ବାଙ୍କୀ(କେନ୍ୟୁଜ୍): ବାଆଁରାରେ ଅସୁସ୍ଥ ମାଈ ହାତୀର ମୃତ୍ୟୁ । ୱାଇଲ୍ଡ ଲାଇଫ୍ ପିସିଏଫ୍ ଓ ପଶୁ ବିଶେଷଜ୍ଞ ଚିକିତ୍ସା ସତ୍ତ୍ୱେ ହାତୀଟିର ମୃତ୍ୟୁ ହୋଇଛି । ହାତୀଟି ହର୍ପିସ୍ ଭୂତାଣୁ ଦ୍ୱାରା ଆକ୍ରାନ୍ତ ଥିଲା । ଗତ ୨୫ ତାରିଖ ରାତିରେ ଚନ୍ଦକା ଅଭୟାରଣ୍ୟରୁ ଖାଦ୍ୟ ଅନେ୍ଵଷଣରେ ଆସିଥିବା ୧୩ଟି ହାତୀଙ୍କ ମଧ୍ୟରୁ ଗାଟିଏ ମାଈ ହାତୀ ବାଆଁରା ନିକଟସ୍ଥ କୂଅମଡ଼ା ପଶିଆରେ ଅସୁସ୍ଥ ହୋଇପଡ଼ିଥିଲା । ଏନେଇ ଡମପଡ଼ା ବନ ବିଭାଗକୁ ଖବର ଦେଇଥିଲେ ସ୍ଥାନୀୟ ଲୋକ । ଗତ ୨୬ ତାରିଖରେ ନନ୍ଦନକାନନରୁ ପଶୁ ବିଶେଷଜ୍ଞ ଆସି ହାତୀଟିର ଚିକିତ୍ସା କରିଥିଲେ । ୫ ଦିନ ଧରି ଚିକିତ୍ସା କରାଯିବା ପରେ ଆଜି ହାତୀଟିର ମୃତ୍ୟୁ ହୋଇଛି ।