ଜେଲରେ ବିଗିଡିଲା ମାଫିଆ ମୁଖତାର ଅନସାରୀଙ୍କ ସ୍ୱାସ୍ଥ୍ୟବସ୍ଥା, ଆଇସିୟୁରେ ଭର୍ତ୍ତି
ଉତ୍ତର ପ୍ରଦେଶ ସ୍ଥିତ ବାନ୍ଦା ଜେଲରେ ଥିବା କୁଖ୍ୟାତ ମାଫିଆ ମୁଖତାର ଅନସାରୀଙ୍କ ସ୍ୱାସ୍ଥ୍ୟବସ୍ଥା ବିଗିଡ଼ି ଯାଇଛି । ବାନ୍ଦା ସ୍ଥିତ ହସ୍ପିଟାଲ ICUରେ ତାଙ୍କର ଚିକିତ୍ସା ଚାଲିଛି । ଏନେଇ ହସ୍ପିଟାଲ ବାହାରେ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଛି ।
ଉତ୍ତର ପ୍ରଦେଶ ସ୍ଥିତ ବାନ୍ଦା ଜେଲରେ ଥିବା କୁଖ୍ୟାତ ମାଫିଆ ମୁଖତାର ଅନସାରୀଙ୍କ ସ୍ୱାସ୍ଥ୍ୟବସ୍ଥା ବିଗିଡ଼ି ଯାଇଛି । ବାନ୍ଦା ସ୍ଥିତ ହସ୍ପିଟାଲ ICUରେ ତାଙ୍କର ଚିକିତ୍ସା ଚାଲିଛି । ଏନେଇ ହସ୍ପିଟାଲ ବାହାରେ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଛି । କିଛି ଦିନ ପୂର୍ବରୁ ମୁଖତାର ଅନସାରୀ ନିଜ ଜୀବନ ପ୍ରତି ବିପଦ ଥିବା କହିଥିଲେ । ତାଙ୍କୁ କେହି ବିଷ ଦେଇ ମାରିବାର ଷଡ଼ଯନ୍ତ୍ର କରୁଛି ବୋଲି କୋର୍ଟରେ କହିଥିଲେ ।
ମୁଖତାର ଅନସାରୀଙ୍କ ଉପରେ ଅନେକ ଅପରାଧିକ ମାମଲା ରହିଛି । ସ୍ୱାସ୍ଥ୍ୟବସ୍ଥା ବିଗିଡ଼ିବାକୁ ନେଇ ଜିଲ୍ଲା ପ୍ରଶାସନ, ପୋଲିସ ପ୍ରଶାସନ ଏବଂ ଜେଲ ପ୍ରଶାସନ ଚୁପ୍ ଅଛନ୍ତି । ନିକଟରେ ମୁଖତାରଙ୍କ ସ୍ୱାସ୍ଥ୍ୟବସ୍ଥାରେ ଅବହେଳା ଯୋଗୁଁ ଜଣେ ଜେଲର ଏବଂ ୨ ଡେପୁଟି ଜେଲରଙ୍କୁ ସସପେଣ୍ଡ୍ କରାଯାଇଥିଲା ।
ମୁଖତାର ଅନସାରୀ କୋର୍ଟରେ ଏକ ଆବେଦନ କରିଥିଲେ ଯେ, ମାର୍ଚ୍ଚ ୧୯ରେ ତାଙ୍କୁ ବିଷାକ୍ତ ଖାଦ୍ୟ ଦିଆଯାଇଥିଲା । ଏହା ପରଠାରୁ ତାଙ୍କ ସ୍ୱାସ୍ଥ୍ୟବସ୍ଥା ବିଗିଡ଼ିଯାଇଥିଲା । ଦୟାକରି ଡାକ୍ତରଙ୍କ ଏକ ଟିମ ଦ୍ୱାରା ମୋ ଚିକିତ୍ସା କରାନ୍ତୁ । ଏହାର ୪୦ ଦିନ ପୂର୍ବରୁ ବି ମୋତେ ବିଷ ଦେଇ ମାରିବାକୁ ଷଡ଼ଯନ୍ତ୍ର କରାଯାଇଥିଲା । ଏହା ପରେ ଏକ ଡାକ୍ତରୀ ଟିମ୍ ମୁଖତାରଙ୍କ କିଛି ଟେଷ୍ଟ କରିବା ସହ ଚିକିତ୍ସା କରିଥିଲେ ।
Banda, UP | Gangster-turned-politician Mukhtar Ansari lodged in Banda jail has been admitted to the Rani Durgawati Medical College, Banda this morning after he complained of abdominal pain.
The hospital says that he is under treatment and is stable. pic.twitter.com/EFVdpo7KRd
— ANI (@ANI) March 26, 2024
ସୂଚନାଯୋଗ୍ୟ, ୩୬ବର୍ଷ ପୂର୍ବେ ଘଟିଥିବା ନକଲି ଅସ୍ତ୍ର ଲାଇସେନ୍ସ ମାମଲାରେ ସମାଜବାଦୀ ପାର୍ଟିର ପୂର୍ବତନ ବିଧାୟକ ତଥା ମାଫିଆ ମୁଖତାର ଅନସାରୀଙ୍କୁ ଆଜୀବନ ଜେଲ୍ ଦଣ୍ଡାଦେଶ ହୋଇଥିଲା । ବାରାଣସୀର ଏମ୍ପି-ଏମ୍ଏଲ୍ଏ କୋର୍ଟ ମୁଖତାର୍ ଅନସାରୀଙ୍କୁ ଦୋଷୀ ସାବ୍ୟସ୍ତ କରି ରାୟ ପ୍ରକାଶ କରିଥିଲେ ।