ମଙ୍ଗଳ ଦୋଷରୁ ମୁକ୍ତି ଦେବ ମଙ୍ଗଳା ଗୌରୀ ବ୍ରତ
ଶ୍ରାବଣ ମାସରେ ମଙ୍ଗଳବାର କରନ୍ତୁ ମଙ୍ଗଳା ଗୌରୀ ବ୍ରତ, ବୈବାହିକ ସମସ୍ୟା ଦୂର ହେବା ସହ ଦୂର ହେବ ସବୁ ସଙ୍କଟ
ଶ୍ରାବଣ ମାସରେ ସୋମବାର ଭଳି ମଙ୍ଗଳବାରର ମଧ୍ୟ ଖୁବ ଗୁରୁତ୍ୱ ରହିଛି। ଆପଣ ଏହିଦିନରେ ମାତା ଗୈାରୀଙ୍କ ପୂଜା କଲେ ଅନେକ ଆଶିର୍ବାଦ ପାଇବେ। ଏହିଦିନରେ ଆପଣ ମଙ୍ଗଳ ଗୈାରୀ ବ୍ରତ କରିପାରିବେ। ଏଥର ମଙ୍ଗଳ ଗୈାରୀ ବ୍ରତ ଆଜି ମାନେ ୪ ଜୁଲାଇ ମଙ୍ଗଳବାରରୁ ଆରମ୍ଭ ହୋଇଛି। ଆପଣ ଏବେ ପ୍ରତି ମଙ୍ଗଳବାର ଚାହିଁଲେ ଏହି ବ୍ରତ ପାଳନ କରିପାରିବେ। ଏହିଦିନରେ କିଛି ଉପାୟ କଲେ ବୈବାହିକ ଜୀବନ ରେ ଆସୁଥିବା ସମସ୍ତ ସମସ୍ୟା ଦୂର ହୋଇଯିବ। ଖାସ କରି କୁଣ୍ଡଳୀରେ ମଙ୍ଗଳ ଦୋଷ ଦୂର ହୋଇଯିବ। ଏହାର ପ୍ରଭାବ କମିଯିବ ।
ମଙ୍ଗଳବାରର ମଧ୍ୟ ଖୁବ ବିଶେଷତ୍ୱ ରହିଛି। ଶ୍ରାବଣ ମାସର ମଙ୍ଗଳବାର ମଙ୍ଗଳା ଗୌରୀ ବ୍ରତ କରାଯାଇଥାଏ। କୁହାଯାଏ ଯେ, ଏହା କରିବା ଦ୍ୱାରା ବୈବାହିକ ଜୀବନ ସହ ଜଡ଼ିତ ସମସ୍ତ ସମସ୍ୟାର ସମାଧାନ ହୋଇଥାଏ। ସନ୍ତାନ ସୁଖ ମଧ୍ୟ ଏହାଦ୍ୱାରା ଲାଭ ହୋଇଥାଏ ।
ଶାସ୍ତ୍ର ଅନୁସାରେ ମଙ୍ଗଳ ଗୈାରୀ ବ୍ରତ କଲେ ଆପଣ ଓମ ଗୌରୀଶଙ୍କରାୟ ନମଃ ମନ୍ତ୍ରକୁ ୧୦୮ ଥର ଅଥବା ୨୧ ଥର ଜପ କରିପାରିବେ।
ଜ୍ୟୋତିଷ ଶାସ୍ତ୍ର ଅନୁସାରେ ଯଦି ଆପଣ ଚାହିଁବେ ତେବେ ଖୁବ ଶୀଘ୍ର ବିବାହ ଯୋଗ ପାଇଁ ମଙ୍ଗଳବାର ମଙ୍ଗଳ ଗୌରୀ ବ୍ରତ ରଖି ମାଆଙ୍କୁ ସିନ୍ଦୂର ଅର୍ପଣ କରିପାରିବେ। ଏହାକୁ ପରେ ଆପଣ ନିଜ ମଥା ରେ ଲଗାଇପାରିବେ। ଏମିତିରେ ଲାଭ ମିଳିବ।
ସବୁଠୁ ବଡ଼ କଥା ମଙ୍ଗଳ ଦୋଷ ଦୂର ପାଇଁ ଆପଣ ମଙ୍ଗଳ ଗୌରୀ ବ୍ରତକୁ କରିପାରିବେ। ଏହିଦିନ ମସୁର ଡାଲି ଦାନ କରନ୍ତୁ। କୁହାଯାଏ ଏମିତିରେ ମଙ୍ଗଳ ଦୋଷ କମିଯାଏ। ତାଙ୍କ ଖରାପ ପ୍ରଭାବ କମିଯାଏ। ଆଉ ବିବାହ ଯୋଗ ବନିଥାଏ।
ଆପଣ ଏହିଦିନ ଶୃଙ୍ଗାର ଜିନିଷ ଭେଟ ଦେଇପାରିବେ। ଏମିତି କଲେ ମଧ୍ୟ ଶୀଘ୍ର ବିବହା ହୋଇଥାଏ।
ସେହିଭଳି ବୈବାହିକ ଜୀବନରେ କୌଣସି ପ୍ରକାର ସମସ୍ୟା ଥିଲେ ଏହି ବ୍ରତ କୁ କରନ୍ତୁ। ଭଗବାନ ଶଙ୍କର ଙ୍କ ସହ ମାଆ ଗୌରୀ ଓ ହନୁମାନଙ୍କ ପୂଜା କରନ୍ତୁ। ଗୁଡ଼ ଭୋଗ ଲଗାନ୍ତୁ। ଏହାକୁ ଗାଈକୁ ଖାଇବାକୁ ଦିଅନ୍ତୁ। ଏମିତି କଲେ ମଧ୍ୟ ସମସ୍ୟା ଦୂର ହୋଇଯିବ।
ମଙ୍ଗଳା ଗୌରୀ ବ୍ରତକୁ ସାଧାରଣତଃ ସଧବା ନାରୀ ମାନେ କରିଥାନ୍ତି। ମାନ୍ୟତା ରହିଛି ଯେ, ଏହି ବ୍ରତକୁ ରଖିବା ଦ୍ୱାରା ଅଖଣ୍ଡ ସୌଭାଗ୍ୟବତି ହେବାର ଆଶିର୍ବାଦ ପ୍ରାପ୍ତି ହୋଇଥାଏ। ଏହାଦ୍ୱାରା ଉକ୍ତ ନାରୀଙ୍କ ସ୍ୱାମୀ ଦୀର୍ଘାୟୁ ହେବା ସହିତ ସୁସ୍ଥ ରହିଥାନ୍ତି। ମାସକ ମଧ୍ୟରେ ଏହି ବ୍ରତକୁ ୪ ରୁ ୫ ଥର ରଖାଯାଇଥାଏ। ପ୍ରାତଃରୁ ଉଠି ସୁର୍ଯ୍ୟଦେବଙ୍କୁ ପୂଜା ପରେ ଚୌକି ଉପରେ ନାଲି କପଡ଼ା ପକାଇ ମାତା ପାର୍ବତୀ ଅର୍ଥାତ ମଙ୍ଗଳାଙ୍କ ପ୍ରତିମାକୁ ସ୍ଥାପିତ କରି ଆପଣ ବିଧିବିଧାନ ପୂର୍ବକ ପୂଜା କରିପାରିବେ।
