ସକାଳୁ କରନ୍ତୁ ଏପରି ଅଭ୍ୟାସ, ଦୂର ହେବ ଅନେକ ରୋଗ
ବିଶେଷକରି ଆପଣ ସକାଳେ ଖାଲି ପେଟରେ ଯାହା ଖାଉଛନ୍ତି, ଏହା ଶରୀରକୁ ଅନେକ ଉପାୟରେ ପ୍ରଭାବିତ କରିଥାଏ। କିଛି ଲୋକ ବେଡ୍ ଟି ସହିତ ଦିନ ଆରମ୍ଭ କରନ୍ତି, ଯେତେବେଳେ କି କିଛି ଲୋକ ସକାଳୁ ଉଠିବା ମାତ୍ରେ କଠିନ ଜିନିଷ ଖାଇଥା’ନ୍ତି, ଯଦିଓ ସ୍ୱାସ୍ଥ୍ୟ ବିଶେଷଜ୍ଞମାନେ ଏହି ଅଭ୍ୟାସକୁ କ୍ଷତିକାରକ ବୋଲି ଭାବନ୍ତି। ବିଶେଷଜ୍ଞମାନେ କହିଛନ୍ତି ଯେ ଉନ୍ନତ ସ୍ୱାସ୍ଥ୍ୟ ପାଇଁ ସକାଳେ ଉଠିବା ପରେ ପାଟି ସଫା କରନ୍ତୁ ଏବଂ ପ୍ରଥମ ଖାଦ୍ୟ ଭାବରେ ହାଲୁକା ଉଷୁମ ପାଣି ନିଅନ୍ତୁ। ଏହି ଅଭ୍ୟାସ ଆପଣଙ୍କ ସ୍ୱାସ୍ଥ୍ୟ ପାଇଁ ଏକ ବଡ଼ ଲାଭଦାୟକ ହୋଇପାରେ।
ରାତିରେ ଖାଲି ପେଟରେ ୮-୧୦ ଘଣ୍ଟା ପରେ ଶରୀରକୁ ହାଇଡ୍ରେସନ୍ ଆବଶ୍ୟକ ହୁଏ, ତେଣୁ ପ୍ରଚୁର ପାଣି ପିଇବା ଦ୍ୱାରା ଶରୀରକୁ କେବଳ ପାଣି ଭରି ନଥାଏ ବରଂ ଅନ୍ୟାନ୍ୟ ଲାଭ ମଧ୍ୟ ମିଳିପାରେ। ଡାକ୍ତରମାନେ କୁହନ୍ତି, ମୌସୁମୀ ସମୟରେ ଫ୍ଲୁ ଏବଂ ଗଳା ସଂକ୍ରମଣର ଆଶଙ୍କା ମଧ୍ୟ ବଢ଼ିଯାଏ। ତେଣୁ ଖାଲି ପେଟରେ ଉଷୁମ ପାଣି ପିଇବା ମଧ୍ୟ ଆପଣଙ୍କୁ ଏକ ପ୍ରକାର ସଂକ୍ରମଣର ବିପଦରୁ ରକ୍ଷା କରିବାରେ ବହୁତ ସହାୟକ ହୋଇପାରେ।
କେତେକ ଅଧ୍ୟୟନରେ ଏହା ଉଲ୍ଲେଖ କରାଯାଇଛି ଯେ ଉଷୁମ ପାଣିରୁ ଅଧିକ ଲାଭ ପାଇବାକୁ ହେଲେ ଏଥିରେ ଲେମ୍ବୁ ମିଶାଇ ମଧ୍ୟ ପିଇପାରିବେ। ଆସନ୍ତୁ ଜାଣିବା ବିଶେଷଜ୍ଞମାନେ କିପରି ପ୍ରତିଦିନ ସକାଳେ ଉଷୁମ ପାଣିରୁ ଦିନ ଆରମ୍ଭ କରିବା ସ୍ୱାସ୍ଥ୍ୟ ପାଇଁ ଲାଭଦାୟକ ବୋଲି ବିଚାର କରିଛନ୍ତି ?
ସାଇନସ୍ ଏବଂ ଗଳା ସଂକ୍ରମଣର ଆଶଙ୍କା ଦୂର କରେ ଗରମ ପାଣି:
ସାଇନସ୍ ସମସ୍ୟାରେ ପୀଡିତ ଲୋକଙ୍କ ପାଇଁ ଗରମ ପାଣି ପିଇବା ମଧ୍ୟ ଅତ୍ୟନ୍ତ ଲାଭଦାୟକ ବୋଲି ବିବେଚନା କରାଯାଏ। ଏମିତିକି ଗଳା ସଂକ୍ରମଣରୁ ମୁକ୍ତି ପାଇଁ ଏହା ନିୟମିତ ପିଆଯାଏ।୨୦୦୮ ଅଧ୍ୟୟନ ଅନୁଯାୟୀ, ନାକ, କାଶ, ଗଳା ଯନ୍ତ୍ରଣା ଏବଂ ଥକାପଣରୁ ଶୀଘ୍ର ମୁକ୍ତି ପାଇବା ପାଇଁ ଗରମ ପାଣି ପିଇବା ଏକ ସହଜ ଉପାୟ ହୋଇପାରେ।
ହଜମ ପାଇଁ ଉଷୁମ ପାଣି ପିଇବା ଦରକାର:
ହଜମ ପାଇଁ ଉଷୁମ ପାଣି ପିଇବା ମଧ୍ୟ ଲଭ ଦାୟକ। ଅଧ୍ୟୟନଗୁଡ଼ିକରେ ଉଲ୍ଲେଖ କରାଯାଇଛି ଯେ ଖାଲି ପେଟରେ ଉଷୁମ ପାଣି ପିଇବା, ଆପଣଙ୍କ ହଜମ ଶକ୍ତିକୁ ବଢ଼ାଇ ଥାଏ ଓ ଏହା ଅତ୍ୟନ୍ତ ପ୍ରଭାବଶାଳୀ। ଖାଦ୍ୟ ନଳୀରେ ଲାଗିଥିବା ରାତିର ଖାଦ୍ୟର ଅବଶିଷ୍ଟାଂଶକୁ ହଟାଇବା ଏବଂ ଉତ୍ତମ ହଜମ ପ୍ରକ୍ରିୟାକୁ ବଜାୟ ରଖିବା ପାଇଁ ଏହାର ବ୍ୟବହାର ଅତ୍ୟନ୍ତ ପ୍ରଭାବଶାଳୀ ବୋଲି ବିବେଚନା କରାଯାଏ। କେତେକ ଅଧ୍ୟୟନ ଅନୁଯାୟୀ ଗରମ ଖାଦ୍ୟ ଆପଣଙ୍କ ଖାଦ୍ୟର ହଜମକୁ ସହଜ କରିବାରେ ସାହାଯ୍ୟ କରିଥାଏ, ଯାହା ହଜମ ସମସ୍ୟାକୁ ହ୍ରାସ କରିଥାଏ।
ରକ୍ତ ସଞ୍ଚାଳନ ବୃଦ୍ଧି କରିଥାଏ ଗରମ ପାଣି:
ଖାଲି ପେଟରେ ଆପଣ ଗରମ ପାଣି ପିଇଲେ ଏହା ଆପଣଙ୍କ ରକ୍ତଚାପ ଠାରୁ ଆରମ୍ଭ କରି ହୃଦଘାତର ଆଶଙ୍କା କମାଇ ଥାଏ ଓ ଏହା ସହିତ ରକ୍ତ ସଞ୍ଚାଳନ ମଧ୍ୟ ଠିକ୍ ଭାବେ କରିଥାଏ।ଅନୁସନ୍ଧାନରୁ ଜଣାପଡିଛି ଯେ ଯେଉଁମାନେ ପ୍ରତିଦିନ ଗରମ ପାଣି ପିଉଛନ୍ତି, ସେମାନଙ୍କ ତୁଳନାରେ ରକ୍ତ ସଞ୍ଚାଳନ ସମସ୍ୟା ହେବାର ଆଶଙ୍କା କମ୍ ଥାଏ। କେତେକ ଅଧ୍ୟୟନରୁ ଜଣାପଡିଛି ଯେ ଅଳ୍ପ ଗରମ ପାଣିରେ ସ୍ନାନ କରିବା ଦ୍ୱାରା ଆପଣଙ୍କ ରକ୍ତ ସଞ୍ଚାଳନ ଧମନୀରେ ଭଲ ହୋଇଥାଏ ଏବଂ ଶିରାରେ ପ୍ରଭାବଶାଳୀ ଭାବରେ ରକ୍ତ ସଞ୍ଚାଳନରେ ସାହାଯ୍ୟ କରିଥାଏ। ଶରୀରରେ ମେଟାବୋଲିଜିମ୍ ହାର ବଢ଼ାଇବାରେ ମଧ୍ୟ ସାହାଯ୍ୟ କରେ ଗରମ ପାଣି। ବିଶେଷଜ୍ଞଙ୍କ ଅନୁଯାୟୀ ସକାଳେ ଗରମ ପାଣି ପିଇବା ଦ୍ଵାରା ଶରୀରରେ କ୍ୟାଲୋରୀ ମଧ୍ୟ କମ୍
ହୋଇଥାଏ।
