ଜାନୁଆରୀରୁ ସେସୁର ସ୍ପେସିଆଲ ଡ୍ରାଇଭ, ବକେୟା ପୈଠ ନଦେଲେ କଟିବ ଲାଇନ
ବକେୟା ବିଦ୍ୟୁତ୍ ବିଲ ନେଇ ସେସୁ ସିଇଓ ଅରୁଣ ବୋଥ୍ରାଙ୍କ ପ୍ରେସମିଟ୍ । ସେସୁର ଆର୍ଥିକ ଅବସ୍ଥା ଭଲନାହିଁ । ଭଲ ସେବା ଦେବା ପାଇଁ ଚେଷ୍ଟା କରାଯାଉଛି ହେଲେ ବିଫଳ ହେଉଛୁ । କାରଣ ବର୍ଷ ବର୍ଷ ଧରି ବଜୁଳି ଦେୟ ଦେଉନହାନ୍ତି ଲୋକ । ସାରା ରାଜ୍ୟରେ ୧୯୭୧ କୋଟି ଟଙ୍କା ବକେୟା ରହିଛି । ୫୮ ହଜାର ଉପଭୋକ୍ତାଙ୍କ ଉପରେ ୫୦ ହଜାର ଟଙ୍କାରୁ ଅଧିକ ବାକି ପଡିଛି । ଲକ୍ଷେରୁ ଅଧିକ ଉପଭୋକ୍ତା ଗତ ଦୁଇବର୍ଷ ହେଲା ବିଜୁଳି ବିଲ ଦେଇନାହାନ୍ତି । ଏ ବାବଦରେ ୩୯୪ କୋଟି ବାକି ରହିଛି । ଘରୋଇ ଉପଭୋକ୍ତା ୯୨ ପ୍ରତିଶତ ୧୦୨୩ କୋଟି ବାକି ରଖିଛନ୍ତି । ୭.୧ ପ୍ରତିଶତ ବାଣିଜ୍ୟିକ ଉପଭୋକ୍ତାଭ୍କ ଉପରେ ୧୦୮ କୋଟି ଟଙ୍କା ବାକି ରହିଛି । ଦେୟ ଦେବାକୁ ଚାହିଁଲେ ୬ଟି ଇନଷ୍ଟାଲମେଣ୍ଟରେ ଦେଇପାରିବେ । ଏଥିପାଇଁ ଆବେଦନ କରିବାକୁ ପଡିବ । ସେସୁରେ ୭ଲକ୍ଷ ଉପଭୋକ୍ତା ଅଛନ୍ତି । ବକେୟା ଥିବା ୨୯୦ କୋଟି ଉପରେ ବିବାଦ ରହିଛି । ଜାନୁଆରୀ ୧୫ ସୁଦ୍ଧା ବିଲ ନଦେଲେ ଦୃଢ଼ କାର୍ଯ୍ୟାନୁଷ୍ଠାନ ନିଆଯିବ । ଏଥିପାଇର୍ ୧୫ ତାରିଖରୁ ସ୍ପେଶାଲ ଡ୍ରାଇଭ ଆରମ୍ଭ ହେବ । ପଇଠ କରିନଥିବା ଉପଭୋକ୍ତାଙ୍କ ବିଜୁଳି କଟାଯିବ ବୋଲି ସେ କହିଛନ୍ତି । ୧୬ ସେହିଭଳି ଟାଟା ପାଓ୍ଵାରକୁ ସେସୁ ବିକ୍ରି ଚର୍ଚ୍ଚାକୁ ଖଣ୍ଡନ କରିନାହାନ୍ତି ସେସୁ ସିଇଓ ଅରୁଣ ବୋଥ୍ରା । ଟାଟା ପାଓ୍ଵାର ସେସୁ କିଣିବା ନେଇ ପ୍ରକ୍ରିୟା ଆରମ୍ଭ ହୋଇଥିବା କହିଛନ୍ତି ଅରୁଣ ବୋଥ୍ରା ।
