୀକାର କରିଛନ୍ତି ଯେ ସେ ଏବଂ ତାଙ୍କ ସ୍ୱାମୀ ଏହି ବାଳକ ଶିଶୁକୁ ଏକ ରାସ୍ତାରୁ ଦମ୍ପତିଙ୍କଠାରୁ ୧୦ ହଜାର ଟଙ୍କା ଦେଇ କିଣିଛନ୍ତି। ଲକଡାଉନରେ ଚଳିବା ପାଇଁ ସେହି ଦମ୍ପତିଙ୍କ ପାଖରେ ଟଙ୍କା ନଥିବାରୁ ଏହି ଶିଶୁକୁ ବିକ୍ରୟ କରିବାକୁ ଚାହୁଁଥିଲେ ଏବଂ ଏହି ଶିଶୁକୁ ଏହି ଆମେ କିଣିଛୁ ବୋଲି ଶିଶୁଟିକୁ କିଣିଥିବା ମହିଳା କହିଛନ୍ତି।ଶିଶୁକୁ ଗ୍ରହଣ କରିବା ପରେ, ଚାଇଲ୍ଡ ଲାଇନ୍ ଶିଶୁଟିକୁ ଅତିରିକ୍ତ CWCଙ୍କ ନିର୍ଦ୍ଦେଶ କ୍ରମେ ସୁଭଦ୍ରା ମହତାବ ସେବା ସଦାନରେ ରଖାଯାଇଛି। ଏହି ଘଟଣାରେ ଚାଇଲ୍ଡଲାଇନ ଖାରବେଳନଗର ଥାନାରେ ଏକ ଏଫଆଇଆର ଦାଖଲ କରିଛି।