ଲକଡାଉନ ଯୋଗୁ ଭାରତରେ ଫସିଥିବା ନିଜ ନାଗରିକଙ୍କୁ ଫେରାଇବାକୁ ପାକିସ୍ତାନର ଦାବି, କହିଲା…
କରୋନା ଭାଇରସର ସଂକ୍ରମଣକୁ ଦେଶରେ ଲକଡାଉନ କରାଯାଇଥିବା ବେଳେ ଏଭଳି ସ୍ଥିତିରେ ପାକିସ୍ତାନ ନିଜ ଦେଶର ଲୋକଙ୍କୁ ଫେରାଇ ନେବାକୁ ସାହାଯ୍ୟ ମାଗିଛି। ଭାରତରେ ଏବେ ପ୍ରାୟ ୧୮୦ ଜଣ ପାକିସ୍ତାନୀ ଭିନ୍ନ ଭିନ୍ନ ସ୍ଥାନରେ ଅଛନ୍ତି। ଏହା ପୂର୍ବରୁ ଏପ୍ରିଲ ୧୬ ରେ ପାକିସ୍ତାନ ୱାଘା ବର୍ଡର ଦେଇ ୪୧ ଜଣ ନାଗରିକଙ୍କୁ ପଠାଇବାକୁ ଅନୁରୋଧ କରିଥିଲା।
ଭାରତ ସରକାର ଏନେଇ ସୂଚନା ଦେଇ କହିଛନ୍ତି ଯେ ଭାରତରେ ଫସି ରହିଥିବା ଅନ୍ୟ ଦେଶ ନାଗରିକଙ୍କୁ ଆମେ ସ୍ବଦେଶକୁ ପଠାଇବାକୁ ବ୍ୟବସ୍ଥା କରୁଛୁ। ଆମକୁ ଜଣାଅଛି ଯେ ପାକିସ୍ତାନର ୧୮୦ ଜଣ ଏବେ ଭାରତରେ ଅଛନ୍ତି।
ରିପୋର୍ଟ ମୁତାବକ, ଭାରତ ମଧ୍ୟ ପାକିସ୍ତାନରେ ଫସିଥିବା ନିଜ ନାଗରିକଙ୍କୁ ଫେରାଇ ଆଣିବାକୁ ପ୍ରସ୍ତୁତି ଚଳାଇଛି। ଏବେ ପାକିସ୍ତାନରେ ପ୍ରାୟ ୨୦୫ ଜଣ ଭାରତୀୟ ଫସିଛନ୍ତି। ସେମାନଙ୍କ ମଧ୍ୟରେ ୧୦୫ ଜଣ ଛାତ୍ର ଓ ୧୦୦ ଜଣ ଯାତ୍ରୀ ରହିଛନ୍ତି।
