ଆମେରିକା: ଜାହାଜ ବାଜିବାରୁ ଭାଙ୍ଗିଗଲା ବ୍ରିଜ, ନଦୀରେ ଖସିପଡିଲା ଶହଶହ ଗାଡି
ଆମେରିକାର ବାଲ୍ଟିମୋରରେ ଏକ କଣ୍ଟେନର ଜାହାଜ ଯାଉଥିବା ବେଳେ ବ୍ରିଜରେ ବାଜିବା ଯୋଗୁଁ ସଂପୂର୍ଣ୍ଣ ବ୍ରିଜଟି ଭାଙ୍ଗିପଡିଥିଲା । ଫଳରେ ବ୍ରିଜ ଉପରେ ଥିବା ଶହଶହ ଗାଡି ପାଣିକୁ ଖସିପଡିଥିଲା । ଘଟଣା ପରେ ଉଦ୍ଧାରକାରୀ ଦଳ ପାଣିରେ ଲୋକଙ୍କୁ ଖୋଜୁଛନ୍ତି ।
ଆମେରିକାର ବାଲ୍ଟିମୋରରେ ଭାଙ୍ଗିଗଲା ବ୍ରିଜ । ବ୍ରିଜ ତଳେ ଏକ କଣ୍ଟେନର ଜାହାଜ ଯାଉଥିବା ବେଳେ ବ୍ରିଜରେ ବାଜିବା ଯୋଗୁଁ ସଂପୂର୍ଣ୍ଣ ବ୍ରିଜଟି ଭାଙ୍ଗିପଡିଥିଲା । ଫଳରେ ବ୍ରିଜ ଉପରେ ଥିବା ଶହଶହ ଗାଡି ପାଣିକୁ ଖସିପଡିଥିଲା । ଘଟଣା ପରେ ଉଦ୍ଧାରକାରୀ ଦଳ ପାଣିରେ ଲୋକଙ୍କୁ ଖୋଜୁଛନ୍ତି । ବ୍ରିଜ ଭାଙ୍ଗିବାର ଭୟଙ୍କର ଦୃଶ୍ୟ ଭିଡିଓରେ ଦେଖିବାକୁ ମିଳିଛି ।
X ରେ ପୋଷ୍ଟ ହୋଇଥିବା ଭିଡିଓରେ ଦେଖିବାକୁ ମିଳିଛି କି, ଜାହାଜଟି ଫ୍ରାନ୍ସିସ ସ୍କଟ କି ବ୍ରିଜର ଖୁଣ୍ଟରେ ଧକ୍କା ହେବା ଯୋଗୁଁ ବ୍ରିଜର ଅଧା ଅଂଶ ପାଣିରେ ଖସିପଡିଥିଲା । ଏହାପରେ ଜାହାଜରେ ନିଆଁ ଲାଗିଯାଇଥିଲା ଏବଂ ସଂପୂର୍ଣ୍ଣ ବ୍ରିଜଟି ପାଣିରେ ଖସିପଡିଥିଲା ।
ବାଲ୍ଟିମୋର ଅଗ୍ନିଶମ ବିଭାଗର ନିର୍ଦ୍ଦେଶକ କହିଛନ୍ତି, ଏହା ଆପତ୍ତକାଳୀନ ସ୍ଥିତି । ଏବେ ଆମେ ଲୋକମାନଙ୍କୁ ଉଦ୍ଧାର କରିବାକୁ ଚେଷ୍ଟା କରୁଛି । ତେବେ ଘଟଣାଟି ରାତି ୧.୩୦ ମିନିଟରେ ଘଟିଛି । ଜାହାଜଟି ବ୍ରିଜରେ ଧକ୍କା ହେବା ବେଳେ ତା’ ଉପରେ ଅନେକ ଗାଡି ରହିଥିଲା ।
The Francis Scott Key Bridge in Baltimore, Maryland which crosses the Patapsco River has reportedly Collapsed within the last few minutes after being Struck by a Large Container Ship; a Mass Casualty Incident has been Declared with over a Dozen Cars and many Individuals said to… pic.twitter.com/SsPMU8Mjph
— OSINTdefender (@sentdefender) March 26, 2024
ପଟସ୍ପେକୋ ନଦୀ ଉପରେ ବ୍ରିଜ ୧୯୭୭ରେ ଖୋଲାଯାଇଥିଲା । ଏହା ସହରର ଗୁରୁତପୂର୍ଣ୍ଣ ବ୍ରିଜ ଥିଲା । ଯାହା ବାଲ୍ଟିମୋର ପୋର୍ଟ ସହିତ ପୂର୍ବ ତଟରେ ସିପିଂରେ କେନ୍ଦ୍ର ଥିଲା । ଏହାର ନାମ ‘ଦ ଷ୍ଟାର ସ୍ପେଗଲ୍ଡ ବ୍ୟାନର’ଙ୍କ ଲେଖକ ନାମରେ ରଖାଯାଇଥିଲା ।
