ଟିଭି ପରେ AI ରୋବଟ୍ ଲଞ୍ଚ କରିବ LG କମ୍ପାନୀ, ରହିଛି ଦମଦାର ଫିଚର
କମ୍ପାନୀ ଏହି AI ରୋବଟକୁ ଅନ୍ୟ ରୋବଟ୍ ପରି ଡିଜାଇନ୍ କରିଛି, ଯାହାର ଉଭୟ ଗୋଡ ଏବଂ ଚକ ଅଛି । ହ୍ଵିଲ୍ସ ସାହାଯ୍ୟରେ ଏହି ରୋବଟ୍ ସହଜରେ ଘରର ବିଭିନ୍ନ କୋଣକୁ ଯାଇପାରିବ । ଆପଣ ଏହି ରୋବଟ୍ ସହିତ ମଧ୍ୟ କଥା ହୋଇପାରିବେ ।
ଟିଭି ଇଣ୍ଡଷ୍ଟ୍ରିରେ LG ବେଶ୍ ଜଣାଶୁଣା କମ୍ପାନୀ । ଆପଣଙ୍କ ମଧ୍ୟରୁ ଅନେକଙ୍କ ଘରେ ଏହି କମ୍ପାନୀର ଟିଭି ନିଶ୍ଚିତ ରହିଥିବ । ବର୍ତ୍ତମାନ LG ଏହାର AI ରୋବଟ୍ ଲଞ୍ଚ କରିବାକୁ ଯାଉଛି । CES ୨୦୨୪ ଇଭେଣ୍ଟରେ କମ୍ପାନୀ ଏହାର AI ରୋବଟ୍ ଲଞ୍ଚ କରିବ ଯାହା ଆପଣଙ୍କୁ ଅନେକ ଘରୋଇ କାର୍ଯ୍ୟରେ ସାହାଯ୍ୟ କରିବ । ଏହି ଇଭେଣ୍ଟ ଜାନୁଆରୀ ୯ ରୁ ଜାନୁୟାରୀ ୧୨ ପର୍ଯ୍ୟନ୍ତ ଚାଲିବ । କମ୍ପାନୀର ରୋବଟ୍ AI ସାହାଯ୍ୟରେ କାମ କରେ ଏବଂ ଆପଣଙ୍କର ଶବ୍ଦ, ଭାଷା ଏବଂ ଫଟୋ ଭଳି ଅନେକ ନିର୍ଦ୍ଦେଶକୁ ବୁଝିପାରିବ ।
କମ୍ପାନୀ ଏହି AI ରୋବଟକୁ ଅନ୍ୟ ରୋବଟ୍ ପରି ଡିଜାଇନ୍ କରିଛି, ଯାହାର ଉଭୟ ଗୋଡ ଏବଂ ଚକ ଅଛି । ହ୍ଵିଲ୍ସ ସାହାଯ୍ୟରେ ଏହି ରୋବଟ୍ ସହଜରେ ଘରର ବିଭିନ୍ନ କୋଣକୁ ଯାଇପାରିବ । ଆପଣ ଏହି ରୋବଟ୍ ସହିତ ମଧ୍ୟ କଥା ହୋଇପାରିବେ । AI ସାହାଯ୍ୟରେ ଏହି ରୋବଟ କଥା ବୁଝିଥାଏ ଏବଂ ପରେ ଆପଣଙ୍କୁ ପ୍ରତିକ୍ରିୟା ଦେଇଥାଏ । ଏହି ରୋବଟ୍ କେବଳ କଥାବାର୍ତ୍ତାକୁ ବୁଝିଥାଏ ତାହା ନୁହେଁ ବରଂ ଏହା ଆପଣଙ୍କର ସମସ୍ତ ସ୍ମାର୍ଟ ଘର ଡିଭାଇସକୁ ମଧ୍ୟ କଣ୍ଟ୍ରୋଲ କରିପାରିବ । ଏପରିକି ଯେତେବେଳେ ଆପଣ ଘରେ ନଥିବେ ଏହି ରୋବଟ୍ ପୁରା ଘରର ଯତ୍ନ ନେଇ ପାରିବ ଏବଂ ଆପଣଙ୍କ ପିଲା, ଗୃହପାଳିତ ପଶୁ ଇତ୍ୟାଦିଙ୍କର ମଧ୍ୟ ଯତ୍ନ ନେଇପାରିବ ।
ଏହି ରୋବଟରେ କ୍ୟାମେରା ଏବଂ ସେନ୍ସର ଲାଗିଛି ଯାହା ସାହାଯ୍ୟରେ ଏହା ଆପଣଙ୍କ ଚେହେରାକୁ ସହଜରେ ବୁଝିପାରେ । ସେନ୍ସର ସାହାଯ୍ୟରେ ଏହା ଅନେକ ପ୍ରକାରର ସୂଚନା ଦେଇଥାଏ ।