କେବଳ ସକାଳେ ନୁହେଁ ସନ୍ଧ୍ୟାରେ ଯୋଗ କରିବା ମଧ୍ୟ ଫାଇଦାଯୁକ୍ତ, ଜାଣନ୍ତୁ ଯୋଗ ପୂର୍ବରୁ କରିବେ କ’ଣ
ସକାଳୁ ଯୋଗ କରିବା ପାଇଁ କିଛି ଲୋକଙ୍କ ପାଖରେ ପର୍ଯ୍ୟାପ୍ତ ସମୟ ନଥାଏ । ତେଣୁ ସେମାନେ ସନ୍ଧ୍ୟା ସମୟରେ ଯୋଗ କରନ୍ତି । କିନ୍ତୁ ସନ୍ଧ୍ୟାରେ ଯୋଗ କରିବା ପୂର୍ବରୁ କ’ଣ କରିବେ ନାହିଁ, ତାହା ଜାଣିନିଅନ୍ତୁ ।
ଆଜି ପାଳନ ହେଉଛି ଅନ୍ତର୍ଜାତୀୟ ଯୋଗ ଦିବସ । ଯୋଗ କରିବା ଦ୍ବାରା ଶରୀର ସୁସ୍ଥ ରୁହେ ବୋଲି ଅନେକ କାଳରୁ ଆମ୍ଭେମାନେ ଜାଣିଛେ । ଆଉ ବର୍ତ୍ତମାନ ଲୋକମାନେ ସୁସ୍ଥ ରହିବା ପାଇଁ ପ୍ରତିଦିନ ଯୋଗ ଅଭ୍ୟାସ କରିବା ଜରୁରୀ । ଲୋକମାନେ ନିଜ କାମରେ ବ୍ୟସ୍ତ ରହୁଥିବା କାରଣରୁ କେଉଁ ସମୟରେ ଯୋଗ କରିବେ ତାହା ଜାଣି ପାରୁନାହାନ୍ତିଁ । ହେଲେ କିଛି ଲୋକ ସକାଳୁ ସମୟ ବାହାର କରି ନିଜ ଫିଟନେସ ପ୍ରତି ଧ୍ୟାନ ଦେଇପାରୁନାହାନ୍ତି । ଆଉ କିଛି ଲୋକ ସନ୍ଧ୍ୟା ସମୟରେ ଫିଟନେସ ପାଇଁ ୱାର୍କଆଉଟ୍ କରୁଛନ୍ତି ।
ତେବେ କେଉଁ ସମୟରେ ଯୋଗ କରିବା ଉଚିତ, ତାହା ଅନେକ ଲୋକ ଜାଣିନଥାନ୍ତି । କିଛି ଲୋକ ସକାଳେ ଯୋଗ କରିବା ଉଚିତ ବୋଲି ଭାବି ସନ୍ଧ୍ୟାରେ ଆଉ ଯୋଗ କରନ୍ତି ନାହିଁ । କିନ୍ତୁ ସନ୍ଧ୍ୟା ସମୟରେ ଯୋଗ କରିବାର ଅନେକ ଫାଇଦା ମଧ୍ୟ ରହିଛି । ଯଦି ଆପଣ ସନ୍ଧ୍ୟା ସମୟରେ ଯୋଗ କରିବାକୁ ମନ କରନ୍ତି, ତେବେ ଆପଣ କରିପାରିବେ । ତେବେ ଏଥିପାଇଁ କିଛି ଖାଦ୍ୟପାନୀୟ ଉପରେ ଧ୍ୟାନ ରଖିବାକୁ ହେବ ।
ସନ୍ଧ୍ୟାରେ ଯୋଗ କରିବାର ଲାଭ :
ସନ୍ଧ୍ୟାରେ ଖାଦ୍ୟ ଖାଇବାର ୪ ଘଣ୍ଟା ପରେ ସନ୍ଧ୍ୟାରେ ଯୋଗ କରିପାରିବେ ।
ସନ୍ଧ୍ୟାରେ ଯୋଗ କରିବା ଅଧିକ ଲାଭଦାୟକ ହୋଇଥାଏ ବୋଲି କିଛି ଲୋକେ ଭାବନ୍ତି । ସନ୍ଧ୍ୟା ସମୟରେ ଅଧିକାଂଶ ଲୋକଙ୍କର କୌଣସି କାମ ନ ଥାଏ , ତେଣୁ ସେମାନେ ଅଧିକ ସମୟ ପର୍ଯ୍ୟନ୍ତ ଯୋଗ କରିପାରନ୍ତି ।
କେଉଁ କେଉଁ ଯୋଗ କରିପାରିବା ଉଚିତ :
ସନ୍ଧ୍ୟା ସମୟରେ କିଛି ବିଶେଷ ଯୋଗ କରବା ଶରୀର ପାଇଁ ଲାଭଦାୟକ ହୋଇଥାଏ ।
ଅଧୋମୁଖାସନ : ଏହି ଆସନ ଗୋଡ ଓ ପେଟର ମାଂସପେଶୀ ପାଇଁ ଭଲ ହୋଇଥାଏ । ଯାହା ଦିନ ସାରା ଷ୍ଟ୍ରେସରୁ ଆରାମ ଦେଇଥାଏ ।
ପଶ୍ଚିମୋତ୍ତସନ: ଏହି ଆସନ ପେଟ ଚର୍ବି କମ୍ ହେବାରେ ସାହାଯ୍ୟ କରିଥାଏ । ଆଉ ହଜମ ଶକ୍ତି ବୃଦ୍ଧି ପାଇଥାଏ ।
ଉତ୍ତାନସନ୍ :ଏହି ଆସନ ଦ୍ୱାରା ଇମ୍ଯୁନ ସିଷ୍ଟମ୍ ମଜବୁତ ହୋଇଥାଏ । ପିଠି ଯନ୍ତ୍ରଣାରୁ ମଧ୍ୟ ଆରାମ ମିଳିଥାଏ । ମସ୍ତିଷ୍କ ଶାନ୍ତ ରୁହେ।
ତ୍ରିକୋଣାସନ : ଏହି ଆସନ ଫିଟ୍ ରଖିଥାଏ । ଏହା ସହିତ ଅପଚ ଓ ଏସିଡିଟିରୁ ମଧ୍ୟ ମୁକ୍ତି ମିଳିଥାଏ ।
ଅର୍ଦ୍ଧମତ୍ରେନ୍ଦ୍ରାସନ : ଦିନସାରା ବସି ବସି ମେରୁଦଣ୍ଡରେ ଷ୍ଟ୍ରେସ ବଢିଥାଏ । ତେଣୁ ଏହି ଆସନ କରିବା ଦ୍ବାରା ପିଠି ଯନ୍ତ୍ରଣାରୁ ମୁକ୍ତି ମିଳିଥାଏ । ରକ୍ତ ସର୍କୁଲେସନ ଭଲ ହୁଏ ।
