ସାଓମିର ନିବେଶ କମ୍ପାନୀ ହୁଆମି ଭାରତରେ ଲାଟେଷ୍ଟ ସ୍ମାର୍ଟୱାଚ୍ Amazfit Bip S ଲଞ୍ଚ କରିଛି । ଏହି ସ୍ମାର୍ଟ ୱାଚରେ ସବୁଠାରୁ ଖାସକଥା ହେଉଛି ଏହାର 40 ଦିନର ବ୍ୟାକଅପ୍ ବ୍ୟାଟେରୀ । କମ୍ପାନୀ ଏହି ସ୍ମାର୍ଟ ୱାଚର ମୂଲ୍ୟ 4,999 ଟଙ୍କା ରହିଛି, ଯାହା ଆମାଜନ,ଫ୍ଲିପକାର୍ଟ, ମାଇଣ୍ଟ୍ରା କ୍ରୋମା, ରିଲାଏନ୍ସ ଡିଜିଟାଲ ଭଳି ଅଫଲାଇନ ଷ୍ଟୋରରୁ କିଣାଯାଇପାରିବ । ତେବେ ଆସନ୍ତୁ ଜାଣିବା ଏହାର ଫିଚର ବିଷୟରେ ।
Amazfit Bip S ସ୍ମାର୍ଟୱଟ୍ ହେଉଛି 5 ଏଟିଏମ୍ ଜଳ ପ୍ରତିରୋଧକ । ଏଥିରେ ଜିପିଏସ୍ ସପୋର୍ଟ ଏବଂ ମ୍ୟୁଜିକ୍ କଣ୍ଟ୍ରୋଲ୍ ଫିଚର ମଧ୍ୟ ଅଛି । ଏହି ସ୍ମାର୍ଟ ୱାଚ୍ ରେ 176×176 ପିକ୍ସେଲ ରିଜୋଲୁସନ ସହିତ 1.28-ଇଞ୍ଚ ଟ୍ରାନ୍ସଫ୍ଲୋକ୍ଟିଭ କଲର TFT ଡ଼ିସପ୍ଲେ ଦିଆଯାଇଛି । ଡିସପ୍ଲେ ପ୍ୟାନେଲରେ ସୁରକ୍ଷା ପାଇଁ 2.5D କର୍ଭଡ କର୍ନିଙ୍ଗ ଗୋରିଲା ଗ୍ଲାସ 3 ରହିଛି ।
ସ୍ମାର୍ଟ ଏକ୍ସପିରିଏନ୍ସ ପାଇଁ ଏଥିରେ ଏକ ବାୟୋଟ୍ରାକର୍ ପିପିଜି ଅପ୍ଟିକାଲ୍ ସେନ୍ସର, ଥ୍ରୀ ଏକ୍ସିସ ଏକସିଲିରେସନ ଏବଂ ଥ୍ରୀ ଏକ୍ସିସ ଜିଓମ୍ୟାଗ୍ନେଟିକ୍ ସେନ୍ସର ଦିଆଯାଇଛି । ଏହି ସେନ୍ସରଗୁଡ଼ିକ ଫିଟନେସ୍ ଏବଂ ସ୍ଲିପ ଟ୍ରାକିଂକୁ ଏନାବଲ କରିଥାଏ । ଏଥିରେ ସର୍ବଦା ଅନ୍ ଡିସପ୍ଲେ ର ଫିଚର ଦିଆଯାଇଛି । ଆମାଜଫିଟ୍ ବିପ୍ ଏସରେ ବ୍ଲୁଟୁଥ୍ 5.0 ଏବଂ ବ୍ଲୁଟୁଥ୍ ଲୋ ଏନର୍ଜି ସପୋର୍ଟ ରହିଛି ।
ଆମାଜଫିଟ୍ ଏଥିରେ ଟ୍ରେଡମିଲ୍, ଆଉଟଡୋର ରନିଙ୍ଗ ଏବଂ ବେକିଙ୍ଗ ଭଳି 10 ଟି ସପୋର୍ଟ ମୋଡ୍ ଦିଆଯାଇଛି । ଉଭୟ ଆଣ୍ଡ୍ରଏଡ୍ ଏବଂ ଆଇଓଏସ୍ କୁ ସପୋର୍ଟ କରୁଥିବା ଏହି ୱାଚରେ କ୍ରମାଗତ ହାର୍ଟରେଟ ଟ୍ରାକିଂ ଏବଂ ହାର୍ଟରେଟ ୱାର୍ଣ୍ଣିଙ୍ଗର ଫିଚର ମଧ୍ୟ ରହିଛି । ଏଥିରେ ସାଟେଲାଇଟ ବେସ୍ଡ ପୋଜିସନିଙ୍ଗ ପୋଜିସନ୍ ପାଇଁ ଜିପିଏସ୍ + ଗ୍ଲୋନାସ୍ ମଧ୍ୟ ରହିଛି । ପାୱାର ପାଇଁ ଏଥିରେ 200mAh ବ୍ୟାଟେରୀ ରହିଛି । ଠାରେ ଚାର୍ଜ କଲେ ଏହା 30 ଦିନ ଚାଲିପାରିବ ବୋଲି କମ୍ପାନୀ ଦାବି କରିଛି । ଆହୁରି ମଧ୍ୟ, ଏହାକୁ କମ୍ ବ୍ୟବହାର କଲେ 40 ଦିନ ପାଇଁ ଏହା ଚାଲିବ ।