ଚିକବଲ୍ଲାପୁରରେ ମର୍ମନ୍ତୁଦ ସଡ଼କ ଦୁର୍ଘଟଣା: ୧୨ ମୃତ, ଜଣେ ଗୁରୁତର
ଘନ କୁହୁଡି ଯୋଗୁଁ ଟାଙ୍କରକୁ ସାମ୍ନା ପଟୁ ଧକ୍କା ଦେଲା ଟାଟା ସୁମୋ ଗାଡି । ଘଟଣା ସ୍ଥଳରେ ୧୨ ଜଣଙ୍କର ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ଆହତ ହୋଇଛନ୍ତି । କର୍ଣ୍ଣାଟକର ଚିକବଲ୍ଲାପୁରରେ ଏଭଳି ଦୁର୍ଘଟଣା ହୋଇଛି ।
କର୍ଣ୍ଣାଟକର ଚିକବଲ୍ଲାପୁରରେ ଭୟଙ୍କର ସଡ଼କ ଦୁର୍ଘଟଣା ହୋଇ ୧୨ ଜଣଙ୍କର ମୃତ୍ୟୁ ହୋଇଛି । ଗୁରୁବାର ସକାଳ ୭ଟା ୧୫ ମିନିଟ ସମୟରେ ଜାତୀୟ ରାଜପଥ ୪୪ରେ ଚିତ୍ରାବତୀ ଟ୍ରାଫିକ ପୋଲିସ ଷ୍ଟେସନ ସମୟରେ ଏହି ଦୁର୍ଘଟଣା ଘଟିଛି । ଏଥିରେ ଜଣେ ଗୁରୁତର ଭାବେ ଆହତ ହୋଇଛନ୍ତି ।
ଖବର ମୁତାବକ, କର୍ଣ୍ଣାଟକର ଚିକବଲ୍ଲାପୁର ଜାତୀୟ ରାଜପଥ ୪୪ରେ ରାସ୍ତା କଡରେ ଏକ ଟାଙ୍କର ରହିଥିଲା । ହେଲେ ସାମ୍ନା ପଟୁ ଆସୁଥିବା ଏକ ଟାଟା ସୁମୋ କାର ଘନ କୁହୁଡି ଯୋଗୁଁ ଦେଖି ନ ପାରି ଟାଙ୍କରକୁ ଧକ୍କା ଦେଇଥିଲା । ଫଳରେ ଘଟଣା ସ୍ଥଳରେ ୧୨ ଜଣଙ୍କର ମୃତ୍ୟୁ ହୋଇଥିବା ଜଣେ ଗୁରୁତର ଆହତ ହୋଇଛନ୍ତି । ପ୍ରଥମେ ସମସ୍ତଙ୍କୁ ହସପିଟାଲ ନିଆଯାଇଥିଲା, ଡାକ୍ତର ସେଠାରେ ସେମାନଙ୍କୁ ମୃତ ଘୋଷଣା କରିଥିଲେ । ଜଣେ ଆହତଙ୍କ ଚିକିତ୍ସା ଚାଲିଛି ।
Chikkaballapur, Karnataka | Five people died in an accident at National Highway 44 near the traffic police station. Five others shifted to hospital, their condition is critical. They were travelling from Bagepalli to Chikkaballapur: Traffic police, Bagepalli
— ANI (@ANI) October 26, 2023
ସକାଳ ୭.୧୫ ମିନିଟରେ ଏହି ଦୁର୍ଘଟଣା ଘଟିଛି । ମୃତକଙ୍କ ମଧ୍ୟରେ ୮ ଜଣ ପୁରୁଷ ଏବଂ ୪ ଜଣ ମହିଳା ରହିଛନ୍ତି । ଘନ କୁହୁଡି ଯୋଗୁଁ ଏଭଳି ଦୁର୍ଘଟଣା ହୋଇଥିବା ପୋଲିସ ସୂଚନା ଦେଇଛି ।