ବଲିଉଡ୍ ଅଭିନେତ୍ରୀ ପ୍ରୀତି ଜିଣ୍ଟା ଏବେ ଲାଇମ୍ଲାଇଟ୍ଠାରୁ ଦୂରରେ ଅଛନ୍ତି। ସିନେମାଠୁ ଦୂରରେ ରହି ସେ ନିଜ ଜୀବନକୁ ଉପଭୋଗ କରୁଛନ୍ତି। ବଲିଉଡ୍ର ଏହି ଅଭିନେତ୍ରୀ ଖୁବ୍ କମ୍ ସମୟ ସୋସିଆଲ ମିଡିଆରେ ଆକ୍ଟିଭ୍ ଥାନ୍ତି। ଏଣୁ ତାଙ୍କ ଫଟୋ ଓ ଭିଡ଼ିଓ ଫ୍ୟାନ୍ମାନେ ବେଳେବେଳେ ଦେଖିବାର ସୁଯୋଗ ପାଇଥାନ୍ତି। ତେବେ ନିକଟରେ ପ୍ରୀତି ଜିଣ୍ଟା ଏକ ଭିଡ଼ିଓ ସେୟାର କରିଛନ୍ତି, ଯାହା ଖୁବ୍ ଭାଇରାଲ ହେବାରେ ଲାଗିଛି।
ଲୋକଙ୍କୁ ଟ୍ରାଫିକ୍ ନିୟମ ସମ୍ପର୍କରେ ସଚେତନ କରିବା ପାଇଁ ପ୍ରୀତି ଏହି ଭିଡିଓ ସେୟାର କରିଛନ୍ତି। ଭିଡ଼ିଓରେ ଖୁବ୍ କମେଣ୍ଟ ମଧ୍ୟ ଆସୁଛି। ଲୋକଙ୍କୁ ଭିଡିଓଟି ଏତେ ମାତ୍ରାରେ ପସନ୍ଦ ଆସୁଛି ଯେ ସେ ଏହାକୁ ପ୍ରବଳ ସେୟାର ମଧ୍ୟ କରୁଛନ୍ତି।
ଭିଡ଼ିଓରେ ଏକ ଷଣ୍ଢ ଟ୍ରାଫିକ ନିୟମକୁ ପାଳନ କରୁଥିବା ଦେଖିବାକୁ ମିଳିଛି।
ଦେଖନ୍ତୁ ଭିଡିଓ:
एसे देख के सीखों ट्रैफ़िक रूल्ज़ कैसे फ़ॉलो करते है 😂 Forget people even our animals obey traffic rules. Don’t believe me – watch this 🤩 #sundayfunday #ting pic.twitter.com/LYCciDpnrp
— Preity G Zinta (@realpreityzinta) October 6, 2019
ଭିଡ଼ିଓରେ ଏକ ଷଣ୍ଢ ରାସ୍ତା ପାରି ହେବାକୁ ଚେଷ୍ଟା କରୁଛି। କିନ୍ତୁ ସେହି ସମୟରେ ନାଲିବତୀ ଜଳିବାରୁ ଗାଡ଼ିଗୁଡ଼ିକ ଅଟକି ଯାଉଛନ୍ତି। ଏହା ଦେଖି ଷଣ୍ଢଟି ମଧ୍ୟ ଅଟକି ଯାଇଥିଲା। ପ୍ରୀତି ଜିଣ୍ଟା ଭିଡିଓ ସେୟାର କରି କ୍ୟାପସନ୍ରେ ଲେଖିଛନ୍ତି,‘ ଟ୍ରାଫିକ୍ ନିୟମ କିପରି ପାଳନ କରାଯାଏ ଲୋକମାନେ ତାହା ଏହି ଜୀବଠାରୁ ଶିକ୍ଷା କରିବା ଉଚିତ। ଲୋକଙ୍କ ଛାଡ଼ନ୍ତୁ, ଆମ ଷଣ୍ଢ ମଧ୍ୟ ଟ୍ରାଫିକ ନିୟମ ପାଳନ କରୁଛି। ଯଦି ବିଶ୍ୱାସ ହେଉନି ତେବେ ଏହି ଭିଡିଓ ଦେଖନ୍ତୁ।’
ଏହାସହ ପଢ଼ନ୍ତୁ: ମହାଷ୍ଟମୀରେ ପତ୍ନୀ ଜୟାଙ୍କ ସହ ମା’ଙ୍କ ଆର୍ଶୀବାଦ ଭିକ୍ଷାକଲେ ଅମିତାଭ ବଚ୍ଚନ, ଭାଇରାଲ ହେଉଛି ଫଟୋ
ପ୍ରୀତି ଜିଣ୍ଟାଙ୍କ ଦ୍ୱାରା ସେୟାର କରାଯାଇଥିବା ଏହି ଭିଡିଓକୁ ଲୋକମାନେ ବହୁତ ପସନ୍ଦ କରୁଛନ୍ତି।