ମହାକାଳପଡା: ପୋଲିସ ବାଲାଙ୍କ କାରରେ ଅଟୋ ଘସି ହୋଇଯିବାରୁ କାରର କିଛି ଅଂଶ ସ୍କ୍ରାଚ୍ ହୋଇଗଲା । ଏହି ଘଟଣାକୁ ନେଇ ଜଣେ କନେଷ୍ଟବଳ ବିଚ୍ ରାସ୍ତା ଉପରେ ଜଣେ ଅଟୋ ଡ୍ରାଇଭରକୁ ମାଡ଼ ମାରିବା ଭିଡ଼ିଓ ଭାଇରାଲ ହୋଇଛି ।
ସୂଚନା ମୁତାବକ ଜଣେ ମହିଳା କନେଷ୍ଟବଳ କାର ଯୋଗେ ଯାଉଥିବା ସମୟରେ ଜମ୍ବୁ –ମାର୍ଶାଘାଇ ରାସ୍ତାର ନନ୍ତାର ଛକ ନିକଟରେ ତାଙ୍କ କାରଟି ଏକ ଡ଼ାଲା ଅଟୋ ସହିତ ସାମାନ୍ୟ ଘସି ହୋଇଯାଇଥିଲା । ଏଥିରେ ଉତ୍କ୍ଷିପ୍ତ ହୋଇ ମହିଳା କନେଷ୍ଟବଳ ଜଣଙ୍କ କାରରୁ ଓହ୍ଲାଇ ଅଟୋ ଡ଼୍ରାଇଭରକୁ ରାସ୍ତା ଉପରେ ସର୍ବସମ୍ମୁଖରେ ମାଡ଼ ମାରିଥିଲେ । ଘଟଣାକୁ ନେଇ ସ୍ଥାନୀୟ ରାମନଗର ଅଂଚଳର ଅଟୋ ଡ଼୍ରାଇଭର ବିଶ୍ୱଜିତ୍ ସଂପୃକ୍ତ ମହିଳା କନେଷ୍ଟବଳଙ୍କ ବିରୋଧରେ ଜମ୍ବୁ ମେରାଇନ୍ ଥାନାରେ ଲିଖିତ ଅଭିଯୋଗ କରିଛନ୍ତି ।
ଅନ୍ଯପଟେ ଏହି ଅଭିଯୋଗକୁ ନେଇ ଭାଇରାଲ ହୋଇଥିବା ଘଟଣାକୁ ଗୁରୁତର ନେଇ ନୂତନ ଏସ୍ପି ତଦନ୍ତ କରିବେ ବୋଲି ଥାନା ପକ୍ଷରୁ କୁହାଯାଇଛି । ଅନ୍ଯପଟେ ଏନେଇ କନେଷ୍ଟବଳ ମ୍ଯାଡାମଙ୍କର କୌଣସି ପ୍ରତିକ୍ରୀୟା ମିଳିପାରିନାହିଁ।