ଦିଲ୍ଲୀ ହସପିଟାଲରେ ଭୀଷଣ ନିଆଁ, ଜୀବନକୁ ବାଜି ଲଗାଇ ୨୦ ଜଣ ନବଜାତ ଶିଶୁଙ୍କୁ ଉଦ୍ଧାର କଲା ଅଗ୍ନିଶମ ବିଭାଗ
ଦିଲ୍ଲୀର ବୈଶାଳୀ କଲୋନିରେ ଥିବା ଏକ ନବଜାତ ଶିଶୁ ଡାକ୍ତରଖାନାରେ ନିଆଁ । ୨୦ ନବଜାତ ଶିଶୁଙ୍କୁ ଉଦ୍ଧାର କଲା ଅଗ୍ନିଶମ ବିଭାଗ । ଅଗ୍ନିଶମ ବିଭାଗ ପକ୍ଷରୁ କଠିନ ପରିଶ୍ରମ କରାଯାଇ ଶିଶୁଙ୍କୁ ଉଦ୍ଧାର କରାଯାଇଥିଲା ।
ଦିଲ୍ଲୀର ଏକ ନବଜାତ ଶିଶୁ ହସପିଟାଲରେ ଭୟଙ୍କର ଅଗ୍ନିକାଣ୍ଡ । ୨୦ ନବଜାତ ଶିଶୁଙ୍କୁ ଉଦ୍ଧାର କରିଛି ଅଗ୍ନିଶମ ବିଭାଗ । ଶୁକ୍ରବାର ରାତିରେ ପଶ୍ଚିମ ଦିଲ୍ଲୀ ଅନ୍ତର୍ଗତ ଜନକପୁରୀ ଅଞ୍ଚଳରେ ନିଆଁ ଲାଗିଯାଇଥିବା ସୂଚନା ମିଳିଛି । ଘଟଣା ବିଷୟରେ ସୂଚନା ମିଳିବା ପରେ ଅଗ୍ନିଶମ ବିଭାଗର ଗାଡି ଘଟଣାସ୍ଥଳରେ ପହଞ୍ଚିଥିଲା ।
ଖବର ଅନୁସାରେ, ବୈଶାଳୀ କଲୋନିରେ ଥିବା ଏକ ନବଜାତ ଶିଶୁ ଡାକ୍ତରଖାନାରେ ନିଆଁ ଲାଗିଯାଇଥିଲା। ଘଟଣାସ୍ଥଳରେ ୯ଟି ଗାଡି ନିଆଁକୁ ଆୟତ୍ତ କରିଥିଲା । ଦିଲ୍ଲୀ ଅଗ୍ନିଶମ ସେବା ନିର୍ଦ୍ଦେଶକ ଅତୁଲ୍ ଗର୍ଗ କହିଛନ୍ତି, ହସ୍ପିଟାଲ୍ରେ ନିଆଁ ଲାଗିବା ନେଇ ରାତି ୧.୩୫ରେ କଲ୍ ଆସିଥିଲା ।
ଘଟଣାସ୍ଥଳକୁ ପ୍ରଥମେ ୪ଟି ଦମକଳ ପଠାଇଲୁ। ତା’ ପରେଆଉ ୫ଟି ଦମକଳ ଘଟଣା ସ୍ଥଳକୁ ପଠାଇଥିଲୁ । ହସ୍ପିଟାଲ୍ରେ ୨୦ଜଣ ନବଜାତ ଶିଶୁ ଅଛନ୍ତି ବୋଲି ଖବର ମିଳିଥିଲା । ରାସ୍ତା ଅଣଓସାରିଆ ହୋଇଥିବାରୁ ଅସୁବିଧାର ସମ୍ମୁଖୀନ ମଧ୍ୟ ହୋଇଥିଲା ।
Delhi | Fire broke out at a hospital for newborns in Vaishali Colony, New Delhi. Nine fire tenders were rushed to the spot. All 20 newborns were safely rescued by Delhi Fire Service and shifted to nearby hospitals.
— ANI (@ANI) June 9, 2023
ସୂଚନାଯୋଗ୍ୟ, ରାତି ପ୍ରାୟ ୨.୩୦ରେ ସେ ହସ୍ପିଟାଲ୍ରୁ ନିଆଁ ଲିଭାଯାଇଥିଲା। ନିଆଁ ଲାଗିଥିବା ହସ୍ପିଟାଲ୍ରୁ ଉଦ୍ଧାର କରାଯାଇଥିବା ଶିଶୁମାନଙ୍କୁ ବିଭିନ୍ନ ଡାକ୍ତରଖାନାକୁ ପଠାଇ ଦିଆଯାଇଛି ବୋଲି ସେ କହିଛନ୍ତି। ନବଜାତ ମାତାପିତା ଦମକଳ ବିଭାଗକୁ ଧନ୍ୟବାଦ ଜଣାଇଛନ୍ତି ।
ଫାୟାର ବିଭାଗ ଅନୁସାରେ, ନିଆଁ ବିଲିଡିଂର ବେସମେଣ୍ଟରେ ଥିବା ଫର୍ଣ୍ଣିଚର ଦୋକାନରେ ଲାଗିଥିଲା । ବେସମେଣ୍ଟଟି ୧୮୦ ବର୍ଗଫୁଟର ଥିଲା । ଏହି ବିଲିଡିଂର ବେସମେଣ୍ଟ, ଗ୍ରାଉଣ୍ଡ ଛଡା ୩ୟ ମହଲାରେ ଲାଗିଥିଲା । ହସପିଟାଲ ପ୍ରଥମ ମହଲାରେ ରହିଥିଲା । ତେବେ ସୂଚନା ମିଳିବା ପରେ ଦମକଳ ଗାଡି ଆସି ୨୦ ନବଜାତ ଶିଶୁଙ୍କୁ ଉଦ୍ଧାର କରାଯାଇଥିଲା ।