ଜେଲରେ ଥିବା ଡି-ବ୍ରଦର୍ସଙ୍କୁ ରିମାଣ୍ଡରେ ନେବ କମିଶନରେଟ ପୋଲିସ, ଅଧିକ ପଚରାଉଚରା କରାଯିବ ବୋଲି କହିଲେ ସିପି
କେନ୍ୟୁଜ୍(ବ୍ୟୁରୋ): ଜେଲରେ ଥାଇ ବି ଅପରାଧିକ ନେଟୱାର୍କ ବଢାଉଥିବା ଡି-ବ୍ରଦର୍ସଙ୍କୁ ରିମାଣ୍ଡରେ ନେବ କମିଶନରେଟ ପୋଲିସ । ଏନେଇ ସୂଚନା ଦେଇଛନ୍ତି ପୋଲିସ କମିଶନର ସୁଧାଂଶୂ ଷଡଙ୍ଗୀ। ଡି-ବ୍ରଦର୍ସଙ୍କୁ ରିମାଣ୍ଡରେ ଆଣି ଅଧିକ ପଚରାଉଚରା କରାଯିବ ବୋଲି ସିପି କହିଛନ୍ତି। ଗତକାଲି ଡି-ବ୍ରଦର୍ସଙ୍କ ଘରୁ ବନ୍ଧୁକ ୧୭ ଟି ବନ୍ଧୁକ, ୧୨ ମଗାଯିନ, ୧୦୫୫ ଗୁଳି ଜବତ କରିଥିଲା କମିଶନରେଟ ପୋଲିସ। ଏହି ଘଟଣାରେ ୮ ଜଣଙ୍କୁ ଗିରଫ କରାଯିବା ସହ ୪ଟି ବାଇକ୍ ଜବତ କରାଯାଇଛି।
୨୦୧୬ରେ ଡି-ବ୍ରଦର୍ସ ଗିରଫ ପୂର୍ବରୁ ଏହି ସବୁ ବନ୍ଧୁକ ଓ ଗୁଳିକୁ ଘରର କପବୋର୍ଡରେ ଲୁଚାଇ ରଖିଥିଲେ। ଯାହାକୁ ଗତକାଲି ପୋଲିସ ଜବତ କରିଛି। ବନ୍ଧୁକ ଓ ଗୁଳି ସବୁ ବିହାରର ମୁଙ୍ଗେରୀରୁ ଅଣାଯାଇଥିବାର ସୂଚନା ଦେଇଛନ୍ତି ସିପି।
