ତାମିଲନାଡୁରେ ଜାଲିକାଟ୍ଟୁ ଆୟୋଜନକୁ ମିଳିଲା ଅନୁମତି, କିନ୍ତୁ ମାନିବାକୁ ପଡିବ ଏହିସବୁ ନିୟମ
ତାମିଲନାଡୁରେ ଜାଲିକାଟ୍ଟୁ( ଷଣ୍ଢ ସହ ଲଢେଇ ପ୍ରତିଯୋଗିତା) ଆୟୋଜନ କରିବା ପାଇଁ ରାଜ୍ୟ ସରକାର ଅନୁମତି ପ୍ରଦାନ କରିଛନ୍ତି । ରାଜ୍ୟ ସରକାରଙ୍କ ଦ୍ୱାରା ଜାରି ନିର୍ଦ୍ଦେଶରେ କୁହାଯାଇଛି କି, ଜାଲିକାଟ୍ଟୁରେ କେବଳ ୩୦୦ ପ୍ରତିଯୋଗୀଙ୍କୁ ଭାଗ ନେବା ପାଇଁ ଅନୁମତି ପ୍ରଦାନ କରାଯିବ । ପ୍ରତ୍ୟେକ ପ୍ରତିଯୋଗୀଙ୍କର କରୋନା ପରୀକ୍ଷା କରାଯିବ ।
ଯେଉଁମାନଙ୍କର ରିପୋର୍ଟ ନେଗେଟିଭ୍ ବାହାରିବ, କେବଳ ସେମାନେ ହିଁ ଏଥିରେ ଭାଗ ନେଇପାରିବେ। ଖୋଲା ପଡିଆରେ ଏହାକୁ ଆୟୋଜନ କରାଯିବ । ଯେତିକି ଦର୍ଶକ ସେଠାରେ ଉପସ୍ଥିତ ରହିବା କଥା, ତାହାର ୫୦% ଲୋକଙ୍କୁ ପ୍ରତିଯୋଗିତା ଦେଖିବା ପାଇଁ ଅନୁମତି ଦିଆଯିବ । ସମସ୍ତ ଦର୍ଶକଙ୍କର ଥର୍ମାଲ ସ୍କ୍ରିନିଂ କରାଯିବ ଏବଂ ସମସ୍ତଙ୍କୁ ମାସ୍କ ପିନ୍ଧିବା ସହିତ ସାମାଜିକ ଦୂରତ୍ୱ ବଜାୟ ରଖିବାକୁ ପଡିବ ।
ସୂଚନାଯୋଗ୍ଯ, ୨୦୧୪ରେ ସୁପ୍ରମିକୋର୍ଟରେ ଏହି ଖେଳକୁ ନେଇ PETA ପକ୍ଷରୁ କେସ ଫାଇଲ ହୋଇଥିଲା। କିନ୍ତୁ ରାଜ୍ଯ ସରକାରଙ୍କ କହିବାନୁଯାୟୀ, ଜଲିକାଟ୍ଟୁ ରାଜ୍ଯର ସଂସ୍କୃତି ଏବଂ ପରିଚୟ। ଖାସ୍ ଏଥିପାଇଁ ୨୦୧୭ରେ ଚେନ୍ନାଇରେ ବଡ ଆନ୍ଦୋଳନ ହୋଇଥିଲା।
