ଉଚ୍ଚ ରକ୍ତଚାପ ସମସ୍ୟା ଥିଲେ ପ୍ରତିଦିନ ଖାଆନ୍ତୁ କଦଳୀ, ନିଶ୍ଚିତ ମିଳିବ ଫାଇଦା
ପନିପରିବା ସହିତ ଫଳ ମଧ୍ୟ ସ୍ୱାସ୍ଥ୍ୟ ପାଇଁ ଖୁବ ଉପଯୋଗୀ ହୋଇଥାଏ । ତେବେ ସମସ୍ତଙ୍କୁ ସବୁ ଫଳ ଭଲ ଲାଗିନଥାଏ। ଲୋକମାନେ ପ୍ରାୟତଃ ନିଜ ମନପସନ୍ଦ ଫଳ ଖାଇବାକୁ ଆଗ୍ରହୀ ଥାନ୍ତି। ଏମିତିରେ ସେମାନେ ସିମୀତ ଆକାରରେ ଲାଭ ପାଇଥାନ୍ତି।
ଡାକ୍ତରଙ୍କ କହିବା ଅନୁସାରେ ସବୁ ଫଳର ନିଜସ୍ୱ ଗୁଣ ରହିଛି। ଯାହାକୁ ଶରୀରକୁ ସୁସ୍ଥ ରଖିବାରେ ସାହାଯ୍ୟ କରେ। ଏମିତିରେ ଆପଣ ଅନେକ ଫଳ ର ଫାଇଦା ସମ୍ପର୍କରେ ହୁଏତ ଜାଣିନଥିବେ। ଏଥିପାଇଁ ଆମେ ଆପଣଙ୍କ ପାଇଁ ନେଇ ଆସିଛୁ ସୁନ୍ଦର ଟିପ୍ସ। ଯାହାକୁ ଜାଣିବା ପରେ ଆପଣ ଏହି ଫଳ ଖାଇବା ଆରମ୍ଭ କରିବେ। ଆମେ କହୁଛୁ କଦଳୀ ଫଳ କଥା। ହଁ ଦର୍ଶକବନ୍ଧୁ ଏହାକୁ ଅନେକ ଖାଇବାକୁ ପସନ୍ଦ କରନ୍ତି ନାହିଁ। ଏହାର ଉପଯୋଗ ବିଷୟରେ ଯେଉଁମାନେ ଜାଣିଛନ୍ତି ସେମାନେ ହିଁ ଏହାକୁ ଖାଉଛନ୍ତି। ବିଶେଷ ଭାବେ ମଧୁମେହ ରୋଗୀ କିଛି ବି ଖାଇବା ପୂର୍ବରୁ ଅନେକ ଥର ଭାବନ୍ତି। ଆଜି ଜାଣନ୍ତୁ ଏମାନେ କଦଳୀ ଫଳ ଖାଇବା ଉଚିତ ନା ନାହିଁ।
କଦଳୀ ଆପଣଙ୍କୁ ଗୋଟିଏ ନୁହେଁ ଅନେକ ରୋଗରୁ ଦୂରେଇ ରଖେ। ଏହି ଫଳ ଆପଣଙ୍କ ସ୍ବାସ୍ଥ୍ୟ ପାଇଁ ଲାଭଦାୟକ,କିନ୍ତୁ ଆପଣ ଜାଣନ୍ତି କି କଦଳୀ ଖାଇବା ଆପଣଙ୍କର ରକ୍ତଚାପକୁ ନିୟନ୍ତ୍ରଣ କରିବା ପାଇଁ କେତେ ଲାଭଦାୟକ। କଦଳୀରେ ପୋଟାସିୟମ୍ ଏବଂ କ୍ୟାଲସିୟମ୍ ପ୍ରଚୁର ପରିମାଣରେ ମିଳିଥାଏ। ଏହା କେବଳ ଆପଣଙ୍କ ବିପିକୁ କଣ୍ଟ୍ରୋଲ କରେ ତାହା ନୁହେଁ ବରଂ ହାଡକୁ ମଧ୍ୟ ଶକ୍ତିଶାଳୀ କରିଥାଏ। ଖରାଦିନରେ କଦଳୀ ଏକ ପ୍ରମୁଖ ଶକ୍ତି ଉତ୍ସ ଭାବରେ ପରିଗଣିତ। ଏଥିପାଇଁ କିଛି ଲୋକେ ପ୍ରତିଦିନ କଦଳୀ ଖାଇବାକୁ ପସନ୍ଦ କରନ୍ତି। ତେବେ ଆସନ୍ତୁ ଜାଣିବା କଦଳୀର ଉପକାରିତା।
– କଦଳୀରେ ଅନେକ କାର୍ବୋହାଇଡ୍ରେଟ୍ ଥାଏ ଯାହାକୁ ଖାଇବା ଦ୍ବାରା ପେଟ ଶୀଘ୍ର ଭରିଯାଏ। ଅଫିସ୍ କିମ୍ବା କଲେଜ ଯିବା ସମୟରେ ଆପଣ ନିଜ ଜଳଖିଆ ମିସ୍ କରୁଛନ୍ତି ତେବେ କଦଳୀ ଖାଇବା ପରେ ବାହାରକୁ ଯାଆନ୍ତୁ କାରଣ ଏହାକୁ ଖାଇଲେ ଶକ୍ତି ମିଳିଥାଏ।
-ମାନସିକ ଚାପରୁ ମୁକ୍ତି ପାଇଁ କଦଳୀ ହେଉଛି ବହୁ ଲାଭଦାୟକ। ବାସ୍ତବରେ କଦଳୀରେ ଟ୍ରାଇପଟୋଫାନ୍ ନାମକ ଏକ ଉପାଦାନ ରହିଛି। ଏହି ଟ୍ରାଇପଟୋଫାନ୍ କାରଣରୁ ଆମ ଶରୀରରେ ସେରୋଟୋନିନ୍ ତିଆରି ହୁଏ ଆଉ ସେରୋଟୋନିନ୍ କୁ ହାପି ହରମୋନ୍ ମଧ୍ୟ କୁହାଯାଏ ଯାହା ଦ୍ବାରା ଆପଣ ମାନସିକ ଚାପ ଠାରୁ ଦୂରେଇ ରହିଥାଆନ୍ତି।
-ହଜମ ସମ୍ବନ୍ଧୀୟ ସମସ୍ୟା ଦୂର କରିବାରେ କଦଳୀ ବହୁତ ଲାଭଦାୟକ । ବାସ୍ତବରେ କଦଳୀରେ ଥିବା ଷ୍ଟାର୍ଚ ଆମ ହଜମ ପ୍ରକ୍ରିୟା ପାଇଁ ଗୁରୁତ୍ବପୂର୍ଣ୍ଣ । ଭଲ ବ୍ୟାକ୍ଟେରିଆ ପାଇଁ ଲାଭଦାୟକ । କଦଳୀରେ ମଧ୍ୟ ଆଣ୍ଟି ଏସିଡ୍ ଥାଏ ତେଣୁ ଆପଣଙ୍କର ହୃଦଘାତର ସମସ୍ୟା ଥାଏ ତେବେ କଦଳୀ ଖାଇବା ଦ୍ବାରା ଆପଣଙ୍କସମସ୍ୟା ଦୂର ହେବ।
-ହାଡକୁ ମଜବୁତ କରିବା ପାଇଁ କଦଳୀ ଖାଇବା ଉଚିତ୍। କାରଣ ୩୦ ବର୍ଷ ବୟସ ପରେ ଆପଣଙ୍କ ହାଡର ସମସ୍ୟା ଅନୁଭୂତ ହୁଏ। ଏପରି ପରିସ୍ଥିତିରେ ଆପଣ ପ୍ରତିଦିନ ଗୋଟିଏ କଦଳୀ ଖାଇବା ଉଚିତ୍।
