ଶୀତ ବ୍ୟତୀତ ଗ୍ରୀଷ୍ମ ଋତୁରେ ଗୋଇଠି ଫାଟୁଛି କି ? ଆପଣାନ୍ତୁ ଏହି ଘରୋଇ ଉପଚାର ଯନ୍ତ୍ରଣାରୁ ମିଳିବ ମୁକ୍ତି
ଗୋଇଠି ଫାଟିବା ଏକ ସାଧାରଣ ସମସ୍ୟା, ଯେଉଁ କାରଣରୁ ଅଧିକାଂଶ ଲୋକ ଅସୁବିଧାରେ ପଡ଼ନ୍ତି । ଏହା କେବଳ ଖରାପ ଦେଖାଯାଏ ନାହିଁ, ବରଂ ଏହା ଚାଲିବାରେ ମଧ୍ୟ ଅସୁବିଧା ସୃଷ୍ଟି କରେ ।
ଆପଣମାନେ ତ ଜାଣିଥିବେ ଥଣ୍ଡା ପାଗରେ ଗୋଇଠି ଫାଟିବା ସମସ୍ୟା ଅଧିକ ଦେଖାଯାଏ । କିନ୍ତୁ ପ୍ରବଳ ଖରା ଯୋଗୁ ମଧ୍ୟ ଗ୍ରୀଷ୍ମ ଋତୁରେ କିଛି ଲୋକଙ୍କ ଗୋଇଠି ଫାଟିଥାଏ । ତେବେ ଗୋଇଠି ଫାଟିବା ଏକ ସାଧାରଣ ସମସ୍ୟା, ଯେଉଁ କାରଣରୁ ଅଧିକାଂଶ ଲୋକ ଅସୁବିଧାରେ ପଡ଼ନ୍ତି । ଏହା କେବଳ ଖରାପ ଦେଖାଯାଏ ନାହିଁ, ବରଂ ଏହା ଚାଲିବାରେ ମଧ୍ୟ ଅସୁବିଧା ସୃଷ୍ଟି କରେ । ଫାଟିଥିବା ହିଲ୍ ଲୋକଙ୍କ ପାଦର ସୈନ୍ଦର୍ଯ୍ୟକୁ ପ୍ରଭାବିତ କରେ । ଏଥିରୁ ମୁକ୍ତି ପାଇବା ପାଇଁ ଲୋକମାନେ ଅନେକ ଉପାୟ ଆପଣାଇଥାନ୍ତି । ଯଦି ଆପଣ ମଧ୍ୟ ଏହି ଅସୁବିଧାର ସମ୍ମୁଖୀନ ହେଉଛନ୍ତି, ତେବେ ଆପଣ କିଛି ଘରୋଇ ଉପଚାର ଚେଷ୍ଟା କରିପାରିବେ । ତାହେଲେ ଆସନ୍ତୁ ଜାଣିବା ଯେ ଏହି ଘରୋଇ ଉପଚାର କ’ଣ ହୋଇଥାଏ ।
ଆପଣାନ୍ତୁ ଏହି ଘରୋଇ ଉପଚାର :
ଗ୍ରୀଷ୍ମ ଋତୁରେ ଫାଟିଥିବା ହିଲକୁ ଏଡାଇବା ପାଇଁ, ଆପଣ ଗୋଇଠିରେ ଆଲୋଭେରା ଜେଲ୍ ଲଗାଇପାରିବେ କାରଣ ଏଥିରେ ଆଣ୍ଟି-ଇନ୍ଫ୍ଲାମେଟୋରୀ ଏବଂ ମଶ୍ଚରାଇଜିଂ ଗୁଣ ରହିଛି । ଏହା ବ୍ୟତୀତ ଆପଣ ହିଲରେ ମହୁ ଲଗାଇ ପାରିବେ । ମହୁ ଲଗାଇଲେ ହିଲର ସ୍କିନ୍ରେ ଆର୍ଦ୍ରତା ଆସିଥାଏ । ଏହା ସହ କଦଳୀକୁ ମାଲିସ୍ କରନ୍ତୁ ଏବଂ ଏହାକୁ ହିଲରେ ୧୫ ମିନିଟ୍ ପର୍ଯ୍ୟନ୍ତ ରଖନ୍ତୁ, ତାପରେ ଏହାକୁ ଧୋଇ ଦିଅନ୍ତୁ, ଏହା ହିଲ୍କୁ ନରମ କରିଥାଏ । ଏସବୁ ବ୍ୟତୀତ ଆପଣ ଦହି ବ୍ୟବହାର କରିପାରିବେ । ଦହିରେ ଲାକ୍ଟିକ୍ ଏସିଡ୍ ଥାଏ, ଯାହା ଡ୍ରାଏ ସ୍କିନ୍କୁ ବାହାର କରିବାରେ ସାହାଯ୍ୟ କରିଥାଏ ।
ଏପରି ନିଅନ୍ତୁ ଗୋଇଠିର ଯତ୍ନ :
ଯଦି ହିଲ୍ ଅଧିକ ଫାଟୁଛି, ତାହେଲେ ଆପଣ ଦିନରେ ଦୁଇଥର ମଶ୍ଚରାଇଜର ଲଗାଇବା ଉଚିତ ଏବଂ ରାତିରେ ଶୋଇବା ପୂର୍ବରୁ ଆପଣ ପେଟ୍ରୋଲିୟମ ଜେଲି ଲଗାଇ ପାରିବେ ଏବଂ ଏହା ଉପରେ ମୋଜା ପିନ୍ଧିପାରିବେ । ଏହା ବ୍ୟତୀତ, ଆପଣ ନଡ଼ିଆ ତେଲ, ଅଲିଭ୍ ଅଏଲ୍,ବଟର, ମଶ୍ଚରାଇଜର ହିଲରେ ଲଗାଇପାରିବେ । ଏହା ସହ ଶୋଇବା ପୂର୍ବରୁ ଆପଣଙ୍କର ଗୋଇଠି ଗରମ ପାଣିରେ ୧୦ ରୁ ୧୫ ମିନିଟ୍ ପର୍ଯ୍ୟନ୍ତ ବୁଡାଇ ରଖନ୍ତୁ । ଯଦି ଆପଣ ଚାହିଁବେ, ତାହେଲେ ଆପଣ ପାଣିରେ ଟିକେ ଲୁଣ କିମ୍ବା ଲେମ୍ବୁ ରସ ମଧ୍ୟ ମିଶାଇ ପାରିବେ । ଏହା ଗୋଇଠିକୁ ନରମ କରିଥାଏ । ପ୍ରତିଦିନ ଏହି ପ୍ରତିକାରଗୁଡିକକୁ ଫଲୋ କରିବା ଦ୍ୱାରା ଆପଣଙ୍କ ହିଲ୍ ଶୀଘ୍ର ନରମ ଏବଂ ଚିକଣ ହୋଇପାରିବ । ଏହା ସହ ଫାଟିଥିବା ହିଲରୁ ମଧ୍ୟ ମୁକ୍ତି ପାଇପାରିବେ ।
