Facebook Messenger ବ୍ୟବହାର କରୁଥିବା ୟୁଜରଙ୍କ ପାଇଁ ଝଟକା, ଆଗାମୀ ମାସରେ ବନ୍ଦ ହୋଇଯିବ ଏହି ଫିଚର

Facebook ହେଉ କିମ୍ବା Facebook Messenger ହେଉ, ଏହି ଦୁଇଟି ଆପରେ ଲକ୍ଷ ଲକ୍ଷ ଆକ୍ଟିଭ ୟୁଜର ରହିଛନ୍ତି, ଏଭଳି ପରିସ୍ଥିତିରେ କମ୍ପାନୀ Facebook Messengerରୁ ଏକ ଫିଚର ହଟାଇବାକୁ ଯାଉଛି ଯାହା ୟୁଜରଙ୍କୁ ପାଇଁ ଏକ ଝଟକା ହେବ । ୨୦୧୬ରେ ମେଟା ଆଣ୍ଡ୍ରଏଡ୍ ସ୍ମାର୍ଟଫୋନ୍ ୟୁଜରଙ୍କ ପାଇଁ SMS ଇଣ୍ଟିଗ୍ରେସନ ଫିଚର ଦେଇଥିଲା ଏବଂ ବର୍ତ୍ତମାନ ପ୍ରାୟ ସାତ ବର୍ଷ ପରେ ଅର୍ଥାତ୍ ଚଳିତ ବର୍ଷ ଏହି ଫିଚର ବନ୍ଦ କରାଯିବ ବୋଲି ସୂଚନା ମିଳିଛି । ଏହାର ଅର୍ଥ Facebook Messengerରେ ୟୁଜରଙ୍କୁ SMS ସପୋର୍ଟ ଫିଚର ସୁବିଧା ମିଳିବ ନାହିଁ । ଯଦି ଆପଣ ଫେସବୁକ୍ ମେସେଞ୍ଜର ବ୍ୟବହାର କରୁଛନ୍ତି ତେବେ ଏହି ସୂଚନା ଆପଣଙ୍କ ପାଇଁ ଗୁରୁତ୍ୱପୂର୍ଣ୍ଣ ।

Facebook Messenger ଦ୍ୱାରା ୟୁଜରମାନେ ଆଉ ସେଲ୍ୟୁଲାର୍ ନେଟୱାର୍କ ବ୍ୟବହାର କରି SMS ପଠାଇ ପାରିବେ ନାହିଁ । ସୂଚନା ଥାଉ କି, ମେଟାର ଏହି ମେସେଜିଂ ପ୍ଲାଟଫର୍ମରେ ଆଣ୍ଡ୍ରଏଡ୍ ଫୋନ୍ ୟୁଜରଙ୍କ ପାଇଁ SMS ଇଣ୍ଟିଗ୍ରେସନ ଫିଚର ୨୦୧୬ ମସିହାରେ ଆରମ୍ଭ ହୋଇଥିଲା ।

ଆପଲର iMessage ଏବଂ ଗୁଗଲ ଆଣ୍ଡ୍ରଏଡ ମେସେଜ ସହିତ ପ୍ରତିଦ୍ୱନ୍ଦିତା କରିବା ପାଇଁ ଫେସବୁକ୍ ମେସେଞ୍ଜରରେ ଏହି SMS ଇଣ୍ଟିଗ୍ରେସନ ଫିଚର ଆରମ୍ଭ ହୋଇଥିଲା ।
ଏହି ଫିଚର ଦ୍ୱାରା ୟୁଜର ସିଙ୍ଗଲ ଆପରେ ଫେସବୁକ ମେସେଜରେ ଟେକ୍ସଟ୍‌ ମେସେଜ ଦେଖିବାର ସୁବିଧା ପାଇଥିଲେ । ବର୍ତ୍ତମାନ SMS ଟେକ୍ସଟକୁ ପର୍ପଲ କଲରରେ ଦେଖାଯାଇଥିବାବେଳେ ମେସେଞ୍ଜର କନର୍ଭସେସନକୁ ବ୍ଳୁ କଲରରେ ଦେଖାଯାଉଛି ।

ତେବେ ଫେସବୁକ୍ ମେସେଞ୍ଜରରେ ଏହି ଫିଚରକୁ କମ୍ପାନୀ କାହିଁକି ବନ୍ଦ କରୁଛି ଆସନ୍ତୁ ଜାଣିବା । ସୂଚନା ଥାଉ କି, ଫେସବୁକ ଆପ୍ ସହିତ ମେସେଜ୍ ଇନବକ୍ସ ଫିଚର ବର୍ତ୍ତମାନ ଆସୁଛି । କମ୍ପାନୀ ଚଳିତ ବର୍ଷ ମାର୍ଚ୍ଚରୁ ଏହି ଫିଚର ଉପରେ ପରୀକ୍ଷା କରିବା ଆରମ୍ଭ କରିଛି ।

ଏହି ଫିଚର ସହିତ, ଫେସବୁକ୍ ବ୍ୟବହାର କରି ମେସେଜ ମାଧ୍ୟମରେ କଣ୍ଟେଟ ପଠାଇବାର ସୁବିଧା ମିଳୁଛି । କଣ୍ଟେଟ ସେୟାର କରିବା ପାଇଁ ୟୁଜରମାନଙ୍କୁ ମେସେଞ୍ଜର ଆପକୁ ସୁଇଚ୍ କରିବା ଆବଶ୍ୟକ ନାହିଁ ।

ମେସେଞ୍ଜରର ଏହି SMS ଫିଚର କେବେ ବନ୍ଦ ହେବ?
ଫେସବୁକ୍ ମେସେଞ୍ଜରରେ SMS ସପୋର୍ଟ ଫିଚର ବନ୍ଦ ହେବାର ତାରିଖ ବିଷୟରେ ମଧ୍ୟ ସୂଚନା ମିଳିଛି । ମେସେଞ୍ଜର ଆପରେ SMS ମେସେଜିଂ ସପୋର୍ଟ ସେପ୍ଟେମ୍ବର ୨୮ରେ ବନ୍ଦ ହେବାକୁ ଯାଉଛି । କମ୍ପାନୀ କହିଛି ଯେ ଆପ୍ ଅପଡେଟ୍ କରିବା ସହିତ ୟୁଜରମାନେ ଏହି ନୂଆ ଫିଚର ଦେଖିପାରିବେ। ଏହି ଫିଚର ବନ୍ଦ ହେବା ଦ୍ୱାରା ଅନେକ ୟୁଜରଙ୍କ ଉପରେ ପ୍ରଭାବ ପଡ଼ିପାରେ ।

 

KnewsOdisha ଏବେ WhatsApp ରେ ମଧ୍ୟ ଉପଲବ୍ଧ । ଦେଶ ବିଦେଶର ତାଜା ଖବର ପାଇଁ ଆମକୁ ଫଲୋ କରନ୍ତୁ ।