ଭାରତୀୟ ଜଳଖିଆ ଭାବରେ ଉପମାର ଏକ ସ୍ୱତନ୍ତ୍ର ଚାହିଦା ରହିଛି । ସପ୍ତାହର ପ୍ରାୟ ଅଧିକାଂଶ ଦିନ ସକାଳ ହେଉ ଅବା ସନ୍ଧ୍ୟା ଜଳଖିଆରେ ନିହାତି ଉପମା ପ୍ରସ୍ତୁତ ହୋଇଥାଏ । ପିଲାଠାରୁ ବୁଢା ପର୍ଯ୍ୟନ୍ତ ସମସ୍ତଙ୍କର ପସନ୍ଦ । କିନ୍ତୁ କିଛି ଜଣଙ୍କର ସବୁବେଳେ ଅଭିଯୋଗ ଥାଏ ଯେ ଯେତେ ଚେଷ୍ଟା କଲେ ବି ସେମାନଙ୍କ ଉପମା ସେତେଟା ସ୍ୱାଦିଷ୍ଟ ହଉନାହିଁ । ସେହି ମାନଙ୍କ ସେହି ଦ୍ବନ୍ଦ୍ବକୁ ଦୂର କରିବା ପାଇଁ ଆମେ ଆଜି ତାଙ୍କ ପାଇଁ ସ୍ପେଶାଲ ଉପମା ରେସିପି ନେଇ ଆସିଛୁ । କାଲି ରବିବାର ସକାଳେ ନିଶ୍ଚିତ ରୂପେ କରି ଟ୍ରାଏ କରିବେ ।
ଆବଶ୍ୟକୀୟ ସାମଗ୍ରୀ:
ଗୋଟେ କପ ସୁଜି
୨୫ ଗ୍ରାମ ଭଜା ଯାଇଥିବା କାଜୁ
ଖଣ୍ଡେ ଅଦା
ଗୋଟେ ପିଆଜ
୩ ଟି କଂଚା ଲଙ୍କା
ଗୋଟେ କଟା ଯାଇଥିବା ଆଳୁ
ଗୋଟେ କ୍ୟାପ୍ସିକମ
ଗୋଟେ ଗାଜର
ଅଧା କପ ମାଟର
ଗୋଟେ ଚାମଚ ସୋରିଷ
ଗୋଟେ ଚାମଚ ବିରି
ଗୋଟେ ଚାମଚ ଚଣା
ସ୍ୱାଦ ଅନୁସାରେ ଲୁଣ
ଅଧା ଚାମଚ ହଳଦୀ
ଲଙ୍କା ଗୁଣ୍ଡ
୨ ଚାମଚ ତେଲ
ଭ୍ରୁଶୃଙ୍ଗ ପତ୍ର
କଟା ଯାଇଥିବା ଧନିଆ ପତ୍ର
ଗୋଟେ ଚାମଚ ଘିଅ
ଲେମ୍ବୁ ରସ
ପ୍ରସ୍ତୁତି ପ୍ରଣାଳୀ:
ପ୍ରଥମେ ସୁଜିକୁ ଏକ ପତଳା ଜାଲିରେ ଛାଣି ଦିଅନ୍ତୁ ।
ଏବେ ଚୁଲିରେ ଏକ କଡେଇ ବସାନ୍ତୁ । ସ୍ଥିର କିଛି ଘିଅ ଦିଅନ୍ତୁ । ଅଥବା କିଛି ଲହୁଣୀ ବି ଦେଇପାରିବେ । ତରଳିବା ଯାଏଁ ଅପେକ୍ଷା କରନ୍ତୁ ।
ଏବେ ଆଉ ଏକ ପ୍ୟାନରେ ଦୁଇ ଚାମଚ ତେଲ ଦିଅନ୍ତୁ । ଗରମ ହୋଇଗଲେ ସେଥିରେ କିଛି ସୋରିଷ ଦିଅନ୍ତୁ । ଫୁଟିବା ଯାଏଁ ଅପେକ୍ଷା କରନ୍ତୁ ।
ଏବେ ସେଥିରେ ଚଣା ଡାଲି, ବିରି ଡାଲି, ଭ୍ରୁଶୃଙ୍ଗ ପତ୍ର ଦିଅନ୍ତୁ । ଫୁଟିବା ପର୍ଯ୍ୟନ୍ତ ଅପେକ୍ଷା କରନ୍ତୁ ।
ପିଆଜ, ଅଦା, ଲଙ୍କା ଦେଇ 2 ମିନିଟ ପାଇଁ ଛାଡି ଦିଅନ୍ତୁ ।
ଏବେ ସେଥିରେ ପରିବା, ହଳଦୀ, ଲଙ୍କା ଗୁଣ୍ଡ, ଲୁଣ ଦିଅନ୍ତୁ ।
ଏବେ ସେଥିରେ ତିନି କପ ପାଣି ଦିଅନ୍ତୁ । ଘୋଡାଇ ଦେଇ ଆଞ୍ଚ କମେଇ ଦିଅନ୍ତୁ ।
ପରିବା ସିଝିଗଲେ ଆଉ କିଛି ପାଣି ଦେଇ ଫୁଟିବା ପରେ ସୁଜି ଦେଇ ଘାଣ୍ଟି ଦିଅନ୍ତୁ । ମନେ ରଖିବେ ଲଗାତାର ଭାବରେ ଏହାକୁ ଘାଣ୍ଟୁଥିବେ ନଚେତ ସୁଜି ବିଣ୍ଡା ବାନ୍ଧିଯାଇ ପାରେ ।
ସୁଜି ଟିକେ ମୋଟା ଓ ନରମ ହୋଇଆସିଲେ ଛାଡି ଦିଅନ୍ତୁ । ଏବେ ବାଢିଦିଅନ୍ତୁ ।
ଦରକାର ପଡିଲେ ଟିକେ ଲେମ୍ବୁ ରସ କିମ୍ବା ଟମାଟୋ ସସ କିମ୍ବା ଚି଼ଲ୍ଲୀ ସସ ସହ ଗରମ ଗରମ ଉପମାର ମଜା ନେଇପାରିବେ ।