ବାହୁବଳିଠୁ ବଡ଼ ଫିଲ୍ମ କରୁଛନ୍ତି ରାଜାମୌଲୀ : ପୁଣି ଲାଗିବ ଆକ୍ସନ୍, ରୋମାଞ୍ଚ ଏବଂ ରୋମାନ୍ସର ତଡ଼କା, ଜାଣନ୍ତୁ କିଏ କରିବେ ଅଭିନୟ
ପୁଣି ଥରେ ବଡ଼ ପରଦାରେ ହେବ ଧମାଲ୍ । ପୁଣି ଥରେ ସିନେମା ହଲ୍ ଆଗରେ ଟିକେଟ୍ ପାଇଁ ଲାଗିବ ଲମ୍ବା ଲାଇନ୍ । କାରଣ ମେଗା ବ୍ଲକବଷ୍ଟର୍ ଫିଲ୍ମ ବାହୁବଳି ପରେ ପୁଣି ଥରେ ଧମାକା କରିବାକୁ ଯାଉଛନ୍ତି ନିର୍ଦ୍ଦେଶକ ରାଜାମୌଲୀ । ଆଉ ଏଥର ପ୍ରଭାସଙ୍କ ସ୍ଥାନରେ ଜବରଦସ୍ତ ଆକ୍ସନ କରିବେ ସାଉଥର ଦୁଇ ସୁପରଷ୍ଟାର୍ ଜୁନିୟର୍ ଏନଟିଆର୍ ଏବଂ ରାମଚରଣ । ଆକ୍ସନ ଏବଂ ରୋମାଞ୍ଚରେ ଭରପୁର ଏହି ଫିଲ୍ମର ନାଁ ହେଉଛି RRR । ତେବେ ଫିଲ୍ମର ଫିମେଲ୍ ଲିଡରେ କିଏ ଅଛନ୍ତି ତାହା ଏଯାଏ ସ୍ପଷ୍ଟ ହୋଇନାହିଁ ।
ଏହି ଫିଲ୍ମର ପୁରା ନାଁ ହେଉଛି ରାମା ରାବଣ ରାଜ୍ଯମ୍ । ନିଜର ଏହି ଆଗାମୀ ପ୍ରୋଜେକ୍ଟ ନେଇ ରାଜାମୌଲୀ ୧୧ ନଭେମ୍ବର ସକାଳ ୧୧ ଟାରେ ଖୁଲାସା କରିଥିଲେ । ତେବେ ଏହି ଘୋଷଣା ଶୁଣିବା ପରେ ପ୍ରଶଂସକଙ୍କ ଉତ୍ସାହ ଢେର୍ ବଢିଯାଇଛି ।
ଏହା ସହ ପଢନ୍ତୁ : ପ୍ରେମ କରୁଥିବା ଯୋଡିଙ୍କ କେମିଷ୍ଟ୍ରି କେମିତି ହେବା ଉଚିତ୍ ? ଏହା ବୁଝିବା ପାଇ ଦେଖନ୍ତୁ ଦୀପିକା – ରଣବୀରଙ୍କ ଏହି ୨୦ ଫଟୋ
ଶୁଣିବାକୁ ମିଳିଛି ଏହି ଫିଲ୍ମ ପାଇଁ ରାମ ଚରଣ ଏବଂ ଏନଟିଆର୍ ଜମେଇକି ବୁହାଇଛନ୍ତି ଝାଳ । କିନ୍ତୁ ବାହୁବଳି ପରି ଏହା ଦୁଇ ଭାଗରେ ଆସିବ ନାହିଁ । ଏହି ଫିଲ୍ମଟି ଏକ ପିରିୟଡ୍ ଡ୍ରାମା ହୋଇଥିବାରୁ ଅଲଗା ଅଲଗା ଗାଁ ତିଆରି କରାଯାଉଛି । ଯାହାର ରୂପରେଖ ୧୯୨୦କୁ ଧ୍ୟାନରେ ରଖି ତିଆରି ହେବ ।
ଏହା ସହ ପଢନ୍ତୁ ସୋଏବ ଦେଲେ ସାନିଆଙ୍କୁ ଜନ୍ମଦିନର ଉପହାର, ପତ୍ନୀ ଏବଂ ପୁଅ ପାଇଁ ନେଲେ ନିଜ ଜୀବନର ବଡ଼ ନିଷ୍ପତ୍ତି
ଫିଲ୍ମର ବଜେଟ୍ ରହିଛି ୩୦୦ କୋଟି । ଯେତେବେଳେ କି ବାହୁବଳୀ ର ପ୍ରଥମ ପାର୍ଟର ବଜେଟ୍ ୧୮୦ କୋଟି ଏବଂ ଦ୍ବିତୀୟ ପାର୍ଟର ବଜେଟ୍ ଥିଲା ୨୫୦ କୋଟି । ଆଉ ଯାହାର ସଫଳତା ଏବଂ ଆୟ କାହାକୁ ଅଛପା ନାହିଁ । ଏବେ ଅନୁମାନ କରନ୍ତୁ ଦୁଇ ସୁପରଷ୍ଟାରଙ୍କ ଜବରଦସ୍ତ ଆକ୍ସନ୍ ଥିବା ୩୦୦ ବଜେଟର ଏହି ସିନେମା ବକ୍ସ ଅଫିସରେ କି ଧମାଲ୍ କରିବ ?
