ଏବେ ସେଲ୍ସମ୍ୟାନ ନୁହଁ ବରଂ ଡ୍ରୋନ ଗ୍ରାହକଙ୍କୁ ପହଞ୍ଚାଇବ ଖାଦ୍ୟ, zomatoର ନୂଆ ନିୟମ ଆରମ୍ଭ
ବେଙ୍ଗାଲୁରୁ (କେନ୍ୟୁଜ) : ଘରେ ଘରେ ଖାଇବା ପହଞ୍ଚାଇବାରେ ସକ୍ଷମ ହୋଇଛି ଅନଲାଇନ ଫୁଡ଼ ଡ଼େଲିଭେରି ସର୍ଭିସ ଜମାଟୋ । ଏନେଇ ଏବେ ନୁଆ ଉପାୟରେ ଗ୍ରାହକଙ୍କ ନିକଟରେ ଖାଦ୍ୟ ପହଁଚାଇବାକୁ ସ୍ଥିର କରିଛି କମ୍ପାନି । ତେବେ ଆପଣଙ୍କୁ କହିବାକୁ ଚାହିଁବୁ କିଛିଦିନ ତଳେ ଜମାଟୋର ଏକ ସେଲ୍ସମ୍ୟାନ ଖାଦ୍ୟ ଡେଲିଭରି ସମୟରେ ଗ୍ରାହକଙ୍କ ଖାଦ୍ୟକୁ ଖାଇବା ଭିଡିଓ ଭାଇରାଲ ହୋଇଥିଲା। ଯାହାପରେ କମ୍ପାନି ଉପରେ ଗ୍ରାହକଙ୍କ ବିଶ୍ବାସ କିଛି ମାତ୍ରାରେ ଡୋହଲି ଯାଇଥିଲା ।
ଏଣୁ ଗ୍ରାହକଙ୍କ ବିଶ୍ବାସ ଆଉଥରେ ଜିତିବା ପାଇଁ ଏବଂ ତାଙ୍କୁ ଅଧିକ ସୁବିଧା ଯୋଗାଇବା ପାଇଁ କମ୍ପାନି ଏକ ନୁଆ ନିୟମ ଆରମ୍ଭ କରିଛି । ଏନେଇ ଜମାଟୋ ଏବେ ଡ୍ରୋନ ମାଧ୍ୟମରେ ଖାଦ୍ୟ ଗ୍ରାହକଙ୍କ ନିକଟରେ ପହାଁଚାଇବାକୁ ନିର୍ଣ୍ଣୟ କରିଛି । ଯାହା ଦ୍ବାରା ଗ୍ରାହକଙ୍କ ନିକଟରେ ସଠିକ୍ ସମୟରେ ଏବଂ ସୁରକ୍ଷିତ ଖାଦ୍ୟ ପହଞ୍ଚିବ।
ଭାରତ ସରକାର ଡ୍ରୋନ ୨.୦ ଯୋଜନା ଦ୍ୱାରା ଜାନବାହାନ,ବାୟୁ ଟ୍ୟାକ୍ସି,କେମେରା ଆଦି ଚାଲିବାକୁ ନିୟମ ରଖିଛନ୍ତି। ଏଣୁ ଅନଲାଇନ୍ ଖାଦ୍ୟ ଡ୍ରୋନ ଦ୍ୱାରା ଡେଲିଭେରି ହୋଇପାରିବ ବୋଲି ସୁଚନା ମିଳିଛି । ତେବେ ମାର୍ଚ୍ଚ ୨୦୧୯ ଠାରୁ ଜମାଟୋ ପ୍ରଥମ ଥର ୨.୦ ପଲିସି ଅନୁସାରେ ଖାଦ୍ୟ ଗ୍ରାହକ ମାନଙ୍କ ନିକଟରେ ପହଁଚାଇବ ବୋଲି ସୁଚନା ପ୍ରଦାନ କରିଛି । ଏହି ସେବା ଦ୍ୱାରା ଆଉ କୈାଣସି ଅସୁବିଧା ଆସିବ ନାହିଁ ଏବଂ ଗ୍ରାହକ ମାନଙ୍କର ଖାଦ୍ୟ ଅଳ୍ପ ସମୟରେ ଏବଂ ସୁରକ୍ଷିତ ଭାବେ ପହଁଚି ପାରିବ ବୋଲି ଜମାଟୋ କର୍ତୁପକ୍ଷଙ୍କ ପକ୍ଷରୁ ସୁଚନା ମିଳିଛି ।
