ଫିଲ୍ମ ‘୮୩’ରେ ନିଜ ଭୂମିକାକୁ ନେଇ ଟ୍ଵିଟ୍ କରିବା ଦୀପିକାଙ୍କୁ ପଡ଼ିଲା ମହଙ୍ଗା, ଚିନ୍ତାଧାରା ବଦଳାଇବାକୁ ପରାମର୍ଶ ଦେଲେ ଲୋକେ
ବଲିଉଡ ଅଭିନେତ୍ରୀ ଦୀପିକା ପାଦୁକୋନ୍ ନିଜ ଫିଲ୍ମ ‘୮୩’ କୁ ନେଇ ଟ୍ଵିଟ୍ କରି ବିବାଦରେ ଫସିଛନ୍ତି। ଏହି ଟ୍ଵିଟ୍ ଯୋଗୁ ଦୀପିକାଙ୍କୁ ଲୋକମାନେ ବିଭିନ୍ନ କଟୁକଥା କହୁଥିବା ଦେଖିବାକୁ ମିଳିଛି। ଏହି ଫିଲ୍ମରେ ନିଜ ଭୂମିକାକୁ ନେଇ ଦୀପିକା ଏକ ଟ୍ଵିଟ୍ କରିଥିଲେ। ଟ୍ଵିଟ୍ରେ ସେ କପିଳ ଦେବଙ୍କ ପତ୍ନୀ ରୋମା ଦେବଙ୍କ ରୋଲ ସମ୍ପର୍କରେ କହିଥିଲେ।
ଦୀପିକା ଟ୍ଵିଟ୍ରେ ରଣବୀର କପୁରଙ୍କ ସହ ଠିଆ ହୋଇଥିବା ଏକ ଫଟୋ ପୋଷ୍ଟ କରି କ୍ୟାପସନ୍ରେ ଲେଖିଥିଲେ ଯେ ‘ଖେଳ ଇତିହାସରେ ଏକ ସମ୍ମାନଜନକ ସମୟ ଉପରେ ନିର୍ମିତ ଫିଲ୍ମରେ ଏକ ଛୋଟ ଭୂମିକାରେ ଅଭିନୟ କରିବା ମଧ୍ୟ ସମ୍ମାନର କଥା। ଏହା କେବଳ ସେହି ମହିଳାଙ୍କ ପାଇଁ ଯେଉଁମାନେ ନିଜ ସ୍ୱପ୍ନ ପୂର୍ବରୁ ସ୍ୱାମୀଙ୍କ ସ୍ୱପ୍ନକୁ ରଖିଥାନ୍ତି’।
“To play a small part in a film that captures one of the most iconic moments in sporting history has been an absolute honour!83 for me is an ode to every woman who puts her husband’s dream before her own…” #ThisIs83 pic.twitter.com/JHTjQE8KC3
— Deepika Padukone (@deepikapadukone) February 19, 2020
ତେବେ ଦୀପିକାଙ୍କ ଏହି ପୋଷ୍ଟ କିଛି ୟୁଜରଙ୍କୁ ପସନ୍ଦ ଆସିନାହିଁ। ଜଣେ ୟୁଜର ପୋଷ୍ଟରେ କମେଣ୍ଟ କରି ଲେଖିଛନ୍ତି ‘କେବଳ ଫିଲ୍ମକୁ ପ୍ରମୋଟ କରିବା ପାଇଁ ପୁରୁଣା ଚିନ୍ତାଧାରାକୁ ପ୍ରାଧାନ୍ୟ ଦେବା ଅତ୍ୟନ୍ତ ଦୁଃଖଦାୟୀ’। ସେହିପରି ଆଉ ଜଣେ ୟୁଜର ଲେଖିଛନ୍ତି, ‘ କ’ଣ ଆପଣ ସ୍ୱାମୀଙ୍କ କ୍ୟାରିୟର ପାଇଁ ନିଜ କ୍ୟାରିୟରକୁ ଛାଡ଼ିଦେବେ’? ଆଉ ଜଣେ ୟୁଜର ଲେଖିଛନ୍ତି,‘ଆଗରୁ ସବୁ ମହିଳା ନିଜ ପୂର୍ବରୁ ସ୍ୱାମୀଙ୍କ ସ୍ୱପ୍ନକୁ ଦେଖୁଥିଲେ, କିନ୍ତୁ ଏବେ ସେହି ଚିନ୍ତାଧାରାକୁ ପରିବର୍ତ୍ତନ କରିବା ସମୟ ଉପନୀତ ହୋଇଛି’।
good god, “every woman who puts her husband’s dream before her own” has been happening since the dawn of time and needs to stop. NOW.
— 𝕁𝕒𝕪𝕒 𝔻𝕦𝕓𝕖𝕪 (@msjdubey) February 20, 2020
ୟୁଜରଙ୍କ ଏସବୁ କମେଣ୍ଟର ଉତ୍ତରରେ ଦୀପିକା କୌଣସି ଉତ୍ତର ଦେଇନଥିବା ଦେଖାଯାଇଛି। କେବଳ ଏହି ଫିଲ୍ମ ନୁହେଁ ଦୀପିକାଙ୍କ ପୂର୍ବ ଫିଲ୍ମ ଛପାକ ମଧ୍ୟ ବିବାଦରେ ରହିଥିଲା। କପିଳ ଦେବଙ୍କ ଜୀବନୀକୁ ନେଇ ଆଧାରିତ ଫିଲ୍ମ ‘୮୩’ ଏପ୍ରିଲ ୧୦ ତାରିଖରେ ପରଦାକୁ ଆସିବ।
