ଡ୍ୟୁଟି ସମୟରେ କନେଷ୍ଟେବଳଙ୍କ ଉପରକୁ ଗୁଳି ଫୁଟାଇଲେ ଆତଙ୍କବାଦୀ, ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି
ଜାମ୍ମୁ କାଶ୍ମୀରର ଶ୍ରୀନଗର ସହରରେ ଆତଙ୍କବାଦୀମାନେ ଜଣେ ପୋଲିସ କନେଷ୍ଟେବଳଙ୍କୁ ଗୁଳି ଫୁଟାଇ ଆଘାତ କରିଥିବା ଜଣାଯାଇଛି । ଆଘାତ ପ୍ରାପ୍ତ କନେଷ୍ଟେବଳ ଜଣଙ୍କୁ ହସ୍ପିଟାଲକୁ ସ୍ଥାନାନ୍ତରିତ କରାଯାଇଥିବାବେଳେ ସେଠାରେ ତାଙ୍କ ଚିକିତ୍ସା ଜାରି ରହିଛି । ମିଳିଥିବା ସୂଚନା ଅନୁଯାୟୀ ଆଜି ସକାଳ ପ୍ରାୟ ୮ ଟା ୪୦ ମିନିଟ ସମୟରେ ଆତଙ୍କବାଦୀ ମାନେ ଜାମ୍ମୁ କାଶ୍ମୀର ପୋଲିସ କନେଷ୍ଟେବଳ ଘୁଲାମ ହସନଙ୍କୁ ସହରର ସଫକଦାଲ ଅଂଚଳରେ ଗୁଳି କରିଥିବା ସମ୍ପୃକ୍ତ ପୋଲିସ ଅଧିକାରୀ ଜଣଙ୍କ କହିଛନ୍ତି । ଘଟଣା ପରେ ସମ୍ପୃକ୍ତ ଅଂଚଳକୁ ନଜର ବନ୍ଦୀ କରି ରଖାଯାଇଛି । ଏହା ସହ ଅଧିକ ଲୋକ ଏକାଠି ହେବା ନେଇ ବାରଣ କରାଯାଇଥିବା ବେଳେ ଆତଙ୍କବାଦୀ ମାନଙ୍କୁ କିପରି ଶୀଘ୍ରରୁ ଶୀଘ୍ର ଧରାଯିବ ସେନେଇ ଚେଷ୍ଟା ଜାରି ରହିଥିବା ନେଇ ପୋଲିସ ଅଧିକାରୀ ପ୍ରକାଶ କରିଛନ୍ତି ।
#Terrorists fired upon unarmed policeman Ct Gh Hassan near Ali Jan Road Zoonimar area of Srinagar resulting in critical injuries to the official. Injured shifted to hospital. Area cordoned off, search operation in progress.@JmuKmrPolice
— Kashmir Zone Police (@KashmirPolice) May 7, 2022
