ଦିନସାରା କାମ କରିବା ପରେ ବିଛଣାରେ ଯାଇ ଶୋଇବାରେ ଆରାମ ମିଳିଥାଏ । ପ୍ରତ୍ଯେକ ବ୍ୟକ୍ତି ଭଲ ନିଦରେ ରାତିରେ ଶୋଇବା ଦ୍ବାରା ସକାଳୁ ଫ୍ରେଶ୍ ଅନୁଭବ କରିଥାଏ। ଫଳରେ ପରଦିନ ଅଫିସରେ କାମ କରିବାକୁ ମନ ବଳାଏ। ତେବେ ଶୋଇବା ସମୟରେ କିଛି ଲୋକ ନିଶ୍ଚିତ ଭାବରେ ତକିଆ ଆବଶ୍ୟକ କରନ୍ତି । ସେମାନେ ତକିଆ ବିନା ଶୋଇପାରୁ ନଥାନ୍ତି । କିଛି ଲୋକ ଶୋଇବା ସମୟରେ ମୁଣ୍ଡ ତଳେ ଏକ ମୋଟା ତକିଆ ରଖୁଥିବାବେଳେ କିଛି ଲୋକ ପାଖରେ ୩-୪ଟି ତକିଆ ଧରି ଶୋଇଥାନ୍ତି ।
ସମସ୍ତଙ୍କର ଶୋଇବା ସମୟରେ ଅଲଗା ଅଲଗା ପ୍ରକାରର ଅଭ୍ୟାସ ରହିଛି। ତେବେ ତକିଆ ବ୍ୟବହାର କରୁଥିଲେ ଆପଣଙ୍କୁ ଅନେକ ରୋଗର ଶିକାର ହେବାକୁ ପଡିପାରେ । ଏନେଇ ଆଜି ଆମେ ତକିଆର ପାର୍ଶ୍ୱ ପ୍ରତିକ୍ରିୟା ବିଷୟରେ ଏଠାରେ ଜଣାଇବୁ…
ମେରୁଦଣ୍ଡର କ୍ଷତି
ଯଦି ଆପଣ ତକିଆ ସହିତ ଶୋଉଛନ୍ତି ତେବେ ସାବଧାନ ରୁହନ୍ତୁ । ତକିଆର ବ୍ୟବହାର ଦ୍ବାରା ଆପଣଙ୍କ ମେରୁଦଣ୍ଡ ନଷ୍ଟ ହୋଇପାରେ । ତକିଆ ସହିତ, ଆପଣଙ୍କର ମେରୁଦଣ୍ଡର ହାଡ ଧୀରେ ଧୀରେ ବଙ୍କା ହେବାକୁ ଲାଗେ । ତେଣୁ ତକିଆ ବ୍ୟବହାର କରନ୍ତୁ ନାହିଁ । ଏହାକୁ ବ୍ୟବହାର ନକରିବା ଦ୍ୱାରା ପିଠି ଯନ୍ତ୍ରଣାରେ ମଧ୍ୟ ଆରାମ ମିଳିବ ।
ତକିଆକୁ ମୁଣ୍ଡ ତଳେ ରଖି ଯଦି ଆପଣ ଶୋଇଥା’ନ୍ତି, ତେବେ ଏପରି କରିବା ଦ୍ୱାରା ବେକ ଉପରେ ଚାପ ହୋଇପାରେ । ଏହା ବ୍ୟତୀତ ବେକ ଯନ୍ତ୍ରଣା ମଧ୍ୟ ବଢିଥାଏ । ତେଣୁ ଶୋଇବା ସମୟରେ ତକିଆ ବ୍ୟବହାର କରିବା ଉଚିତ୍ ନୁହେଁ । ତକିଆରେ ନଶୋଇଲେ ମଧ୍ୟ ଶରୀରରେ ରକ୍ତ ସଞ୍ଚାଳନ ମଧ୍ୟ ସଠିକ୍ ଭାବରେ କାମ କରିଥାଏ ।
ମୁହଁରେ ଶୁଖାପଣ ଅନୁଭବ ହୁଏ …
ତକିଆ ଦେଇ ଶୋଇବା ଦ୍ୱାରା ଆପଣ ଖୁବଶୀଘ୍ର ବୃଦ୍ଧଭଳି ଦେଖାଯିବେ । ରାତିରେ ତକିଆ ସହିତ ଶୋଇବା ସମୟରେ, ଅନେକ ଥର ଆପଣଙ୍କ ଗାଲ ତକିଆ ଉପରେ ଥାଏ, ଯେଉଁ କାରଣରୁ ଧୀରେ ଧୀରେ ମୁହଁରେ କୁଞ୍ଚନ ଦେଖାଯିବା ଆରମ୍ଭ କରେ । ଏଥିପାଇଁ ତକିଆ ବ୍ୟବହାର ସହିତ ସୌନ୍ଦର୍ଯ୍ୟ ହାନି ହୋଇଥାଏ ।
କିଛି ଲୋକ ପିଲାଙ୍କୁ ମଧ୍ୟ ତକିଆ ଦେଇ ଶୁଆନ୍ତି। କିନ୍ତୁ ଏମିତି ଭୁଲ କରନ୍ତୁ ନାହିଁ। ତକିଆ ଦେଇ ଛୋଟ ଶିଶୁ ଶୋଇବା ସମୟରେ ଶ୍ବାସନଳୀ ବନ୍ଦ ହେବାର ଭୟ ରହିଥାଏ। ଏଥିପାଇଁ ଛୋଟ ପିଲାଙ୍କୁ ଶୋଇବା ସମୟରେ ତକିଆ ଦେବେ ନାହିଁ।