ପ୍ରଧାନମନ୍ତ୍ରୀ ମୋଦି ହେଲିକପ୍ଟରରେ ବସି ଦେଖିଲେ ରାମଲାଲାଙ୍କ ଦିବ୍ୟ ସୂର୍ଯ୍ୟତିଳକ ଅଭିଷେକ; କହିଲେ, ‘ପରମ ଆନନ୍ଦର କ୍ଷଣ’
ଆଜି ସାରା ଦେଶରେ ବଡ଼ ଧୁମ୍ଧାମରେ ପାଳନ ହେଉଛି ପବିତ୍ର ରାମନବମୀ ଉତ୍ସବ । ଏହି ଅବସରରେ ପ୍ରଥମ ଥର ପାଇଁ ଅଯୋଧ୍ୟାରେ ପ୍ରଭୁ ରାମଲାଲାଙ୍କ ସୂର୍ଯ୍ୟ ଅଭିଷେକ କରାଯାଇଥିଲା ।
ଆଜି ସାରା ଦେଶରେ ବଡ଼ ଧୁମ୍ଧାମରେ ପାଳନ ହେଉଛି ପବିତ୍ର ରାମନବମୀ ଉତ୍ସବ । ଏହି ଅବସରରେ ପ୍ରଥମ ଥର ପାଇଁ ଅଯୋଧ୍ୟାରେ ପ୍ରଭୁ ରାମଲାଲାଙ୍କ ସୂର୍ଯ୍ୟ ଅଭିଷେକ କରାଯାଇଥିଲା । ଦେଶ ଏବଂ ଦୁନିଆର ରାମ ଭକ୍ତମାନେ ଏହି ଐତିହାସିକ ମୁହୂର୍ତ୍ତର ସାକ୍ଷୀ ହୋଇଥିଲେ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ଏହି ଚମତ୍କାର ମୁହୂର୍ତ୍ତକୁ ଦେଖିବାର ସୌଭାଗ୍ୟ ପାଇଥିଲେ । ସେ ଆସାମରେ ଜନସଭା ପରେ ହେଲିକପ୍ଟରରେ ଯାତ୍ରା କରୁଥିବା ସମୟରେ ରାମଲାଲାଙ୍କ ସୂର୍ଯ୍ୟ ଅଭିଷେକର ଅଦ୍ଭୁତ ଦୃଶ୍ୟ ଦେଖିଥିଲେ ।
ପ୍ରଧାନମନ୍ତ୍ରୀ ମୋଦି ବର୍ତ୍ତମାନ ଆସାମର ନଲବାଡ଼ିରେ ଅଛନ୍ତି । ସେଠାରେ ସେ ଏକ ଜନସଭାକୁ ସମ୍ବୋଧିତ କରିଥିଲେ । ଜନସଭା ପରେ ମୋଦି ହେଲିକପ୍ଟରରେ ହିଁ ଏହି ଅଦ୍ଭୁତ ମୁହୂର୍ତ୍ତକୁ ଦେଖିଥିଲେ । ପିଏମ୍ ପୋଷ୍ଟ କରି କହିଛନ୍ତି ଯେ ‘ନଲବାଡ଼ିର ସଭା ପରେ ମୁଁ ଅଯୋଧ୍ୟାରେ ରାମଲାଲାଙ୍କ ସୂର୍ଯ୍ୟତିଳକର ଅଦ୍ଭୁତ ତଥା ଅନନ୍ୟ କ୍ଷଣ ଦେଖିବାର ସୌଭାଗ୍ୟ ପାଇଲି । ଶ୍ରୀରାମ ଜନ୍ମଭୂମିର ଏହି ବହୁ ପ୍ରତୀକ୍ଷିତ ମୁହୂର୍ତ୍ତ ପ୍ରତ୍ୟେକଙ୍କ ପାଇଁ ପରମାନନ୍ଦର କ୍ଷଣ’ ।
କହି ରଖୁଛୁ ଯେ ଅଯୋଧ୍ୟା ରାମ ମନ୍ଦିରରେ ବୁଧବାର ରାମନବମୀ ଅବସରରେ ରାମଲାଲାଙ୍କ ସୂର୍ଯ୍ୟ ଅଭିଷେକ କରାଯାଇଥିଲା । ଅପରାହ୍ନ ୧୨ଟା ୧୬ ମିନିଟ୍ରେ ଆସ୍ଥା ଏବଂ ବିଜ୍ଞାନର ମିଳନ ମାଧ୍ୟମରେ ସୂର୍ଯ୍ୟ ଅଭିଷେକ ହୋଇଥିଲା । ରାମଲାଲାଙ୍କ ସୂର୍ଯ୍ୟ ଅଭିଷେକର ଏହି ଦୃଶ୍ୟ ଅତ୍ୟନ୍ତ ଅଦ୍ଭୁତ ରହିଥିଲା । ମନ୍ତ୍ର ଉଚ୍ଚାରଣ ଭିତରେ ପ୍ରଭୁଙ୍କ କପାଳ ସୂର୍ଯ୍ୟକିରଣରେ ଆଲୋକିତ ହୋଇଥିଲା ।
ଏହି ସମୟରେ ମନ୍ଦିର ଭିତରେ ବହୁତ ଦିବ୍ୟ ତଥା ଭବ୍ୟ ଦୃଶ୍ୟ ଥିଲା । ରାମ ଭକ୍ତମାନଙ୍କ ମଧ୍ୟରେ ସୂର୍ଯ୍ୟ ଅଭିଷେକକୁ ନେଇ ଖାସ୍ ଉତ୍ସାହ ଦେଖିବାକୁ ମିଳିଥିଲା । ରାମନବମୀ ଅବସରରେ ରାମ ମନ୍ଦିରର କପାଟ ଭକ୍ତମାନଙ୍କ ପାଇଁ ଭୋର୍ ୩ଟା ୩୦ ମିନିଟ୍ରେ ଖୋଲା ଯାଇଥିଲା । ଭକ୍ତମାନେ ରାତି ୧୧ଟା ପର୍ଯ୍ୟନ୍ତ ରାମଲାଲାଙ୍କ ଦର୍ଶନ ପାଇପାରିବେ ।
