ମୁମ୍ବାଇ : ଉଦ୍ଧାର ହେଲା କାର୍ ଚକରେ ଗୁଡାଇ ହୋଇଥିବା ଏକ ଅଜଗର, ଭିଡିଓ ଭାଇରାଲ୍
ମୁମ୍ବାଇ : ମୁମ୍ବାଇରେ ସୋମବାର ଏକ ବିଚିତ୍ର ଦୃଶ୍ୟ ଦେଖିବାକୁ ମିଳିଛି । ଏକ କାର୍ ଚକରେ ଗୁଡାଇ ହୋଇଥିବା ଏକ ବଡ ଅଜଗରକୁ ଉଦ୍ଧାର କରାଯାଇଛି । କାର୍ଟି ମହାରାଷ୍ଟ୍ର ଏକ୍ସପ୍ରେସ ହାଇେଓ୍ଵରେ ରାସ୍ତା କଡ଼ରେ ଥିବା ବେଳେ ଏହାର ଚକ ମଧ୍ୟରେ ଏକ ବଡ଼ ଅଜଗର ସାପ ଗୁଡାଇ ହୋଇ ରହିଥିବାର ଦେଖିବାକୁ ମିଳିଥିଲା ।
ପୋଲିସ ଟିମ୍ ପ୍ରଥମେ ଏହାକୁ ଦେଖିବା ପରେ ସାପ ଉଦ୍ଧାରକାରୀ ଦଳକୁ ଖବର ଦେଇଥିଲେ । ସାପ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚି ସାପଟିକୁ ଉଦ୍ଧାର କରିଥିଲେ । ପୋଲିସ ଟିମ୍ ସମ୍ପୂର୍ଣ୍ଣ ଘଟଣାଟିକୁ ସୁଟିଂ କରିଥିଲେ । ଏହି ଭିଡିଓଟି ଏବେ ଭାଇରାଲ୍ ହେବା ପରେ ଇନ୍ଷ୍ଟାଗ୍ରାମରେ ହଜାର ହଜାର ସଂଖ୍ୟାରେ ଦର୍ଶକ ଦେଖିଥିବାର ଜଣାଯାଇଛି ।
