ଗ୍ୟାସ୍ ଭରିବାକୁ ନେଇ ଦୁଇ ଦଳ ମଧ୍ୟରେ ମାରପିଟ, ସିସିଟିଭିରେ କଏଦ ହେଲା ଦୃଶ୍ୟ
ଉତ୍ତରପ୍ରଦେଶର ନୋଏଡାରେ ଏକ ସିଏନଜି ପମ୍ପରେ ଗ୍ୟାସ୍ ଭରିବା ଡେରି ହେବାକୁ ନେଇ ଦୁଇ ଦଳ ମଧ୍ୟରେ ବିବାଦ । ବିବାଦ ଏତେ ବଢିଗଲା ଯେ ଯୁବକ ଜଣକ ବ୍ୟକ୍ତିକୁ ପିଟିବା ସହ ଉଠାଇ ପିଙ୍ଗି ଦେଇଛନ୍ତି । ଯାହାର ଦୃଶ୍ୟ ସିସିଟିଭିରେ କଏଦ ହୋଇଛି।
ନୂଆଦିଲ୍ଲୀ : ଉତ୍ତରପ୍ରଦେଶର ନୋଏଡାରେ ଏକ ସିଏନଜି ପମ୍ପରେ ଗ୍ୟାସ୍ ଭରିବା ଡେରି ହେବାକୁ ନେଇ ଦୁଇ ଦଳ ମଧ୍ୟରେ ବିବାଦ । ବିବାଦ ଏତେ ବଢିଗଲା ଯେ ଯୁବକ ଜଣକ ବ୍ୟକ୍ତିକୁ ପିଟିବା ସହ ଉଠାଇ ପିଙ୍ଗି ଦେଇଛନ୍ତି । ସୂଚନା ମୁତାବକ, ମାରପିଟରେ ବ୍ୟକ୍ତି ଜଣଙ୍କ ଗୁରୁତର ଆହତ ହୋଇଛନ୍ତି । ଆହତ ହୋଇଥିବା ବ୍ୟକ୍ତି ନା ନିରଜ ଭାଗୋବ ସେକ୍ଟର ୭୨ରେ ରୁହନ୍ତି । ଆହତ ବ୍ୟକ୍ତି ଜଣକ ପୋଲିସ ନିକଟରେ ଏ ନେଇ ଅଭିଯୋଗ କରିଛନ୍ତି । ଏହା ପରେ ପୋଲିସ ଅଭିଯୁକ୍ତଙ୍କୁ ଖୋଜିବା ସହ ମାମଲାର ତଦନ୍ତ କରୁଛି ।
ନୋଏଡା ସେକ୍ଟର ୫୧ ସ୍ଥିତ ଏକ ସିଏନଜି ଗ୍ୟାସ୍ ପମ୍ପରେ ହୋଇଥିବା ମାରପିଟ ଘଟଣାର ଦୃଶ୍ୟ ସିସିଟିଭି କ୍ୟାମେରାରେ କଏଦ ହୋଇଛି । ଏହି ଘଟଣାରେ ଆହତ ବ୍ୟକ୍ତି କୋତବାଲିର ସେକ୍ଟର ୪୯ ପୋଲିସ ଷ୍ଟେସନ୍ରେ ଅଭିଯୋଗ କରିଛନ୍ତି। ଏନେଇ ପୋଲିସ ୩ ରୁ ୪ ଜଣ ଦୁର୍ବୃତ୍ତଙ୍କ ନାରେ ମାମଲା ରୁଜୁ କରିଛି ।
ପୋଲିସ ସୂଚନା ଅନୁସାରେ, ଦୁଇଟି ଗାଡି ସିଏନଜି ପମ୍ପରେ ଗ୍ୟାସ୍ ଭରିବା ପାଇଁ ହୋଇ ଠିଆ ହୋଇଥିଲେ। ଗ୍ୟାସ୍ ଭରିବା ପାଇଁ ଡେରି ହେଉଥିବାରୁ ଉଭୟଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା । ପରେ ଏହା ମାରପିଟର ରୂପ ନେଇଥିଲା ।
କଏଦ ହୋଇଥିବା ସିସିଟିଭି ଭିଡିଓ ଦେଖା ଯାଉଛି ଯେ ପ୍ରଥମେ ଦୁଇ ଜଣ ଲୋକ ନିରଜଙ୍କ ସହ କଥାବାର୍ତ୍ତା ହେଉଛନ୍ତି। ଏହା ପରେ ତାଙ୍କୁ ମାରିବା ସହ ଉଠାଇ ଫିଙ୍ଗି ଦେବା ପରେ ଅଭିଯୁକ୍ତ ମାନେ ସେଠାରୁ ଫେରାର ହୋଇଯାଉଛନ୍ତି । ତେବେ ଭିଡିଓରେ ଦେଖିବା ପାଇଁ ମିଳିଛି ଯେ ପେଟ୍ରୋଲ ପମ୍ପରେ କାମ କରୁଥିବା ଲୋକମାନେ ଘଟଣାକୁ ବିରୋଧ କରିନାହାନ୍ତି କି ନିରଜଙ୍କୁ ବଞ୍ଚାଇବା ପାଇଁ ମଧ୍ୟ ଆସୁନାହାନ୍ତି ।
ପରେ ନିରଜ ହସ୍ସପିଟାଲରେ ପ୍ରାଥମିକ ଚିକିତ୍ସା କରାଇ ପୋଲିସ ପାଖରେ ଅଭିଯୋଗ କରିଥିଲେ । ପୋଲିସ ମାମଲାର ତଦନ୍ତ କରିବା ପରେ ସୂଚନା ଦେଇଛି ଯେ ଅଭିଯୁକ୍ତ ଯେଉଁ ଗାଡିରେ ଆସିଥିଲେ ସେ ଗାଡିର ନମ୍ବର ପ୍ଲେଟ ଭୁଲ ଥିବାରୁ ଟ୍ରାକ କରିବା ପୋଲିସ ପାଇଁ କଷ୍ଟକର ହୋଇଛି । ହେଲେ ପୋଲିସ ଅଭିଯୁକ୍ତଙ୍କୁ ବହୁତ ଶୀଘ୍ର ଗିରଫ କରି ନେବ ବୋଲି ସୂଚନା ଦେଇଛି ।
नोएडा के एक CNG पंप पर गैस भरवाने को लेकर हुई देरी के चलते दो पक्षों में विवाद हो गया, जिसमें दबंगों ने एक युवक की जमकर पिटाई की और उसे उठाकर पटक दिया। #Noida #NoidaCrime pic.twitter.com/2jyINoXANT
— Vineet Kumar Singh (@VickyOnX) September 29, 2023