ବାବୁଶାନଙ୍କ ସହ ବାର୍ଷିକ କ୍ୟାଲେଣ୍ଡରର ଶୁଭାରମ୍ଭ କଲା ସିଗ୍ନେଚର୍ 24, ଥିମ୍ ରହିଛି ” ଦି ଜେନେରେସନ୍ ଅଫ୍ ଟୁମୋରୋ”
ସିଗ୍ନେଚର୍ 24 ପ୍ରଡକ୍ସନ ବାବୁଶାନଙ୍କ ସହିତ ଏହାର ବାର୍ଷିକ କ୍ୟାଲେଣ୍ଡରର ଶୁଭାରମ୍ଭ କରିଛି। ବାବୁଶାନଙ୍କୁ ପୁନର୍ବାର ଏକ ନୂତନ ଅବତାରରେ ଦେଖିବାକୁ ମିଳିଛି କାରଣ କ୍ୟାଲେଣ୍ଡରର ଥିମ୍ ହେଉଛି ” ଦି ଜେନେରେସନ୍ ଅଫ୍ ଟୁମୋରୋ “। କ୍ୟାଲେଣ୍ଡର ପଛରେ ଏକମାତ୍ର ଲକ୍ଷ୍ୟ ହେଉଛି, ଆଜିର ଯୁବ ପିଢ଼ିଙ୍କ ପ୍ରତିପୋଷଣ ଏବଂ ମାର୍ଗଦର୍ଶନ ପ୍ରେମ ଏବଂ ଯତ୍ନ ସହିତ କରାଯିବା ଉଚିତ୍ କାରଣ ସେମାନେ “ଟୁମୋରୋ ଜେନେରେସନ୍” ଯିଏ ବିଶ୍ୱକୁ ଆଗକୁ ନେବେ |
ଚାଲିଥିବା କରୋନା ମହାମାରୀ ହେତୁ, କ୍ୟାଲେଣ୍ଡରର ଫେସବୁକରେ ଡିଜିଟାଲ୍ ଲଞ୍ଚ ହୋଇଥିଲା ଯାହା ବାବୁଶାନଙ୍କ ପ୍ରଶଂସକଙ୍କ ପାଇଁ ନୂତନ ବର୍ଷର ଉପହାର ସ୍ବରୂପ ଥିଲା। ବାବୁଶାନ ଏବଂ ତାଙ୍କ ଟିମ ସିଗ୍ନେଚର୍ 24 ସହ ବାବୁଶାନଙ୍କ ବାପା ଉତ୍ତମ ମହାନ୍ତି ଏବଂ ମା ଅପରାଜିତା ମହାନ୍ତି ମଧ୍ୟ ଏହି ଡିଜିଟାଲ୍ ଲଞ୍ଚ ବେଳେ ଉପସ୍ଥିତ ଥିଲେ ।ପ୍ରଥମ ଥର ପାଇଁ ବାବୁଶାନଙ୍କୁ ତାଙ୍କ ପିତାମାତାଙ୍କ ସହିତ ଦେଖିବାକୁ ମିଳିଥିଲା ।
ଏ ଅବସରରେ ବାବୁଶାନ କହିଛନ୍ତି, “ପ୍ରତ୍ୟେକ ପିଲା ଆମର ଭଲ ପାଇବା ଏବଂ ସ୍ନେହ ଆବଶ୍ୟକ କରେ ଯାହା ତାକୁ ଭଲ ମଣିଷ ହେବାରେ ସାହାଯ୍ୟ କରିଥାଏ | କ୍ୟାଲେଣ୍ଡରର ପ୍ରତ୍ୟେକ ପୃଷ୍ଠାରେ ମୋ ଠାରୁ ସମାଜ ପ୍ରତି ଏକ ବାର୍ତ୍ତା ଅଛି। ଆଶା କରୁଛି ଆପଣ ସମସ୍ତଙ୍କୁ କ୍ୟାଲେଣ୍ଡର ବହୁତ ଭଲ ଲାଗିବ। ” ସେ ଆହୁରି ମଧ୍ୟ କହିଛନ୍ତି ଯେ ସୁଟିଂ ସମୟରେ ପିଲାମାନଙ୍କ ସହ ସମୟ ଅତିବାହିତ କରି ତାଙ୍କୁ ବହୁତ ଭଲ ଲାଗିଲା।
Signature 2021 Calendar: THE GENERATION OF TOMORROW!
Calendar Photos Clicked By: @kaustavsaikia
Team @sg24productions : @iamjoyeetaroy , @mishraprateekk #Signature2021 #teambabushaan pic.twitter.com/VzoZtCsIzF
— babushaan mohanty (@babushaansai) January 4, 2021
ସେଲିବ୍ରିଟି ଫଟୋଗ୍ରାଫର କୌସ୍ତଭ ସାଇକିଆଙ୍କ ଦ୍ୱାରା କ୍ୟାଲେଣ୍ଡର ସୁଟ୍ ହୋଇଥିଲା। କୌସ୍ତଭ କହିଛନ୍ତି, “ବାବୁଶାନ ଦାଦା ଜଣେ ବହୁତ ଭଲ ମଣିଷ । ସେ ପିଲାମାନଙ୍କ ସହିତ ଖୁବ୍ ଶୀଘ୍ର ମିଶି ଯାଆନ୍ତି। ବାବୁଶାନଙ୍କର ସେଲିବ୍ରିଟି ଭାବେ କୌଣସି ଅହଂକାର ମନୋଭାବ ନାହିଁ ଯାହା ମୁଁ ଅନ୍ୟ ସେଲିବ୍ରିଟିମାନଙ୍କ ସହିତ ସୁଟିଂ କରିବା ସମୟରେ ଅନେକ ଥର ଦେଖେ। ସେ ସିଗ୍ନେଚର 24 ପ୍ରଡକ୍ସନର ପ୍ରତିଷ୍ଠାତା ନିର୍ଦ୍ଦେଶକ ସହ ତାଙ୍କର ସମ୍ପର୍କ ବିଷୟରେ କହିଛନ୍ତି, “ମୁଁ ଜୟୀତାଙ୍କୁ ବହୁତ ଦିନରୁ ଜାଣିଛି। ଓଡିଶାରେ ଏକ ପରିବର୍ତ୍ତନ ଆଣିବାରେ ଉଭୟ ବାବୁଶାନ ଏବଂ ଜୟୀତା ଏକ ଚମତ୍କାର କାର୍ଯ୍ୟ କରୁଛନ୍ତି। ”
ଏ ଅବସରରେ ସିଗ୍ନେଚର୍ 24 ପ୍ରଡକ୍ସନର ପ୍ରତିଷ୍ଠାତା ନିର୍ଦ୍ଦେଶକ ଜୟୀତା ରାୟ କହିଛନ୍ତି, “ସିଗ୍ନେଚର୍ 2020 କ୍ୟାଲେଣ୍ଡରର ବୃହତ ସଫଳତା ସହିତ ଆମେ ଚଳିତବର୍ଷ ସିଗ୍ନେଚର୍ 2021 କ୍ୟାଲେଣ୍ଡର ସହିତ କିଛି ନୂଆ କରିବାକୁ ଚିନ୍ତା କଲୁ | ସମାଜ ପାଇଁ କିଛି କରିବା ପାଇଁ ଆଶା ନେଇ ମୁଁ ଏଥର ଆମର କ୍ୟାଲେଣ୍ଡର ବ୍ୟବହାର କରିବାକୁ ଚିନ୍ତା କଲି । ପିଲାମାନଙ୍କୁ ଭଲ ପାଇବା ସହ ଭଲ କାମ କରିବାକୁ ସେମାନଙ୍କୁ ଉତ୍ସାହିତ କରିବା ପାଇଁ ସମସ୍ତଙ୍କୁ ଏହା ପ୍ରେରଣା ଦେବ। କ୍ୟାଲେଣ୍ଡରର ପ୍ରତ୍ୟେକ ଫଟୋ ସମାଜକୁ ପ୍ରେରଣା ଯୋଗାଇବ। ମୁଁ ଆଶା କରୁଛି ଆମର କ୍ୟାଲେଣ୍ଡର ସମାଜରେ ଏକ ପରିବର୍ତ୍ତନ ନିଶ୍ଚୟ ଆଣିବ”।
Stay Tuned to my Facebook Page… Signature 2021 is coming this January, 2.
Team: @sg24productions , @iamjoyeetaroy , @mishraprateekk , @kaustavsaikia #Signature2021 #TeamBabushaan pic.twitter.com/8YXd9WGfpV
— babushaan mohanty (@babushaansai) December 30, 2020
ଏହି କ୍ୟାଲେଣ୍ଡରକୁ ନେଇ ବାବୁଶାନଙ୍କ ବାପା ଉତ୍ତମ ମହାନ୍ତି ବହୁତ ଉତ୍ସାହିତ ଥିବାର ଦେଖାଯାଇଥିଲା। ସେ କହିଛନ୍ତି, “ବାବୁଶାନ ଏବଂ ସିଗ୍ନେଚର 24 ଭବିଷ୍ୟତ ପିଢ଼ି ବିଷୟରେ ଚିନ୍ତା କରି ସମାଜକୁ ଏକ ବାର୍ତ୍ତା ଦେବା ପାଇଁ ଚେଷ୍ଟା କରୁଥିବାରୁ ସେମାନଙ୍କର ଏହି ପ୍ରୟାସ ପ୍ରଶଂସା ଯୋଗ୍ୟ। ସେହିପରି ଅପରାଜିତା ମହାନ୍ତି ବାବୁଶାନ ଏବଂ ସିଗ୍ନେଚର 24 କୁ ପ୍ରଶଂସା କରି କହିଛନ୍ତି, “କ୍ୟାଲେଣ୍ଡରଟି ଛୋଟ ପିଲାମାନଙ୍କ ବିଷୟରେ ଏବଂ ଏଥିରେ ଟିମ୍ ଯାହା କରିଛନ୍ତି ତାହା ଅତ୍ୟନ୍ତ ପ୍ରେରଣାଦାୟକ। ଆସନ୍ତାକାଲିର ପିଢ଼ିକୁ ଉତ୍ସାହିତ କରିବା ପାଇଁ ଆମେ ଯଥାସମ୍ଭବ ଆମର କର୍ତ୍ତବ୍ୟ କରିବା ଉଚିତ୍। ”
କ୍ୟାଲେଣ୍ଡରରେ ଥିବା ପିଲାମାନେ ହେଉଛନ୍ତି ଓଡିଶା ପତିତ ଉଦ୍ଧାର ସମିତିର। ଏନେଇ ଓଡ଼ିଶା ପତିତ ଉଦ୍ଧାର ସମିତିର ସଚିବ ଆଭାରାଣୀ ଚୌଧୁରୀ କହିଛନ୍ତି , “ଆମେ ବାବୁଶାନ ଏବଂ ସିଗ୍ନେଚର 24 ଭଳି ସମାନ ଭାବନାରେ ବିଶ୍ୱାସ କରୁ। ଆମର ସଂଗଠନ ପ୍ରତ୍ୟେକ ପିଲାଙ୍କୁ ସହାୟତା କରିବାକୁ ଚେଷ୍ଟା କରୁଛି ଯାହା ଦ୍ଵାରା ସେମାନଙ୍କର ଭବିଷ୍ୟତ ଉଜ୍ଜ୍ଵଳମୟ ହେବ।”
ସିଗ୍ନେଚର୍ 24 ପ୍ରଡକ୍ସନ୍ ସିଇଓ ପ୍ରତୀକ କୁମାର ମିଶ୍ର କହିଛନ୍ତି, କ୍ୟାଲେଣ୍ଡରର ପ୍ରତ୍ୟେକ ପୃଷ୍ଠାରେ ପିଲାମାନଙ୍କ ସହିତ ବାବୁଶାନ ଫଟୋ ପ୍ରଦର୍ଶିତ ହୋଇଛି। ପ୍ରତ୍ୟେକ ଚିତ୍ର ମାଧ୍ୟମରେ ସମାଜ ପାଇଁ ଏକ ବାର୍ତ୍ତା ଦିଆଯାଇଛି। କ୍ୟାଲେଣ୍ଡରର କଭର ଚିତ୍ର ଅତ୍ୟନ୍ତ ପ୍ରେରଣାଦାୟକ ଯେଉଁଠାରେ ଆପଣମାନେ ଏକ ଝିଅ କ୍ରିକେଟ୍ ଖେଳୁଥିବାର ଏବଂ ତାଙ୍କ ପଛରେ ପୁଅମାନେ ଠିଆ ହୋଇଥିବାର ଦେଖିବାକୁ ପାଇବେ। ଏହି ଚିତ୍ର ଦ୍ଵାରା ଝିଅମାନଙ୍କୁ ପୁଅମାନଙ୍କ ପରି ସମାନ ବ୍ୟବହାର କରିବା ଉଚିତ ବୋଲି ବାର୍ତ୍ତା ଦିଆଯାଇଛି।”
