ପ୍ରଧାନମନ୍ତ୍ରୀ ମୋଦି ଉଦ୍ଘାଟନ କରିବାର ୫ ଦିନ ଯାଇନି, ଧୋଇଗଲା ବୁଲେନ୍ଦଖଣ୍ଡ ଏକ୍ସପ୍ରେସ-ୱେ, ସାମ୍ନାକୁ ଆସିଲା ଭିଡିଓ
ବୁଲେନ୍ଦଖଣ୍ଡ ଏକ୍ସପ୍ରେସ-ୱେ ଆରମ୍ଭ ହେବାର ୫ ଦିନ ପୂରି ନ ଥିବା ବେଳେ ରାସ୍ତା ଦବି ଯାଇଛି। ଉଦ୍ଘାଟନର ୫ ଦିନରେ ହିଁ କାମ କେମିତି ହୋଇଛି ତାହା ସର୍ବସମ୍ମୁଖକୁ ଆସିଛି। ଜାଲୌନଠାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବୁଲେନ୍ଦଖଣ୍ଡ ଏକ୍ସପ୍ରେସ ୱେକୁ ଜୁଲାଇ ୧୬ ରେ ଉଦ୍ଘାଟନ କରିଥିଲେ। ଲୋକାର୍ପଣ ପୂର୍ବରୁ କୁହାଯାଉଥିଲା ଯେ ବୁଲେନ୍ଦଖଣ୍ଡ ଏକ୍ସପ୍ରେସ ୱେକୁ ସବୁଠୁ ମଜବୁତ ରାସ୍ତା ଭାବେ ଉଦାହରଣ ଦିଆଯିବ। କିନ୍ତୁ ହାଲକା ବର୍ଷାରେ ଏହାର କାର୍ଯ୍ୟ କେତେ ଦୃଢ଼ ତାହାର ଗୁମର ଖୋଲିଯାଇଛି।
ଦେଶର ବଡ଼ ବଡ଼ ସୁନାମଧନ୍ୟ ଇଞ୍ଜିନିୟରଙ୍କ ଠାରୁ ପରାମର୍ଶ ନେଇ ଏହି ଏକ୍ସପ୍ରେସ ୱେ ତିଆରି କରାଯାଇଥିଲା। କିନ୍ତୁ ଅସରାଏ ବର୍ଷାରେ ଏହି ରାସ୍ତାର ନିମ୍ନମାନର କାମ ପଦାକୁ ଆସିଛି। ବର୍ଷାରେ ଏହି ରାସ୍ତାର ଏକ ଅଂଶ ଧୋଇଯାଇଛି। ରାସ୍ତାର ପିଚୁ ସମ୍ପୂର୍ଣ୍ଣ ଧୋଇଯାଇ ଗାତ ହୋଇଛି। ଫଳରେ ଦ୍ରୁତ ଗତିରେ ଯାଉଥିବା ଗାଡ଼ି ଦୁର୍ଘଟଣାଗସ୍ତ ହେବା ଆଶଙ୍କା ରହିଛି।
ଦେଖନ୍ତୁ ରାସ୍ତାର ଅବସ୍ଥା:
बारिश ने खोल दी अधूरे बुंदेलखंड एक्स्प्रेसवे की पोल।
प्रधानमंत्री एवं मुख्यमंत्री द्वारा लोकार्पित बुंदेलखंड एक्सप्रेसवे का बारिश में निकला दम।
अधूरे एक्सप्रेसवे को बुंदेलखंडियो के लिए सौगात बताने वाली भाजपा सरकार कर रही जनता को गुमराह।
शर्म करो प्रचारजीवी सरकार। pic.twitter.com/9SymyjdXye
— Samajwadi Party (@samajwadiparty) July 21, 2022
ସମାଜବାଦୀ ପାର୍ଟି (ସପା) ଏହି ଭିଡିଓକୁ ଟ୍ୱିଟ୍ କରି କହିଛି- ଅଧୁରା ବୁଲେନ୍ଦଖଣ୍ଡ ଏକ୍ସପ୍ରେସ ୱେର ଗୁମର ଖୋଲିଦେଲା ବର୍ଷା। ପ୍ରଧାନମନ୍ତ୍ରୀ ଓ ମୁଖ୍ୟମନ୍ତ୍ରୀଙ୍କ ଦ୍ଵାରା ଲୋକାର୍ପିତ ବୁନ୍ଦେଲଖଣ୍ଡ ଏକ୍ସପ୍ରେସୱେ ଅସରାଏ ବର୍ଷାରେ ଧୋଇଯାଇଛି। ବିଜେପି ସରକାର ଲୋକଙ୍କୁ ଭୁଆଁ ବୁଲାଉଛି। ଲାଜ କରିବା ଦରକାର ଏହି ପ୍ରଚାରଜୀବୀ ସରକାର।
Tomorrow, 16th July is a special day for my sisters and brothers of the Bundelkhand region. At a programme in Jalaun district, the Bundelkhand Expressway will be inaugurated. This project will boost the local economy and connectivity. https://t.co/wYy4pRQgx4 pic.twitter.com/Y2liHsxE5U
— Narendra Modi (@narendramodi) July 15, 2022
ତେବେ ଏହି ଭିଡିଓ ଭାଇରାଲ ହେବା ପରେ ସମସ୍ତେ ଏହି ଏକ୍ସପ୍ରେସ ୱେର ସ୍ଥାୟୀତ୍ୱକୁ ନେଇ ପ୍ରଶ୍ନ ଉଠାଉଥିବା ଦେଖାଯାଇଛି।
