ଅମରନାଥ ଯାତ୍ରୀଙ୍କ ପାଇଁ ଜିଓ ଲଞ୍ଚ କଲା ୧୦୨ ଟଙ୍କାର ପ୍ରିପେଡ ପ୍ଳାନ
ନୂଆଦିଲ୍ଲୀ : ଅମରନାଥ ଯାତ୍ରୀଙ୍କ ପାଇଁ ଜମ୍ମୁ-କାଶ୍ମୀରରେ ରିଲାଏନ୍ସ ଜିଓ ୧୦୨ଟଙ୍କା ବିଶିଷ୍ଟ ନୂଆ ପ୍ରିପେଡ ପ୍ଳାନ ଲଞ୍ଚ କରିଛି। ଏହି ପ୍ଳାନର ଭାଲିଡିଟି ୭ ଦିନ ରଖାଯାଇଛି। ଏଥିରେ ଗ୍ରାହକ ଅନଲିମିଟେଡ ଭଏସ କଲିଂ, ଦୈନିକ ୧୦୦ଏସଏମଏସ୍ ଏବଂ ୫୦୦ଏମବି ହାଇ-ସ୍ପିଡ ଡାଟାର ବ୍ୟବହାର କରିପାରିବେ। ଏହି ପ୍ରିପେଡ ପ୍ଳାନକୁ ଖାସ କରି ଅମରନାଥ ଯାତ୍ରୀଙ୍କ ପାଇଁ ଆରମ୍ଭ କରାଯାଇଛି। କିନ୍ତୁ ଏହି ପ୍ଳାନରେ ଗ୍ରାହକଙ୍କୁ ଜିଓ ଆପ୍ସ ଗୁଡିକର ଆକ୍ସେସ୍ ମିଳିବ ନାହିଁ । ଅର୍ଥାତ୍ ଗ୍ରାହକଙ୍କୁ ଜିଓ ସିନେମା,ଜିଓ ଟିଭି ଏବଂ ଜିଓର ବାକି ସର୍ଭିସ ଗୁଡିକର ବ୍ୟବହାର କରିପାରିବେ ନାହିଁ।
ଆପଣଙ୍କୁ ଜଣାଇବାକୁ ଚାହିଁବୁ ଜମ୍ମୁ-କାଶ୍ମୀରରେ ପ୍ରିପେଡ ସସକ୍ରାଇବର ପାଇଁ ରୋମିଂ ସୁବିଧାରେ ରୋକ ଲଗାଯାଇଛି। ଏଥିପାଇଁ ଶ୍ରଦ୍ଧାଳୁଙ୍କୁ ଅମରନାଥ ଯାତ୍ରାରେ ପହଞ୍ଚିବା ପାଇଁ ଅନେକ ଅସୁବିଧାର ସାମ୍ନା କରିବାକୁ ପଡିଥାଏ। ଏଣୁ ରିଲାଏନ୍ସ ଜିଓ ଅମରନାଥ ଯାତ୍ରୀଙ୍କ ପାଇଁ ଏହି ଖାସ ଅଫର ଆରମ୍ଭ କରିଛନ୍ତି।
