ଭଗତ ସିଂହଙ୍କୁ ଶ୍ରଦ୍ଧାଞ୍ଜଳି: ସହିଦ ଦିବସ ଅବସରରେ ମାର୍ଚ୍ଚ ୨୩କୁ ଛୁଟି ଘୋଷଣା କଲେ ପଞ୍ଜାବ ସରକାର
ସହିଦ ଦିବସ ଅବସରରେ ମାର୍ଚ୍ଚ ୨୩ ତାରିଖକୁ ଛୁଟି ଘୋଷଣା କରିଛନ୍ତି ପଞ୍ଜାବ ସରକାର। ସହିଦ ଭଗତ ସିଂହଙ୍କ ସହିଦ ଦିବସକୁ ରାଜ୍ୟରେ ସହିଦ ଦିବସ ରୂପେ ପାଳନ କରାଯାଉଛି। ଏ ନେଇ ଘୋଷଣା କରିଛନ୍ତି ଭଗବନ୍ତ ମାନ ସରକାର। ପଞ୍ଜାବ ବିଧାନସଭାରେ ମୁଖ୍ୟମନ୍ତ୍ରୀ ଭଗବନ୍ତ ମାନ କହିଛନ୍ତି, ଏ ଅବସରରେ ପଞ୍ଜାବର ଲୋକ, ପିଲା, ବୟସ୍କ ସମସ୍ତେ ଭଗତ ସିଂହଙ୍କ ଗାଁ ଖଟକରକଲା ଯାଇ ତାଙ୍କୁ ଶ୍ରଦ୍ଧା ସୁମନ ଅର୍ପଣ କରିପାରିବେ।
Punjab CM declares holiday on March 23 on occasion of Bhagat Singh’s death anniversary https://t.co/dIMCWjcnXM pic.twitter.com/D5rmMhyEAd
— The Times Of India (@timesofindia) March 22, 2022
ଏଥିସହ ପଞ୍ଜାବ ବିଧାନସଭାରେ ଭଗତ ସିଂହ ଓ ବାବା ସାହେବଙ୍କ ମୂର୍ତ୍ତି ଲଗାଇବା ପ୍ରସ୍ତାବକୁ ବି ବିଧାନସଭାରେ ପାସ୍ କରାଯାଇଛି। ସେହିପରି ମହାରାଜା ରଣଜିତ ସିଂହଙ୍କ ମୂର୍ତ୍ତି ମଧ୍ୟ ପଞ୍ଜାବ ବିଧାନସଭାରେ ଲଗାଯିବ।
ସୂଚନାଯୋଗ୍ୟ ଯେ ୨୩ ମାର୍ଚ୍ଚ ୧୯୩୧ ରେ ଇଂରେଜ ସରକାରଙ୍କ ନିର୍ଦ୍ଦେଶରେ ଭଗତ ସିଂହ, ସୁଖଦେବ ଓ ରାଜଗୁରୁଙ୍କୁ ଫାଶୀ ଦିଆଯାଇଥିଲା। ଏହା ପରଠାରୁ ତାଙ୍କ ସ୍ମୃତିରେ ଏହି ଦିନକୁ ସହିଦ ଦିବସ ରୂପେ ପାଳନ କରାଯାଉଛି।
