ୟୁକ୍ରେନ୍ ଉପରେ ରୁଷ୍ର ଜୋରଦାର ସାଇବର ଆଟାକ୍, ୨ ଟି ଦେଶରେ ବନ୍ଦ କଲା ଗ୍ୟାସ୍ ଯୋଗାଣ
ରୁଷ ଓ ୟୁକ୍ରେନ୍ ମଧ୍ୟରେ ଜାରି ଥିବା ଯୁଦ୍ଧକୁ ଇତି ମଧ୍ୟରେ ୨ ମାସ ପୂରିସାରିଲାଣି। କିନ୍ତୁ ଯୁଦ୍ଧ ଥମିବାର ନାଁ ଧରୁନି। ଏହି ଯୁଦ୍ଧ ଏବେ ଆଉ ଗୁଳି ଗୋଳା, ମିସାଇଲରେ ହିଁ ଅଟକି ନାହିଁ। ବରଂ ୟୁକ୍ରେନ୍ ଉପରେ ଏବେ ସାଇବର ଆଟାକ୍ ବି କଲାଣି ରୁଷ୍। ଯୁଦ୍ଧ ମଧ୍ୟରେ ରୁଷ୍ର କିଛି ହ୍ୟାକର ସାଇବର ଆଟାକ୍ କରି ୟୁକ୍ରେନ୍କୁ ଦୁର୍ବଳ କରି ଦେଇଛନ୍ତି। ବୁଧବାର ମାଇକ୍ରୋସଫ୍ଟ କମ୍ପାନୀ ପକ୍ଷରୁ ଜାରି ଏକ ରିପୋର୍ଟରେ କୁହାଯାଇଛି ଯେ ରୁଷ୍ ସରକାରଙ୍କୁ ସମର୍ଥନ କରୁଥିବା ହ୍ୟାକର ଗତ କିଛି ଦିନ ହେଲା ୟୁକ୍ରେନ୍ର ଡଜନେରୁ ଊର୍ଦ୍ଧ୍ୱ ସଂସ୍ଥା ଉପରେ ସାଇବର ଆକ୍ରମଣ କରି ସମସ୍ତ ଡାଟା ନଷ୍ଟ କରି ଦେଇଛନ୍ତି।
We’ve published a detailed report on Russia’s ongoing cyberattack activity in Ukraine: https://t.co/knBeqhsHHg
— Mark Russinovich (@markrussinovich) April 27, 2022
ରିପୋର୍ଟରେ କୁହାଯାଇଛି, ୟୁକ୍ରେନ୍ର ଡାଟାକୁ ନଷ୍ଟ କରିବା ପାଇଁ ରୁଷ୍ର ହ୍ୟାକରମାନେ ଏହି ଯୋଜନା ୨୦୨୧ ମସିହାରୁ ହିଁ କରିଥିଲେ। ଏବେ ଏହାକୁ କାର୍ଯ୍ୟକାରୀ କରିଛନ୍ତି। ୨୦୨୧ ମାର୍ଚ୍ଚ ମାସରୁ ରୁଷ୍ର ବଡ଼ ବଡ଼ ହ୍ୟାକର ସଂସ୍ଥା ଏହା ଉପରେ କାମ କରୁଥିଲେ। ସେମାନେ ୟୁକ୍ରେନ୍ର ନେଟ୍ଓ୍ଵାର୍କକୁ ହ୍ୟାକ୍ କରି ରଣନୀତି ଓ ଯୁଦ୍ଧ ଭୂମିର ଭିତିରି ସୂଚନାକୁ ହାତେଇବାକୁ ଯୋଜନା କରିଥିଲେ । ଏବେ ଏହାକୁ ସଫଳ କରାଇଛନ୍ତି। ଏହି ବଡ଼ ଧରଣର ସାଇବର ଆଟାକ୍ ପରେ ୟୁକ୍ରେନ୍ର ଅନେକ ଜରୁରୀ ତଥ୍ୟ ରୁଷ୍ ହାତକୁ ଚାଲିଯାଇଛି। ଆଗକୁ ୟୁକ୍ରେନ୍ ଯୁଦ୍ଧ ପାଇଁ କି ରଣ କୌଶଳ ଆପଣାଇବ ସେ ନେଇ ରୁଷ୍ ଆଗୁଆ ସୂଚନା ପାଇ ଯାଇଛି, ଯାହା ଏବେ ୟୁକ୍ରେନ୍ ପାଇଁ ସମସ୍ୟା ସୃଷ୍ଟି କରିପାରେ।
TFW I read this exactly 15 years after the first public state-on-state cyber attack — against my country. And now Ukraine is doing to them what they did to us. https://t.co/MFCraC0DpF
— toomas hendrik ilves (@IlvesToomas) April 28, 2022
ଏଥିସହ ହ୍ୟାକରମାନେ ନାଗରିକଙ୍କ ବିଶ୍ୱସନୀୟ ସୂଚନା ଓ ଗୁରୁତ୍ୱପୂର୍ଣ୍ଣ ସେବା ଯାଏଁ ପହଞ୍ଚିବାରେ ବାଧା ସୃଷ୍ଟି କରିବାକୁ ଚେଷ୍ଟା କରୁଥିବା ରିପୋର୍ଟରେ କୁହାଯାଇଛି। ଯୁଦ୍ଧ ବେଳେ ୟୁକ୍ରେନ୍ ପୀଡ଼ିତଙ୍କ ପାଖରେ ଯେମିତି ସରକାରୀ ସହାୟତା ନ ପହଞ୍ଚିବ ସେଥିପାଇଁ ସବୁ ବାଟକୁ ବନ୍ଦ କରି ଦେଇଛି ରୁଷ୍। ସାଇବର ଆଟାକ୍ କରି ସେ ସମ୍ପର୍କିତ ଡାଟାକୁ ବି ଡିଲିଟ୍ କରି ଦେଇଛନ୍ତି ରୁଷ୍ର ହ୍ୟାକର। ଫଳରେ ସାଧାରଣ ଲୋକ ବି ଏବେ ହଇରାଣ ହେବେ।
ଏହା ବ୍ୟତୀତ ରୁଷ୍-ୟୁକ୍ରେନ୍ରେ ଜାରି ଯୁଦ୍ଧ ମଧ୍ୟରେ ବୁଧବାର ନାଟୋର ଦୁଇ ସଦସ୍ୟ ଦେଶ ବୁଲଗେରିଆ ଓ ପୋଲାଣ୍ଡରେ ଗ୍ୟାସ୍ ଯୋଗାଣ ରୋକି ନୂଆ ସମସ୍ୟା ସୃଷ୍ଟି କରିଛି। ରୁଷ୍ ନିକଟରେ ଚେତାବନୀ ଦେଇଛି ଯେ ସେ ୟୁରୋପୀୟ ସଂଘର ଅନ୍ୟ ଦେଶକୁ ମଧ୍ୟ ଗ୍ୟାସ୍ ଯୋଗାଣ ରୋକିପାରେ। ରୁଷ୍ର ଏହି ଧମକ ପରେ ଏବେ ୨୭ ସଦସ୍ୟତା ୟୁରୋପୀୟ ସଂଘ ଦେଶର ଚିନ୍ତା ବଢ଼ିଛି।
Also Read: କେବଳ ବ୍ରେଡ୍ କ୍ରମ୍ସ ନୁହେଁ, ଏହି ୫ଟି ଜିନିଷ ମଧ୍ୟ ଫ୍ରାଏଡ୍ ଫୁଡ୍କୁ କରିଥାଏ କ୍ରିସ୍ପି ଓ କୁର୍କୁରା
