ରେଳ ଧାରଣା ଉପରେ ପଥର ଖସି ରେଳ ଚଳାଚଳ ବନ୍ଦ, ୮ ଟି ଟ୍ରେନକୁ ବାତିଲ କଲା ରେଳ କର୍ତ୍ତୃପକ୍ଷ, ଉଦ୍ଧାର କାର୍ଯ୍ୟ ଜାରି
ଜୟପୁର ରେଳ ପଥର ଜରଟି ଓ ମାନବର ମଧ୍ୟରେ ରେଳ ଧାରଣା ଉପରେ ପଥର ଖସି ରେଳ ଚଳା ଚଳ ବନ୍ଦ ରହିଛି । 8 ଟି ଟ୍ରେନକୁ ବାତିଲ କରିଛି ରେଳ ବିଭାଗ । ଉଦ୍ଧାର କାର୍ଯ୍ୟ ଜାରି ରହିଛି ।
କୋରାପୁଟ : ଜୟପୁର ରେଳ ପଥର ଜରଟି ଓ ମାନବର ମଧ୍ୟରେ ରେଳ ଧାରଣା ଉପରେ ପଥର ଖସି ରେଳ ଚଳା ଚଳ ବନ୍ଦ ରହିଛି । 8 ଟି ଟ୍ରେନକୁ ବାତିଲ କରିଛି ରେଳ ବିଭାଗ ।
ଉଦ୍ଧାର କାର୍ଯ୍ୟ ଜାରି ରହିଛି । ଆଜି ସକାଳୁ ପଥର ଖସିଥିବା ଦେଖିବାକୁ ମିଳିଥିଲା । ରେଳ ପଥ ଦୋହରି କରଣ କାମ ଚାଲୁ ରହିଥିବା ବେଳେ ପଥର ଖସି ଥିବା ଜଣା ପଡିଛି ।
କୋରାପୁଟରୁ -ଜଗଦଳପୁର -କିରୁଣ୍ଡୁଲକୁ ଚଳା ଚଳ କରୁଥୁବା ସମସ୍ତ ଟ୍ରେନକୁ ବାତିଲ କରାଯାଇଛି । ବିଶାଖାପାଟଣା ରେଳ ଡିଭିଜନ ପକ୍ଷରୁ ଏହି ସୂଚନା ଦିଆଯାଇଛି । ରେଳ ଧାରଣାରୁ ପଥର ହଟାଇଵାକୁ ଉଦ୍ୟମ ଜାରି ରହିଥିବା ରେଳ କର୍ତ୍ତୃପକ୍ଷ ସୂଚନା ଦେଇଛନ୍ତି ।
କୋରାପୁଟରେ ହାୱ୍ବାଡା ଅଭିମୁଖେ ଯାଉଥୁବା ସମଲେଶ୍ବରୀ ଟ୍ରେନ ଜୟପୁରରେ ଅଟକି ରହିଛି । ଜଗଦଲପୁର କୁରଣ୍ଡୁଲ ଅଭିମୁଖେ ଯାଉଥୁବା ରାଉରକେଲା-ଜଗଦଲପୁର , ଭୁବନେଶ୍ବରରୁ ଜଗଦଲପୁର ଯାଉଥୁବା ହୀରାଖଣ୍ଡ ଏଜ୍ସପ୍ରେସ ଟ୍ରେନ ଓ ବିଶାଖାପାଟଣାରୁ – ଜଗଦଲପୁର-କିରଣ୍ଡୁଲ ଅଭିମୁଖେ ଯାଉଥୁବା ରାତ୍ରିକାଳିନ ଟ୍ରେନ କୋରାପୁଟରେ ଅଟକି ରହିଛି । ଜୟପୁରରେ ଅଟକି ରହିଛି ଜଗଦଲପୁର ଆସୁଥୁବା ସମଲେଶ୍ବରୀ ଟ୍ରେନ ।
ରେଳ ଧାରଣରୁ ପଥର ଓ ମାଟି ଗୁଡିକୁ ବାହାର କରିବା ସକାଶେ କାମ ଆରମ୍ଭ ହୋଇଛି । ଉଦ୍ଧାରକାରୀ ଟ୍ରେନ ଘଟଣା ସ୍ଥଳରେ ପହଂଚି ଉଦ୍ଧାର କାର୍ଯ୍ୟ ଆରମ୍ଭ କରିଛି । ଟ୍ରେନରେ ମାଟି ପଥର ଖାଲି କରିବା ସକାଶେ ସମସ୍ତ ସଂରଯାମ ସହ ଶ୍ରମିକଙ୍କୁ ନିଆଯାଇଛି । ମାଟି ବାହାର କରିବା ସକାଶେ ୧୨ଟି ପ୍ରକଲିନ ମେସିନକୁ ଲଗାଯାଇଛି ।
୧୦୦ରୁ ଉର୍ଦ୍ଧ୍ବ ଶ୍ରମିକ ନିୟୋଜିତ ହୋଇଛନ୍ତି । ସଫେଇ କାମ ସରିବା ବେଳକୁ ୨ଦିନ ଲାଗିଯିବାର ସମ୍ଭାବନା ରହିଛି । ମାଟି ଧସିବା ସ୍ଥାନଟି ଦୁର୍ଗମ ଅଂଚଳ ହୋଇଥିବାରୁ ରେଳ ଧାରଣାରୁ ମାଟି ବାହାର କରିବାରେ କଷ୍ଟକର ହୋଇପଡୁଛି ବୋଲି ରେଳ ବିଭାଗ ପକ୍ଷରୁ ସୂଚନା ମିଳିଛି। ଆଜି ରାତି ସୁଦ୍ଧା ରେଳ ଧାରଣାରୁ ପଥର ଓ ମାଟି ସଫା ହୋଇପାରିଲେ ଟେଷ୍ଟିଂ କରି ୧ ଘଣ୍ଟା ମଧ୍ୟରେ ରେଳ ଚଳା ଚଳ ସ୍ବାଭାବିକ ହୋଇପାରିବ ।
ଆଜି ରାଉରକେଲା ଓ ହୀରାଖଣ୍ଡ ଟ୍ରେନରେ ଯାତ୍ରା କରିବା ସକାଶେ ଟିକେଟ କରିଥିବା ଯାତ୍ରୀମାନେ କୋରାପୁଟରୁ ଟ୍ରେନ ଧରିବାକୁ ରେଳ କର୍ତ୍ତୃପକ୍ଷ ସୁଚନା ଦେଇଛନ୍ତି । ଘଟଣାର ଅନୁଧ୍ୟାନ କରିବା ସକାଶେ ଭୁବନେଶ୍ବର ଓ ବିଶାଖାପାଟଣାରୁ ରେଳ ବିଭାଗର ବରିଷ୍ଠ ଅଧିକାରୀମାନେ କୋରାପୁଟ ଆସୁଥୁବା ସୂଚନା ମିଳିଛି ।
