ରାଜଧାନୀରେ ଅଘଟଣ: ଗାଡିରୁ ତେଲ ବୋହି ରାସ୍ତାରେ ପଡ଼ିଲା, ଗୋଟିଏ ସ୍ଥାନରେ ସିରିଜ୍ ଦୁର୍ଘଟଣା ଘଟିଲା
ଭୁବନେଶ୍ବର(କେନ୍ୟୁଜ୍): ଆଜି ରାଜଧାନୀରେ ଗୋଟିଏ ସ୍ଥାନରେ ସିରିଜ୍ ଦୁର୍ଘଟଣା । ନୟାପଲୀରୁ ସିଆରପି ଆସିବା ରାସ୍ତାରେ ଏକାଧିକ ଗାଡ଼ି ଦୁର୍ଘଟଣା ହୋଇଥିଲା । ତେଲ ଗାଡିରୁ ତେଲ ବୋହି ରାସ୍ତାରେ ପଡ଼ିଥିବା ବେଳେ ଗାଡ଼ି ସ୍ଲିପ୍ ହୋଇ ଦୁର୍ଘଟଣା ହୋଇଛି । ଏକାଧିକ ଲୋକ ଦୁର୍ଘଟଣାରେ ସାମାନ୍ୟ ଆହତ ହୋଇଛନ୍ତି ।
ତିନି ଦିନ ପୂର୍ବରୁ ସେହି ସ୍ଥାନରେ ତେଲ ପଡ଼ିଥିବା ବେଳେ ସ୍ଥାନୀୟ ଲୋକ ବାଲି ଢାଳିବା ପରେ ଗାଡ଼ି ଚଳାଚଳ ସ୍ୱାଭାବିକ ହୋଇଥିଲା । ଏବେ ସେହି ସ୍ଥାନରୁ ବାଲି ଖସିଯିବା ପରେ ସିରିଜ୍ ଦୁର୍ଘଟଣା ଯୋଗୁଁ ପ୍ରବଳ ଭିଡ଼ ସହ ଟ୍ରାଫିକ ଜାମ୍ ହୋଇଥିଲା । ଦୁର୍ଘଟଣା ରୋକିବାକୁ ରାସ୍ତାରେ ବାଲି ଢାଳିଥିଲେ ଉତ୍ତ୍ୟକ୍ତ ଲୋକେ ।
