ଭାରତକୁ ଖୁବଶୀଘ୍ର ଫେରୁଛି PUBG Mobile, ଏୟାରଟେଲ ସହ ଚାଲିଛି କଥାବାର୍ତ୍ତା
ଯଦି ଆପଣ ମଧ୍ୟ PUBG ମୋବାଇଲ୍ ଗେମ୍ ପାଇଁ ପାଗଳ ଏବଂ ଏହା ବ୍ୟାନ ହୋଇଥିବାରୁ ଦୁଃଖିତ ତେବେ ଏହି ଖବର ଆପଣଙ୍କ ପାଇଁ । ଏୟାରଟେଲ ଏବଂ PUBG ମୋବାଇଲ୍ ମଧ୍ୟରେ ଏନେଇ କଥାବାର୍ତ୍ତା ଚାଲିଥିବାର ସୂଚନା ମିଳିଛି । ଯଦି ଏହି ଆଲୋଚନା ସଫଳ ହୁଏ ତାହେଲେ ପବଜି ମୋବାଇଲ୍ ଗେମ ଶୀଘ୍ର ଭାରତୀୟ ବଜାରରେ ପ୍ରତ୍ୟାବର୍ତ୍ତନ କରିବ ।
ଏକ ରିପୋର୍ଟ ଅନୁଯାୟୀ ରିଲାଏନ୍ସ ଜିଓ ସହିତ ବୁଝାମଣା ବିଫଳ ହେବା ପରେ PUBG କର୍ପୋରେସନ ବର୍ତ୍ତମାନ ଏୟାରଟେଲ ସହିତ ଆଲୋଚନା କରୁଛି । ଯଦିଓ ଏୟାରଟେଲ ଏବଂ PUBGର ଆଲୋଚନା ପ୍ରାରମ୍ଭିକ ପର୍ଯ୍ୟାୟରେ ଅଛି। ଏଥି ସହିତ PUBG ଏବଂ ଏୟାରଟେଲ ତରଫରୁ ଏହି ରିପୋର୍ଟ ଉପରେ କୌଣସି ସରକାରୀ ବିବୃତ୍ତି ଜାରି କରାଯାଇ ନାହିଁ।
ସୂଚନା ଅନୁଯାୟୀ ନିକଟରେ ସେନ୍ସର ଟାୱାରର ଏକ ରିପୋର୍ଟରେ କୁହାଯାଇଛି ଯେ PUBG ଡାଉନଲୋଡରେ ବହୁତ ହ୍ରାସ ଘଟିଛି । ରିପୋର୍ଟ ହୋଇଛି ଯେ PUBG ମୋବାଇଲ୍ ଗେମର ଗ୍ଲୋବାଲ୍ ଡାଉନଲୋଡ୍ ହେଉଛି 14.6 ମିଲିୟନ୍ ଥିଲା ଯାହା ସେପ୍ଟେମ୍ବରରେ 26.7 ପ୍ରତିଶତ ହ୍ରାସ ହୋଇ 10.7 ମିଲିୟନରେ ପହଞ୍ଚିଛି । ଗତ ମାସରେ, ଅନ୍ୟ ଏକ ରିପୋର୍ଟରେ କୁହାଯାଇଥିଲା ଯେ PUBG ଭାରତକୁ ଫେରିବା ନେଇ PUBG ଏବଂ ରିଲାଏନ୍ସ ଜିଓ ମଧ୍ୟରେ ଆଲୋଚନା ହେଉଛି । ଏହି ରିପୋର୍ଟରେ ଆହୁରି ଦାବି କରାଯାଇଥିଲା ଯେ ଦୁଇ କମ୍ପାନୀର ଲିଗାଲ ଟିମ ମଧ୍ୟରେ ଅଂଶଧନକୁ ନେଇ ମଧ୍ୟ ଆଲୋଚନା ହେଉଛି ।
