ପରିସ୍ରା ପୋଡା, ଗଣ୍ଠି ଦରଜ ସମସ୍ୟାରୁ ଆରାମ ଦେବ ସାରୁପତ୍ର; ଦୂର କରିବ ଶରୀରର ଅନେକ ସମସ୍ୟା
ସବୁଜ ପନିପରିବା ଖାଇବା ସ୍ୱାସ୍ଥ୍ୟ ପାଇଁ ଲାଭଦାୟକ। ଏହି ତାଲିକାରେ ସବୁ ପନିପରିବା ଯାଉଥିବା ବେଳେ ସାରୁପତ୍ର ଶରୀରର ପାଇଁ ବେଶ୍ ଫାଇଦା ଦେଇଥାଏ। ସାରୁକୁ ଅନେକ ଲୋକ ଖାଇବାକୁ ପସନ୍ଦ କରୁଥିବା ବେଳେ ଅନେକ ଲୋକ ପାଟି କୁଣ୍ଡାଇ ହେବା ଯୋଗୁଁ ଖାଇନଥାନ୍ତି। ସାରୁ ଶରୀର ପାଇଁ ବେଶ୍ ଲାଭକାରୀ ହୋଇଥିବା ବେଳେ ସାରୁ ପତ୍ର ମଧ୍ୟ ଶରୀର ପାଇଁ ବେଶ୍ ଉପକାରୀ ହୋଇଥାଏ। ଏହି ପତ୍ରରେ ଭିଟାମିନ ଏ, ବି, ସି., କ୍ୟାଲସିୟମ, ପୋଟାସିୟମ ଏବଂ ଆଣ୍ଟି ଅକ୍ସିଡାଣ୍ଟରେ ଭରପୂର ରହିଥାଏ। ଯାହା ଆପଣଙ୍କ ଶରୀରର ଅନେକ ସମସ୍ୟା ଦୂର କରିଥାଏ। ଜାଣନ୍ତୁ ଆଉ କ’ଣ ରହିଛି ଏହାର ଫାଇଦା…
– ଯଦି ଆପଣଙ୍କର ଗଣ୍ଠି ଦରଜ ସମସ୍ୟା ରହିଛି ତେବେ ଆପଣ ପ୍ରତିଦିନ ସାରୁ ପତ୍ର ଖାଇବା ଦ୍ୱାରା ଯନ୍ତ୍ରଣାରୁ ମୁକ୍ତି ମିଳିଥାଏ।
– ସାରୁ ପତ୍ରରେ ସୋଡିୟମ, ପୋଟାସିୟମ ଏବଂ ମ୍ୟାଗ୍ନେସିୟମ ଭଳି ତତ୍ତ୍ୱ ଅଧିକ ମାତ୍ରାରେ ରହିଛି, ଯାହା ଆପଣଙ୍କ ରକ୍ତଚାପକୁ ନିୟନ୍ତ୍ରଣରେ ରଖିଥାଏ।
– ଓଜନ ବୃଦ୍ଧି ସମସ୍ୟାରୁ ମୁକ୍ତି ମଧ୍ୟ ସାରୁପତ୍ର ଦେଇଥାଏ। ଏଥିରେ ଥିବା ଫାଇବର ମେଟାବୋଲଜିମକୁ ମଜବୁତ କରିଥାଏ, ଯାହା ଓଜନକୁ ନିୟନ୍ତ୍ରଣରେ ରଖିଥାଏ।
– ପେଟଜନିତ ଅନେକ ସମସ୍ୟା ପାଇଁ ସାରୁପତ୍ର ବେଶ୍ ଉପକାରୀ। ଏହି ପତ୍ରକୁ ପାଣିରେ ଫୁଟାଇ ସେହି ପାଣିରେ ଅଳ୍ପ ଘିଅ ମିଶାଇ ପିଅନ୍ତୁ। ଆପଣଙ୍କ ସମସ୍ୟା ଦୂର ହେବ ।
– ସାରୁପତ୍ର ଦୃଷ୍ଟିଶକ୍ତି ବୃଦ୍ଧି କରିପାରେ ମଧ୍ୟ ସହାୟକ ହୋଇଥାଏ। ଏଥିରେ ଥିବା ଭିଟାମିନ ଏ ଆଖି ମାଂସପେଶୀକୁ ମଜବୁତ କରିଥାଏ।
– ସାରୁପତ୍ରର ରସ ପିଇବା ଦ୍ୱାରା ଖୁବଶୀଘ୍ର ପରିସ୍ରାପୋଡା ରୋଗରୁ ଆରାମ ମିଳିଥାଏ।
– ଯେଉଁମାନଙ୍କୁ ଶୁଖିଲା କାଶର ସମସ୍ୟା ହେଉଛି, ସେମାନେ ସାରୁପତ୍ର ରସ ପିଇବା କିମ୍ବା ସାରୁ ଖାଇବା ଦ୍ୱାରା ଜଲଦି ଲାଭ ମିଳିଥାଏ।
– କୋଷ୍ଠକାଠିନ୍ୟ ରୋଗ ପାଇଁ ସାରୁପତ୍ର ରସ ବେଶ ଉପକାରୀ।
– ସାରୁ ପତ୍ର ଖାଇବା ପୁରୁଷମାନଙ୍କ ପାଇଁ ଲାଭଦାୟୀ। ଏହାକୁ ଖାଇବା ଫଳରେ ପୁରୁଷମାନଙ୍କର ଶାରୀରିକ ଶକ୍ତିର ବିକାଶ ହୋଇଥାଏ।
Also Read : କ’ଣ ଆପଣଙ୍କ ଘରେ ରହିଛି କି ନକାରାତ୍ମକ ଶକ୍ତି ? ଦୂର କରିବା ପାଇଁ ଆପଣାନ୍ତୁ ଏହି ଉପାୟ
