ଓହଃ ଚାକିରିଟା ବଞ୍ଚିଗଲା : ଚିକିତ୍ସା ପାଇଁ ଡାକ୍ତରଖାନା ଆସିଥିବା ବିଚାରଧୀନ କଏଦୀ ମାରିଲା ଚମ୍ପଟ, ଏମିତି ଧରିଲେ ଜେଲ ୱାର୍ଡେନ
ଯାଜପୁର ଟାଉନ(କେନ୍ୟୁଜ୍): ଡାକ୍ତରଖାନାକୁ ଚିକିତ୍ସିତ ହେବାକୁ ଆସି ଫେରାର ହୋଇ ଯାଉଥିବା ବିଚାରାଧିନ କଏଦୀକୁ କାବୁ କଲେ ଜେଲ କର୍ମଚାରୀ । ଯାଜପୁର ମୁଖ୍ୟ ଡାକ୍ତରଖାନାର ମେଡିସିନ ୱାର୍ଡକୁ ଚିକିତ୍ସିତ ହେବାକୁ ଆସିଥିଲେ ଯାଜପୁର ରୋଡ ସବଜେଲର ବିଚାରାଧିନ କଏଦୀ ଶେଖ୍ ହାରପିଂ । ଆଜି ତାଙ୍କର ଚିକିତ୍ସା ଚାଲୁଥିବା ସମୟରେ ପାଇଖାନା ଯିବାକୁ କହିଥିଲେ ।
ପାଇଖାନାକୁ ଯାଇ ଭିତରପଟୁ କବାଟ ବନ୍ଦ କରିଦେଇ ଜେଲ କର୍ମଚାରୀ ଏବଂ ସ୍ୱାସ୍ଥ୍ୟ କର୍ମଚାରୀଙ୍କୁ ଚକମା ଦେଖାଇ ଫେରାର ହୋଇଯାଇଥିଲେ । ପରେ ଖୋଜାଖୋଜି କରିବା ପରେ ଡାକ୍ତରଖାନାର ସିକୁରିଟି ଗାର୍ଡଙ୍କ ସହାୟତାରେ ଜେଲ କର୍ମଚାରୀମାନେ ତାଙ୍କୁ କାବୁ କରିବାରେ ସଫଳ ହୋଇଥିଲେ। ଏବେ ତାଙ୍କୁ ସ୍ୱତନ୍ତ୍ର ସୁରକ୍ଷା ମଧ୍ୟରେ ଚିକିତ୍ସା ଚାଲୁଛି ।