ଶ୍ରଦ୍ଧାଳୁ ଭର୍ତ୍ତି ଥିବା ବସରେ ପଶିଲା ବିଷାକ୍ତ ସାପ, ଜୀବନ ବଞ୍ଚାଇବାକୁ ଚିତ୍କାର କଲେ ଯାତ୍ରୀ
ଉତ୍ତରାଖଣ୍ଡ ନୈନିତାଲର କେଞ୍ଚିଧାମର ପାର୍କିଂରେ ଥିବା ବସ୍ରେ ପଶିଲା ବିଷାକ୍ତ ସାପ । ଶ୍ରଦ୍ଧାଳୁ ଏହାକୁ ଦେଖିବା ପରେ ଚିତ୍କାର କରି ବସ୍ରୁ ଓହ୍ଲାଇ ପଡିଥିଲେ । ପରେ ସ୍ଥାନୀୟ ପୋଲିସ କନେଷ୍ଟବଳ ଆସି ବସରୁ ସାପକୁ ବାହାର କରିଥିଲେ ।
ଉତ୍ତରାଖଣ୍ଡ ନୈନିତାଲର କେଞ୍ଚିଧାମରେ ଶ୍ରଦ୍ଧାଳୁଙ୍କ ବସରେ ଏକ ବିଷାକ୍ତ ସାପ ପଶିବା ଫଳରେ ଆତଙ୍କ ସୃଷ୍ଟି ହୋଇଛି । ଫଳରେ ଲୋକମାନେ ଜୀବନ ବଞ୍ଚାଇବା ପାଇଁ ଚିତ୍କାର କରିଛନ୍ତି । ପୋଲିସ ଘଟଣାସ୍ଥଳରେ ପହଞ୍ଚି କୌଣସି ସାପଟିକୁ ବସ୍ରୁ ବାହାର କରିଛନ୍ତି।
କେଞ୍ଚିଧାମ ନୈନିତାଲ ଠାରୁ ପ୍ରାୟ ୧୮ କିଲୋମିଟର ଦୂରରେ ଅବସ୍ଥିତ। ଶ୍ରଦ୍ଧାଳୁ ଭର୍ତ୍ତି ହୋଇଥିବା ଏକ ବସ୍ କେଞ୍ଚିଧାମକୁ ଯାଉଥିବା ବେଳେ ଏକ ବିଷାକ୍ତ ସାପ ହଠାତ୍ ପ୍ରବେଶ କରିଥିଲା। ଯାତ୍ରୀମାନେ ସାପକୁ ଦେଖିବା ପରେ ଚିତ୍କାର କରିଥିଲେ । ଲୋକମାନେ ନିଜ ଜୀବନ ରକ୍ଷା କରିବାକୁ ଚିତ୍କାର କରି ବସରୁ ଓହ୍ଲାଇ ପଡିଥିଲେ।
ଲୋକଙ୍କ ଚିତ୍କାର ଶୁଣି ବହୁ ସଂଖ୍ୟାରେ ଲୋକ ଏକତ୍ରିତ ହୋଇଥିଲେ । ଏହା ପରେ ପାର୍କିଂରେ ଯାତ୍ରୀଙ୍କ ସୁରକ୍ଷା ତଥା ଯାତାୟାତକୁ ଦେଖି କୋଟୱାଲି ଭବାଲିରେ ପୋଷ୍ଟ ହୋଇଥିବା ହେଡ କନେଷ୍ଟବଳ ମହେନ୍ଦ୍ର ସିଂଙ୍କୁ ଡକାଯାଇଥିଲା । ସେ ସାପକୁ ବାହାର କରିଥିଲେ । ସାପଟି ବାହାରିବା ପରେ ଲୋକେ କନେଷ୍ଟବଳଙ୍କୁ କୃତଜ୍ଞତା ଜଣାଇବା ସହିତ ଆଶ୍ୱସ୍ତି ଅନୁଭବ କରିଥିଲେ ।
