ଖୁବଶୀଘ୍ର ହ୍ଵାଟସ୍ ଆପରେ ପାଇବେ UPI ପେମେଣ୍ଟ ସର୍ଟକଟ୍, ମିଳିବ QR କୋଡ୍ ସ୍କାନ୍ ଅପ୍ସନ୍
ହ୍ଵାଟସ୍ ଆପ୍ ବର୍ତ୍ତମାନ ଏକ ନୂଆ ଅପଡେଟ୍ ପାଇଁ ପ୍ରସ୍ତୁତ ହେଉଛି ଯାହା ପରେ UPI ପେମେଣ୍ଟ ପାଇଁ ଏକ ସର୍ଟକଟ୍ ମିଳିବ । ଏହି ସର୍ଟକଟ୍ ରେ QR କୋଡ୍ ଦେଖବାକୁ ମିଳିବ ।
ଇନଷ୍ଟାଣ୍ଟ ମେସେଜିଂ ଆପ୍ ହ୍ଵାଟସ୍ ଆପ୍ ଏକ ନୂଆ ଫିଚର ଉପରେ କାମ କରୁଛି । ହ୍ଵାଟସ୍ ଆପର UPI ପେମେଣ୍ଟ ବହୁ ବର୍ଷ ପୂର୍ବେ ଲଞ୍ଚ କରାଯାଇଥିଲା, କିନ୍ତୁ ବର୍ତ୍ତମାନ ସୁଦ୍ଧା ଏହା ଭାରତରେ ଲୋକପ୍ରିୟ ହୋଇପାରି ନାହିଁ । କିନ୍ତୁ ଏବେ ହ୍ଵାଟସ୍ ଆପ୍ ଏହାର ପେମେଣ୍ଟ ସର୍ଭିସକୁ ନେଇ ଜୋରସୋରରେ କାମ କରିବା ଆରମ୍ଭ କରିଛି ।
ହ୍ଵାଟସ୍ ଆପ୍ ବର୍ତ୍ତମାନ ଏକ ନୂଆ ଅପଡେଟ୍ ପାଇଁ ପ୍ରସ୍ତୁତ ହେଉଛି ଯାହା ପରେ UPI ପେମେଣ୍ଟ ପାଇଁ ଏକ ସର୍ଟକଟ୍ ମିଳିବ । ଏହି ସର୍ଟକଟ୍ ରେ QR କୋଡ୍ ଦେଖବାକୁ ମିଳିବ । ୟୁଜରମାନେ QR କୋଡ୍ ସ୍କାନ୍ କରି ପାରିବେ ଏବଂ ସିଧାସଳଖ QR କୋଡ୍ ଆଇକନ୍ ଉପରେ କ୍ଲିକ୍ କରି ପେମେଣ୍ଟ୍ କରିବାକୁ ସମର୍ଥ ହେବେ ।
ହ୍ଵାଟସ୍ ଆପର ଏହି ନୂଆ ଫିଚର ଆଣ୍ଡ୍ରଏଡର ବିଟା ଭର୍ସନ 2.24.7.3 ରେ ଦେଖିବାକୁ ମିଳିବ । ହ୍ଵାଟସ୍ ଆପ୍ ବିଟା ୟୁଜରମାନେ ସର୍ଟକଟ୍ ବଟନ୍ ରୁ QR କୋଡ୍ ସ୍କାନ୍ କରି ପେମେଣ୍ଟ କରିପାରିବେ । QR କୋଡ୍ ର ଏହି ସର୍ଟକଟ୍ ବଟନ୍ ବାମ ପାର୍ଶ୍ୱରେ ଥିବା କ୍ୟାମେରା ଆଇକନ୍ ପାଖରେ ଥିବା ଦେଖିବାକୁ ମିଳିବ ।
ହ୍ଵାଟସ୍ ଆପ୍ ବିଟା ୟୁଜରଙ୍କ ପାଇଁ ଏକ ନୂଆ ଅପଡେଟ୍ ଜାରି କରିଛି ଯାହା ପରେ ସେମାନେ ଷ୍ଟାଟସରେ ୧ ମିନିଟ୍ ପର୍ଯ୍ୟନ୍ତ ଭିଡିଓ ଅପଲୋଡ୍ କରିପାରୁଛନ୍ତି । ବର୍ତ୍ତମାନ ହ୍ଵାଟସ୍ ଆପ୍ ଷ୍ଟାଟସରେ କେବଳ ୩୦ ସେକେଣ୍ଡ୍ ଭିଡିଓ ଅପଲୋଡ୍ କରିବା ପାଇଁ ସୁବିଧା ରହିଛି କିନ୍ତୁ ନୂଆ ଅପଡେଟ୍ ପରେ ଏହା ୧ ମିନିଟ୍ ହେବ ।
