ଆମେରିକାରେ ରାଷ୍ଟ୍ରପତି ନିର୍ବାଚନ ପୂର୍ବରୁ ଏକ ଚାଞ୍ଚଲ୍ୟକର ଖବର ସାମ୍ନାକୁ ଆସିଛି। ଆମେରିକା ରାଷ୍ଟ୍ରପତି ନିର୍ବାଚନ ମଧ୍ୟରେ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ନିକଟକୁ ବିଷ ଥିବା ଏକ ପାର୍ସଲ ଆସିଥିବା ହ୍ବାଇଟ୍ ହାଉସର ଉଚ୍ଚ ପଦସ୍ଥ ଅଧିକାରୀ କହିଛନ୍ତି । ଟ୍ରମ୍ପଙ୍କ ନିକଟକୁ ରିସିନ ନାମକ ବିଷ ଥିବା ଏକ ପାର୍ସଲ ଆସିଛି । ମାତ୍ର ଏହି ପ୍ୟାକେଟ୍ ହ୍ବାଇଟ୍ ହାଉସରେ ପହଞ୍ଚିବା ପୂର୍ବରୁ ଛାନଭିନ୍ ବେଳେ ଧରାପଡିଛି ।
ରିପୋର୍ଟ ଅନୁସାରେ ଦୁଇ ଦୁଇ ଥର ପରୀକ୍ଷଣ ପରେ ଏହା କ୍ଷତିକାରକ ରିସିନ ବୋଲି ଜଣାପଡିଥିଲା । ଅଧିକାରୀଙ୍କ କହିବା ଅନୁସାରେ କୌଣସି ଜିନିଷ ହ୍ବାଇଟ୍ ହାଉସ ପହଞ୍ଚିବା ପରେ ଏବଂ ଟ୍ରମ୍ପଙ୍କ ନିକଟକୁ ଯିବା ପୂର୍ବରୁ ତାହାକୁ ତନତନ କରି ଯାଞ୍ଚ କରାଯାଇଥାଏ । ସେହିଭଳି ହ୍ବାଇଟ୍ ହାଉସକୁ ଆସୁଥିବା ସମସ୍ତ ଚିଠି ଏବଂ ପାର୍ସଲକୁ ମଧ୍ୟ ଯାଞ୍ଚ କରାଯାଇଥାଏ । କୌଣସି ଜିନିଷ ଉପରେ ସନ୍ଦେହ ହେଲେ ସେଗୁଡିକୁ ଅଲଗା ରଖିଦିଆଯାଇଥାଏ । ଟ୍ରମ୍ପଙ୍କ ନିକଟକୁ ଆସିଥିବା ପାର୍ସଲଟି କାନାଡାରୁ ଆସିଥିଲା ବୋଲି ଜଣାପଡିଛି।
ରସିନି କ’ଣ ?
ଆମେରିକାର ଅଧିକାରୀଙ୍କ ଅନୁସାରେ ରିସିନ ବହୁତ କ୍ଷତିକାରକ ବିଷ । ଆତଙ୍କବାଦୀ ଆକ୍ରମଣ ବେଳେ ଏହାର ବ୍ୟବହାର ହୋଇଥାଏ । କୁହାଯାଏ, ରିସିନର ଏକ ଚୁଟକି ମାତ୍ରା ମଧ୍ୟ ମଣିଷର ଜୀବନ ନେଇପାରେ। ଏହା ଜଡା ଗଛ ମଞ୍ଜିରୁ ପ୍ରସ୍ତୁତ ହୋଇଥାଏ। ଏହା ପାଉଡର, ବଟିକା ଏବଂ ଏସିଡ୍ ରୂପେ ବ୍ୟବହାର ହୋଇଥାଏ । ଯାହା ଶରୀରକୁ ଏହି ବିଷ ଯାଇଥାଏ ତାର ମୃତ୍ୟୁ ନିଶ୍ଚିତ ହୋଇଥାଏ ।