ବର୍ଷକରେ କେତେଥର ଏସି ସର୍ଭିସିଂ କରିବା ଉଚିତ? ଜାଣନ୍ତୁ ସମ୍ପୂର୍ଣ୍ଣ ତଥ୍ୟ

ଦକ୍ଷତା ଏବଂ ଜୀବନକାଳ ବୃଦ୍ଧି ପାଇଁ ଏୟାର କଣ୍ଡିସନର (AC) ର ନିୟମିତ ସର୍ଭିସ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ବର୍ଷକୁ କେତେ ଥର ଏୟାର କଣ୍ଡିସନର ସର୍ଭିସିଂ କରାଯିବା ଉଚିତ ତାହା ଅନେକ କାରଣ ଉପରେ ନିର୍ଭର କରେ ଯେପରିକି ଏସିର ବ୍ୟବହାର, ଅବସ୍ଥାନ, ଏବଂ ପରିବେଶ ଅବସ୍ଥା ଇତ୍ୟାଦି । ତେବେ ଆଜି ଆମେ ଆପଣଙ୍କୁ ଏୟାର କଣ୍ଡିସନର କେବେ ସର୍ଭିସିଂ କରାଯିବା ଉଚିତ ସେ ବିଷୟରେ ଜଣାଇବୁ ।

ସାଧାରଣତଃ ଲୋକମାନେ ଗ୍ରୀଷ୍ମ ପ୍ରାରମ୍ଭରେ ସେମାନଙ୍କର ଏୟାର କଣ୍ଡିସନର ସର୍ଭିସିଂ କରାଇଥା’ନ୍ତି, କିନ୍ତୁ ୟୁଜରମାନେ ସେମାନଙ୍କର ଏସିକୁ ଗୋଟିଏ ଋତୁରେ ଥରେ ସର୍ଭିସ କରିବାକୁ ଭୁଲିଯାଆନ୍ତି, ସେଥିପାଇଁ ଆମେ ଆପଣଙ୍କ ଏୟାର କଣ୍ଡିସନରକୁ କେବେ ଏବଂ କେତେ ଥର ସର୍ଭିସିଂ କରିବା ଉଚିତ ସେ ବିଷୟରେ ଆମେ ଆପଣଙ୍କୁ ଜଣାଇବୁ ।

କେତେବେଳେ ଏୟାର କଣ୍ଡିସନର ସର୍ଭିସିଂ କରାଯିବା ଉଚିତ୍?
ଗ୍ରୀଷ୍ମ ଋତୁ (ମାର୍ଚ୍ଚ-ଏପ୍ରିଲ୍) ଆରମ୍ଭ ପୂର୍ବରୁ ସର୍ଭିସିଂ କରିବା ଜରୁରୀ ଅଟେ ଯାହା ଦ୍ୱାରା ଏସି ଗ୍ରୀଷ୍ମ ସମୟରେ ସର୍ବୋତ୍ତମ ପ୍ରଦର୍ଶନ କରିପାରିବ । ଏହା ସହିତ, ଗ୍ରୀଷ୍ମ ଋତୁ ସମାପ୍ତ ହେବା ପରେ (ସେପ୍ଟେମ୍ବର-ଅକ୍ଟୋବର), ଆଉ ଥରେ ସର୍ଭିସିଂ କରାଯିବା ଉଚିତ ଯାହା ଦ୍ୱାରା ସିଷ୍ଟମ ଯେକୌଣସି ପ୍ରକାର ଧୂଳି ଏବଂ ଆବର୍ଜନାରୁ ମୁକ୍ତ ହୋଇପାରିବ । ଯଦି ଆପଣ ମଝିରେ ଆଉ ଥରେ ସର୍ଭିସିଂ କରିଦିଅନ୍ତି ତେବେ ବହୁତ ଭଲ ହେବ ।

ଯଦି ଏସି ବହୁଳ ଭାବରେ ବ୍ୟବହୃତ ହୁଏ, ଯେପରିକି ଗ୍ରୀଷ୍ମ ଦିନରେ ଏହାକୁ ଦିନସାରା ଚଲାଇବା, ତେବେ ବର୍ଷକୁ ତିନିଥର ସର୍ଭିସିଂ କରାଯିବା ଉଚିତ । ଏହା ସହିତ, ଏସିର ସମସ୍ତ ପାର୍ଟ ସଠିକ୍ ଭାବରେ କାର୍ଯ୍ୟ ଜାରି ରଖିବ ଏବଂ ଯେକୌଣସି ସମସ୍ୟା ଠିକ୍ ସମୟରେ ସମାଧାନ ହୋଇପାରିବ । ଯଦି ଆପଣ ଏପରି ଏକ ଅଞ୍ଚଳରେ ରୁହନ୍ତି ଯେଉଁଠାରେ ବହୁତ ଧୂଳି କିମ୍ବା ପ୍ରଦୂଷଣ ହୋଇଥାଏ ତେବେ ଏସିର ଫିଲ୍ଟର ଏବଂ କୋୟଲ୍ସଗୁଡିକ ବାରମ୍ବାର ସଫା କରାଯିବା ଉଚିତ ।

ଏଭଳି ପରିସ୍ଥିତିରେ ବର୍ଷକୁ ତିନିରୁ ଚାରିଥର ସର୍ଭିସିଂ କରିବା ପାଇଁ ପରାମର୍ଶ ଦିଆଯାଇଛି । ସେହିଭଳି ପ୍ରତି ତିନି ମାସରେ ଏସି ଫିଲ୍ଟର ସଫା କରାଯିବା ଉଚିତ୍ । ଯଦି ଫିଲ୍ଟରଗୁଡିକ ବହୁତ ମଇଳା ହୋଇଯାଏ ତେବେ ସେଗୁଡ଼ିକୁ ମଧ୍ୟ ବଦଳାଇବା ଉଚିତ । ସର୍ଭିସିଂ ସମୟରେ ଇଭାପୋରେଟର ଏବଂ କଣ୍ଡେନ୍ସର କୋଇଲ୍ସ ମଧ୍ୟ ସଫା କରାଯିବା ଉଚିତ୍ । ଧୂଳି ଏବଂ ଆବର୍ଜନା ସଫା କରିବା ଦ୍ୱାରା ଏସିର କାର୍ଯ୍ୟଦକ୍ଷତା ବଢିଥାଏ ।