ଏଥର ହୋଲି ଦିନ ମିଠାକୁ ଦିଅନ୍ତୁ ଏକ ନୂଆ ଟ୍ଵିଷ୍ଟ, ଅତିଥିଙ୍କ ପାଇଁ ବନାନ୍ତୁ ଟେଷ୍ଟି ‘ବେସନ ହାଲୱା’
ଆମେ ଘରେ ସାଧାରଣତଃ ଗାଜର ହାଲୱା, ସୁଜି ହାଲୱା ପରି ମିଠା ଖାଦ୍ୟ ମାନ ପ୍ରସ୍ତୁତ କରି ଖାଇଥାଉ । କିନ୍ତୁ ଏଥରର ହୋଲି ଅବସରରେ କିଛି ନୂଆ ମିଠା ପ୍ରସ୍ତୁତ କରି ଖାଆନ୍ତୁ । ବେସନରେ ଆପଣ ପକୁଡି, ଢ଼ୋକଳା ଆଦି ପ୍ରସ୍ତୁତି କରି ଖାଆନ୍ତି । କିନ୍ତୁ ‘ବେସନ ହାଲୱା’ ବିଷୟରେ ହୁଏତ ଆପଣ ଶୁଣିନଥିବେ କି ଚାଖି ନଥିବେ । ବେସନ ପ୍ରସ୍ତୁତ ହାଲୱା ହେଉଛି ଏକ ପାରମ୍ପରିକ ତଥା ସମୃଦ୍ଧ ଖାଇବା । ଏହାକୁ ଆପଣ ଜଳଖିଆ ବା ମିଠା ଦ୍ରବ୍ୟ ହିସାବରେ ବି ଖାଇପାରିବେ । ଏହି ସ୍ୱାଦିଷ୍ଟ ବ୍ୟଞ୍ଜନ ପ୍ରସ୍ତୁତି ପାଇଁ ଆବଶ୍ୟକ ହେଉଥିବା ସାମଗ୍ରୀ ଜାଣି ରଖନ୍ତୁ:
୧. ବେସନ- ଏକ କପ
୨. ଲହୁଣୀ ବା ଘିଅ- ଅଧା କପ
୩. ଚିନି – ଏକ କପ
୪. ଗୁଜୁରାତି ପାଉଡର- କିଛି
୫. ପାଣି – ୨ କପ
୬. କଟା ଯାଇଥିବା ବାଦାମ
ପ୍ରସ୍ତୁତି ପ୍ରଣାଳୀ:
– ପ୍ରଥମେ ମଧ୍ୟମ ଆଞ୍ଚରେ ଏକ ପ୍ୟାନ ବସାନ୍ତୁ । ଏଥିରେ ଚିନି, ଗୁଜୁରାତି ପାଉଡର ସହ ପାଣି ଫୁଟାନ୍ତୁ ।
– ଏବେ ଅନ୍ୟ ଏକ ଫ୍ରୀଇଙ୍ଗ ପ୍ୟାନରେ ଲହୁଣୀ ଗରମ କରନ୍ତୁ । ଏବେ ଏଥିରେ ଧୀରେ ଧୀରେ ବେସନ ଦିଅନ୍ତୁ | ସୁନେଲି ରଙ୍ଗ ହେବା ପର୍ଯ୍ୟନ୍ତ ବେସନକୁ ପ୍ୟାନରେ ଧୀରେ ଧୀରେ ଘାଟନ୍ତୁ ।
-ଏଥିପାଇଁ ନିଶ୍ଚିତ ରୂପେ ୫ ରୁ ୭ ମିନିଟ ସମୟ ଲାଗିଯିବ । ବେସନ ରଙ୍ଗ ବଦଳି ଗଲେ ଏଥିରୁ ଏକ ନୂଆ ବାସ୍ନା ଆସିବ ।
– ଏବେ ସେଥିରେ ସିରପ ଧୀରେ ଧୀରେ ଢ଼ାଲନ୍ତୁ । ଏବେ ନିଜ ଆଞ୍ଚ କମ କରିଦିଅନ୍ତୁ । ଆଉ ୨ ରୁ ୩ ମିନିଟ ପାଇଁ ଚୁଲିରେ ବସାନ୍ତୁ ।
– ଦେଖିବେ ଧୀରେ ଧୀରେ ବେସନ ସବୁ ପାଣି ଶୁଖାଇଦେବ । ଏବେ ହାଲୱା ଥଣ୍ଡା କରି କାଜୁ ଓ ବାଦାମ ଦେଇ ଗାନିସିଙ୍ଗ କରନ୍ତୁ ।
