ଦିଲ୍ଲୀର ମୁଖ୍ୟମନ୍ତ୍ରୀ ଅରବିନ୍ଦ କେଜରିଓ୍ଵାଲଙ୍କ ପରେ ଏବେ ଯୋଗଗୁରୁ ବାବା ରାମଦେବ ମଧ୍ୟ ‘ଦ କଶ୍ମୀର ଫାଇଲ୍ସ’କୁ ୟୁଟ୍ୟୁବ୍ରେ ଅପ୍ଲୋଡ୍ କରିବାକୁ କହିଛନ୍ତି। ଏକ ଇଣ୍ଟରଭ୍ୟୁରେ ରାମଦେବ କହିଛନ୍ତି, ଏହି ଫିଲ୍ମ ଇତି ମଧ୍ୟରେ ଭଲ ରୋଜଗାର କରିସାରିଲାଣି। ଏଣୁ ଏବେ ଏହାକୁ ୟୁଟ୍ୟୁବ୍ ଓ ଫେସ୍ବୁକ୍ରେ ଅପ୍ଲୋଡ୍ କରି ଦିଅନ୍ତୁ।
ଏକ ଇଣ୍ଟଭ୍ୟୁରେ ବାବା ରାମଦେବଙ୍କୁ ପଚରା ଯାଇଥିଲା ଯେ ସେ ଦ କଶ୍ମୀର ଫାଇଲ୍ସ ଫିଲ୍ମ ଦେଖିଛନ୍ତି କି? ଏହାର ଜବାବରେ ରାମଦେବ କହିଥିଲେ- ସମୟ ଅଭାବରୁ ସେ ଫିଲ୍ମ ଦେଖିପାରିନାହାନ୍ତି। କିନ୍ତୁ ଶୁଣିଛନ୍ତି ଯେ ଫିଲ୍ମରେ କଶ୍ମୀର ପଣ୍ଡିତଙ୍କ କଷ୍ଟ ଦର୍ଶାଯାଇଛି। ଏଥିସହ ସେ ଫିଲ୍ମର ନିର୍ମାତାଙ୍କୁ ବି ଅନୁରୋଧ କରିଛନ୍ତି ଯେ ଏହାକୁ ୟୁଟ୍ୟୁବ୍ରେ ଅପ୍ଲୋଡ୍ କରନ୍ତୁ।
‘The Kashmir Files’: Baba Ramdev urges filmmakers to release movie on YouTube#TheRamdevInterviewhttps://t.co/kIAQNOCMeY
— TIMES NOW (@TimesNow) March 26, 2022
ରାମଦେବ କହିଛନ୍ତି- ଫିଲ୍ମ ନିର୍ମାତା ଏବେ ଉଭୟେ ଫେସ୍ବୁକ୍ ଓ ୟୁଟ୍ୟୁବ୍ରେ ଏହାକୁ ଅପ୍ଲୋଡ୍ କରିନେବା ଉଚିତ୍। ଫଳରେ ସବୁ ସାଧାରଣ ଲୋକ ଜାଣିପାରିବେ ଯେ ୧୯୯୦ରେ କଶ୍ମୀର ପଣ୍ଡିତଙ୍କ ସହ କ’ଣ ହୋଇଥିଲା। ଫିଲ୍ମ ଇତି ମଧ୍ୟରେ ଭଲ ରୋଜଗାର କରିସାରିଲାଣି। ଏଣୁ ଏବେ ଏହାକୁ ଜନସାଧାରଣଙ୍କ ପାଇଁ ସୋସିଆଲ ମିଡିଆରେ ଅପ୍ଲୋଡ୍ କରିଦେଲେ କିଛି ଅସୁବିଧା ନାହିଁ ବୋଲି କହିଛନ୍ତି ବାବା ରାମଦେବ।
ସୂଚନାଯୋଗ୍ୟ ଯେ ଏହା ପୂର୍ବରୁ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିଓ୍ଵାଲ ବିଜେପି ନେତାଙ୍କ ଫିଲ୍ମୁକୁ ଟ୍ୟାକ୍ସ ଫ୍ରି କରିବା ଦାବିର ଜବାବ ଦେଇ ବିବେକ ଅଗ୍ନିହୋତ୍ରୀଙ୍କୁ କହିଥିଲେ ଯେ ଏହାକୁ ୟୁଟ୍ୟୁବ୍ରେ ଅପ୍ଲୋଡ୍ କରି ଦିଅନ୍ତୁ। ସମସ୍ତଙ୍କୁ ମାଗଣାରେ ମିଳିଯିବ। ଟ୍ୟାକ୍ସ ଫ୍ରି କରିବା କ’ଣ ଦରକାର। କେଜରିଓ୍ଵାଲଙ୍କ ଏହି ବୟାନ ଯୋଗୁ ଅନେକ ଲୋକ ତାଙ୍କୁ ବିରୋଧ ମଧ୍ୟ କରିଥିବା ଦେଖାଯାଇଛି। ଏହା ପରେ କେଜରିଓ୍ଵାଲ ସଫେଇ ଦେଇଥିଲେ।
Also Read: ବାସ୍ତୁ ଟିପ୍ସ: ପାଣିରେ ଲୁଣ ଗୋଳାଇ ଏହି କୋଣରେ ରଖିଦିଅନ୍ତୁ, ଘରେ କେବେ ବି ଦେଖାଯିବନି ଆର୍ଥିକ ସମସ୍ୟ