ଗ୍ୟାଙ୍ଗଷ୍ଟର ଟିଲ୍ଲୁ ତାଜପୁରିୟାକୁ ତିହାର ଜେଲରେ ହତ୍ୟା, ଲୁହା ରଡ ପୁରାଇ ମାରିଥିବା ସୂଚନା
ତିହାର ଜେଲରେ ଗ୍ୟାଙ୍ଗଓ୍ଵାର । ଗ୍ୟାଙ୍ଗଷ୍ଟର ଟିଲ୍ଲୁ ତାଜପୁରିୟାକୁ ଲୁହା ରଡ ପୁରାଇ ହତ୍ୟା କରାଯାଇଥିବା ସୂଚନା ମିଳିଛି ।ଜିତେନ୍ଦ୍ର ଗୋଗିକୁ ହତ୍ୟା କରିବାର ଅଭିଯୋଗରେ ଟିଲ୍ଲୁ ତିହାର ଜେଲରେ ବନ୍ଦ ରହିଥିଲା ।
ଦେଶର ହାଇ ସିକ୍ୟୁରିଟି ଜେଲ୍ କୁହାଯାଉଥିବା ତିହାର ଜେଲରେ ଗ୍ୟାଙ୍ଗଓ୍ଵାର ହୋଇଥିବା ଖବର ସାମ୍ନାକୁ ଆସିଛି । ଏହି ଗ୍ୟାଙ୍ଗଓ୍ଵାରରେ କୁଖ୍ୟାତ ଗ୍ୟାଙ୍ଗଷ୍ଟର ଟିଲ୍ଲୁ ତାଜପୁରିୟାକୁ ହତ୍ୟା କରାଯାଇଛି । ଗ୍ୟାଙ୍ଗଷ୍ଟର ଟିଲ୍ଲୁ ନାମରେ ରୋହିଣୀ କୋର୍ଟରେ ସୁଟଆଉଟ୍ କରିବାର ଅଭିଯୋଗ ଲାଗିଥିଲା । ଜିତେନ୍ଦ୍ର ଗୋଗିକୁ ହତ୍ୟା କରିବାର ଅଭିଯୋଗ ରହିଥିଲା ।
ଖବର ମୁତାବକ, ତିହାର ଜେଲରେ ଯୋଗେଶ ଟୁଣ୍ଡା ଏବଂ ତା’ର ସାଥି ଦୀପକ ତିତର ଲୁହା ରଡରେ ଟିଲ୍ଲୁ ଉପରେ ଆକ୍ରମଣ କରିଥିଲେ । ଏହାପରେ ଟିଲ୍ଲୁ କୁ ଡିଡିୟୁ ହସପିଟାଲରେ ଭର୍ତ୍ତି କରାଯାଇଥିଲା । ଆଜି ସକାଳ ୬.୩୦ ମିନିଟରେ ଟିଲ୍ଲୁର ମୃତ୍ୟୁ ହୋଇଥିବା ଖବର ମିଳିଛି । ତେବେ ଏହାକୁ ନେଇ ତିହାର ଜେଲ ପ୍ରଶାସନ ହାର୍ଟଆଟାକ ହୋଇ ମୃତ୍ୟୁ ହୋଇଥିବା କହିଛି । ପୋଲିସ ଏହି ମାମଲାର ଯାଞ୍ଚ କରୁଛି ।
ଟିଲ୍ଲୁ ତିହାର ଜେଲରୁ କୁଖ୍ୟାତ ଅପରାଧୀ ନବୀନ ବାଲି, କୌଶଲ ଏବଂ ଗ୍ୟାଙ୍ଗଷ୍ଟର ନୀରଜକ ବବାନିୟା ସହିତ ମିଶି ଗ୍ୟାଙ୍ଗ୍ ଅପରେଟ କରୁଥିଲା । ଟିଲ୍ଲୁର ନାମ ରୋହିଣୀ କୋର୍ଟ ସୁଟଆଉଟ୍ରେ ଆସିଥିଲା ।
Delhi’s Rohini court shootout accused jailed gangster Tillu Tajpuriya killed after he was attacked by rival gang members Yogesh Tunda and others in Tihar jail. He was taken to Delhi’s Deen Dayal Upadhyay Hospital, where he was declared dead. Further investigation underway by… pic.twitter.com/70cVYUD0rk
— ANI (@ANI) May 2, 2023
୨୦୨୧ ସେପ୍ଟେମ୍ବରରେ ରୋହିଣୀ କୋର୍ଟରେ ଓକିଲ ଡ୍ରେସ ପିନ୍ଧି ଦୁଇଜଣ ଆକ୍ରମଣକାରୀ ଜଜଙ୍କ ସାମ୍ନାରେ ଗ୍ୟାଙ୍ଗଷ୍ଟର ଜିତେନ୍ଦ୍ର ଗୋଗୀକୁ ଗୁଳି କରିଥିଲେ । ସେଠାରେ ଗ୍ୟାଙ୍ଗଷ୍ଟର ଜିତେନ୍ଦ୍ରର ମୃତ୍ୟୁ ହୋଇଥିଲା । ପୋଲିସ ଏହାର ପ୍ରତିବଦଳରେ ଗୁଳି ଚଳାଇଥିଲା ଫଳରେ ଦୁଇଜଣ ଆକ୍ରମଣକାରୀଙ୍କ ମୃତ୍ୟୁ ହୋଇଥିଲା । ସେତେବେଳେ ଟିଲ୍ଲୁ ମଣ୍ଡୋଲି ଜେଲରେ ବନ୍ଦ ଥିଲା ଆଉ ଗୋଗୀ ଗ୍ୟାଙ୍ଗ ସହିତ ଶତ୍ରୁତା ଥିଲା ବୋଲି ସୁଟ୍ଆଉଟ୍ରେ ସଂପୃକ୍ତ ଥିବା ପୋଲିସ କହିଥିଲା ।
ପୂର୍ବରୁ ଟିଲ୍ଲୁ ଏବଂ ଗୋଗୀ ଉଭୟ ବନ୍ଧୁ ଥିଲେ । କିନ୍ତୁ ୨୦୧୦ରେ ଦିଲ୍ଲୀର ଏକ କଲେଜ ଚାତ୍ରସଂଘ ନିର୍ବାଚନ ପର ଠାରୁ ଦୁହିଁଙ୍କ ମଧ୍ୟରେ ଶତ୍ରୁତା ଆରମ୍ଭ ହୋଇଯାଇଥିଲା ।
ଟିଲ୍ଲୁ ପ୍ରଥମେ ଦିଲ୍ଲୀର ମଣ୍ଡୋଲୀ ଜେଲରେ ବନ୍ଦ ଥିଲା । କିନ୍ତୁ ଜିତେନ୍ଦ୍ରଗୋଗୀ ହତ୍ୟାକାଣ୍ଡ ପରେ ତାକୁ ତିହାର ଜେଲକୁ ସିଫ୍ଟ କରାଯାଇଥିଲା । ସେଠାରୁ ହିଁ ଟିଲ୍ଲୁ ନିଜର ଗ୍ୟାଙ୍ଗ ଚଲାଉଥିଲା । ଟିଲ୍ଲୁ ତାଜପୁରିୟା ଗାଁର ହୋଇଥିବାରୁ ତାର ନାମ ଟିଲ୍ଲୁ ତାଜପୁରିୟା ।