ପଶୁତ୍ବର ସୀମା ଲଙ୍ଘିଥିବା ଦେଶର ଚାରିଟି ଲୋମଟାଙ୍କୁରା ଦୁଷ୍କର୍ମ ମାମଲା , ଯାହା ଆଇନକୁ ବଦଳିବାକୁ କରିଛି ବାଧ୍ୟ
ବହୁ ଚର୍ଚ୍ଚିତ ନିର୍ଭୟା ଗଣଦୁଷ୍କର୍ମକୁ ପୁରିଛି ୬ ବର୍ଷ । ୧୬ ଡିସେମ୍ବର ୨୦୧୨ରେ ହୋଇଥିବା ଏହି ଲୋମଟଙ୍କୁରା ଘଟଣା ଥରାଇ ଦେଇଥିଲା ଭାରତ ସମେତ ସାରା ବିଶ୍ୱକୁ । ଦୁଷ୍କର୍ମକାରୀଙ୍କ ପଶୁତ୍ୱର ନଗ୍ନ ପ୍ରତିଛବି ଦେଖିବାକୁ ମିଳିଥିଲା ଏ ଘଟଣାରୁ । ଦୋଷୀଙ୍କୁ ଦଣ୍ଡାଦେଶ । ପୀଡିତାର ନ୍ୟାୟ ଜେଲ୍ ଦଣ୍ଡ ନୁହେଁ ଫାଶୀ ବୋଲି କହୁଥିଲେ ସାରା ଜନତା । ସମସ୍ତଙ୍କ ଆଖିରେ ଜଳ ଜଳ ହୋଇ ଦିଶୁଥିଲା ପ୍ରତିବାଦର ନିଆଁ।
ନିର୍ଭୟା ମାମଲାରେ ୪ଜଣ ଦୋଷୀ ମୁକେଶ, ବିନୟ ଶର୍ମା, ପବନ ଗୁପ୍ତା ଓ ଅକ୍ଷୟ ଠାକୁରଙ୍କୁ ମିଳିଲା ଫାଶୀ ଦଣ୍ଡାଦେଶ । ତେବେ ରାମ ସିଂହ ନାମକ ଜଣେ ଅଭିଯୁକ୍ତ ଜେଲ୍ ମଧ୍ୟରେ ଆତ୍ମହତ୍ୟା କରିଥିଲେ। ହେଲେ ଘଟଣାର ପ୍ରମୁଖ ଅଭିଯୁକ୍ତ ଜଣେ ନାବାଳକ ୩ ବର୍ଷ ସୁଧାରଗୃହରେ ରହିବା ପରେ ଛାଡ଼ ପାଇଥିଲା।
ଏହି ମାମଲା ପରେ ୩ ଫେବ୍ରୁଆରୀ ୨୦୧୩ରେ କ୍ରିମିନାଲ୍ ଲ ଆମେଡମେଂଟ୍ ଅର୍ଡିନାନ୍ସ ଆସିଲା । ଯାହା ଅନୁସାରେ ଆଇପିସି ଧାରା ୧୮୧ ଏବଂ ୧୮୨ରେ ପରିବର୍ତ୍ତନ ହେଲା । ଏହା ଦ୍ୱାରା ଦୁଷ୍କର୍ମ ମାମଲାରେ ଜଡିତ ନିୟମ କଡା କଡି ହେଲା । ଏବଂ ଦୁଷ୍କର୍ମ କରିଥିବା ଅଭିଯୁକ୍ତକୁ ଫାଶୀ ଦଣ୍ଡ ମିଳିପାରିବ ସେଥିପ୍ରତି ଧ୍ୟାନ ଦିଆଗଲା । ୨୨ ଡିସେମ୍ବର ୨୦୧୫ରେ ରାଜ୍ୟସଭାରେ ଜୁଭେଦନାଇଲ୍ ଜଷ୍ଟିସ୍ ବିଲ୍ ପାସ୍ ହେଲା । ଜଘନ୍ୟ ଅପରାଧରେ ଜଡିତ ଥିବା ୧୬ ବର୍ଷରୁ ଅଧିକ ବୟସ ପିଲାମାନଙ୍କ ଉପରେ କେସ୍ ହେବ । ଦୁଷ୍କର୍ମ , ଦୁଷ୍କର୍ମ କାରଣରୁ ମୃତ୍ୟୁ , ଗଣଦୁଷ୍କର୍ମ ଏବଂ ଏସିଡ୍ ଆଟାକ୍ ପରି ମାମଲା ଏହା ଅନ୍ତର୍ଭୁକ୍ତ ।
ତେବେ ଏଭଳି ଜଘନ୍ୟ ଅପରାଧର ଏହା ପ୍ରଥମ ମାମଲା ନୁହେଁ । ଏହା ପୂର୍ବରୁ ଦୁଷ୍କର୍ମର ମଧ୍ୟ ଅନେକ ଲୋମଟାଙ୍କୁରା ଘଟଣା ଆସିଛି ସାମ୍ନାକୁ । ଏମିତି କିଛି ଘଟଣା ଯାହା ଆମକୁ ଭାବିବାକୁ କରିଛି ବାଧ୍ୟ । ଏବେ ଦେଖନ୍ତୁ ସେମିତି କିଛି ବହୁଚର୍ଚ୍ଚିତ ଦୁଷ୍କର୍ମ ଘଟଣା ଉପରେ ଯାହା ନାକେବଳ ସମାଜ ବରଂ ଆଇନକୁ ମଧ୍ୟ ବଦଳିବାକୁ କରିଛି ବାଧ୍ୟ ।
ଭଂୱରୀ ଦେବୀ :
୨୨ ସେପ୍ଟେମ୍ବର ୧୯୯୨ରେ ରାଜସ୍ଥାନର ଭଟେରୀ ଗାଁରେ ଏକ ଘଟଣା ଘଟିଥିଲା ଯାହାକୁ ଗାଁର ପାଂଚ ଜଣ ଗୁଜର ମିଶି ଘଟାଇଥିଲେ । ଏହା ହେଉଛି ବହୁ ଚର୍ଚ୍ଚିତ ଭଂୱରୀ ଦେବୀ ଦୁଷ୍କର୍ମ ମାମଲା । ଯେତେବେଳେ ଭଂୱରୀ ଦେବୀ ନିଜ ସ୍ୱାମୀଙ୍କ ସହ କ୍ଷେତରେ କାମ କରୁଥିଲେ ସେତେବେଳେ ୫ ଜଣ ଲୋକ ଆସି ତାଙ୍କ ସ୍ୱାମୀଙ୍କୁ ମାରିବାକୁ ଲାଗିଲେ । ଭଂୱରୀ ଦେବୀ ନିଜ ସ୍ୱାମୀଙ୍କୁ ବଂଚାଇବାକୁ ଚେଷ୍ଟା କରିବାବେଳେ ସେମାନେ ତାଙ୍କୁ ବଳାତ୍କାର କରିଥିଲେ । ଭଂୱରୀ ଦେବୀ ଜଣେ ଦଳିତ ସାମାଜିକ କର୍ମକର୍ତ୍ତା ଥିଲେ । ସେ ୯ ମାସର ଜଣେ ଗୁଜର ଝିଅର ବାଲ୍ୟ ବିବାହକୁ କରାଇଦେଇନଥିବାରୁ ପ୍ରତିଶୋଧ ପରାୟଣ ହୋଇ ଅଭିଯୁକ୍ତ ମାନେ ଏପରି କରିଥିଲେ ।
ତେବେ ପୁଲିସ୍ ଏହି ମାମଲାକୁ ହାଲକା ଭାବରେ ନେବା ସହ ଛାନଭିନ୍ ମଧ୍ୟ ଠିକ୍ ଭାବରେ କରିନଥିଲା । ୧୯୯୫ରେ ହାଇକୋର୍ଟ ଜଜ୍ ଏହି ମାମଲାକୁ କେବଳ ଦୁର୍ବବ୍ୟହାର ମାମଲା କହି ଅଭିଯୁକ୍ତ ମାନଙ୍କୁ କେବଳ ୯ ମାସ ଲେଖାଏଁ ଜେଲ୍ ଦଣ୍ଡ ଦେଇଥିଲେ ।
ତେବେ ଭଂୱରୀ ଦେବୀ ଦୁଷ୍କର୍ମ ମାମଲା ପରେ ୧୯୯୭ରେ ବିଶାଖା ଗାଇଡଲାଇନ୍ସ ଆସିଲା । କାର୍ଯ୍ଯାଳୟରେ ମହିଳା ମାନଙ୍କ ସହ ଦୁର୍ବ୍ୟବହାରକୁ ରୋକିବା ପାଇଁ କିଛି ନୂଆ ନିୟମ ପ୍ରଣୟନ ହେଲା ।ଏହି ନିୟମ ସମସ୍ତ କାର୍ଯ୍ଯାଳୟରେ ଲାଗୁ ହୁଏ । ଡ୍ୟୁଟି ସମୟରେ ମହିଳା ମାନଙ୍କୁ ଅଶ୍ଳୀଳ ଇଙ୍ଗିତ, ଜବରଦସ୍ତ ବା ଅନୁରୋଧ କରି ଶାରୀରିକ ସଂପର୍କ ଏବଂ ମହିଳା କର୍ମର୍ଚାରୀ ମାନଙ୍କୁ ପର୍ଣ୍ଣ ସିନେମା ଦେଖାଇବା ଭଳି ଘଟଣା ଏହି ଗାଇଡଲାଇନରେ ଆସେ ।
ଫୁଲମୋନୀ ଦାସୀ :
ଫୁଲମୋନୀ ଦାସୀ ବାଲ୍ୟ ବିବାହ ତଥା ବୈବାହିକ ବଳାତ୍କାର ମାମଲା ଥିଲା । ଯାହା ଘଟିଥିଲା ୧୮୮୯ରେ । ୧୦ ବର୍ଷର ଛୋଟ ଝିଅ ଫୁଲମୋନୀର ବିବାହ ନିଜ ବୟସଠାରୁ ଦୁଇଗୁଣ ବଡ ହରି ମୋହନ ମେତି ସହ କରାଯାଇଥିଲା । ଆଉ ସ୍ୱାମୀ ଜବରଦସ୍ତ ଶାରୀରିକ ସଂପର୍କ ରଖିବା ସମୟରେ ଫୁଲମୋନୀର ମୃତ୍ୟୁ ହୋଇଯାଇଥିଲା । ୬ ଜୁଲାଇ ୧୮୯୦ରେ କୋଲକାତା ସେସନ୍ କୋର୍ଟରେ ମାମଲା କେସ୍ ଚାଲିଲା । ତେବେ ସେ ସମୟରେ ବିବାହ ପାଇଁ ଆଇନଗତ ବୟସ ଥିଲା ୧୦ବର୍ଷ । ଏବଂ ଆଇପିସି ଧାରା ୩୭୫ ଅନୁଯାୟୀ ପତ୍ନୀ ସହ ଜବରଦସ୍ତ ରଖାଯାଉଥିବା ଶାରୀରିକ ସଂପର୍କକୁ ବଳାତ୍କାରରେ ଯାଉ ନଥିଲା । ଯେଉଁଥିପାଇଁ ଫୁଲମୋନୀଙ୍କ ସ୍ୱାମୀ ହରିକୁ କେବଳ ୧୨ ମାସ ଦଣ୍ଡ ହୋଇଥିଲା ।
ତେବେ ଏହି ମାମଲା ପରେ ହି ଭାଇସରାୟ ଲର୍ଡ ଲେସଡାଓନ୍ ୯ ଜାନୁଆରୀ ୧୮୯୧ରେ ଏକ ପ୍ରସ୍ତାବ ପାରିତ କରିଥିଲେ । ଏହି ପ୍ରସ୍ତାବ ଅନୁଯାୟୀ ସହମତିରେ ସେକ୍ସର ବୟସ ୧୦ରୁ ୧୨ ବର୍ଷ ହୋଇଥିଲା । ୨୯ ମାର୍ଚ୍ଚ ୧୮୯୧ରେ ହିଁ ସେକ୍ସନ୍ ୩୭୬ ଯୋଡଗଲା କି ୧୨ ବର୍ଷରୁ କମ୍ ବୟସ ଝିଅ ସହ ଶାରୀରିକ ସଂପର୍କ ରଖିଲେ ଏହା ଦୁଷ୍କର୍ମରେ ଗଣାଯିବ ।
ମଥୁରା ଦୁଷ୍ମର୍ମ ମାମଲା :
୨୬ ମାର୍ଚ୍ଚ ୧୯୭୨ରେ ମହାରାଷ୍ଟ୍ରର ଚନ୍ଦ୍ରପୁରରେ ଦୁଇଜଣ ପୁଲିସ୍ କର୍ମୀ ଜଣେ ଆଦିବାସୀ ଝିଅ ମଥୁରାକୁ ଦୁଷ୍କର୍ମ କରିଥିଲେ । ଘଟଣା ସମୟରେ ଝିଅଟିର ବୟସ ଥିଲା ମାତ୍ର ୧୫ବର୍ଷ ।
ଘଟଣାଟି ହେଉଛି ଏହିପରି । ନୁସି ନାମକ ଜଣେ ମହିଳାଙ୍କ ଘରେ ମଥୁରା କାମ କରୁଥିଲା । ଏହି ସମୟରେ ନୁସିଙ୍କ ଭଣଜା ଅଶୋକଙ୍କ ସହ ମଥୁରାଙ୍କ ପ୍ରେମ ସଂପର୍କ ଗଢିଉଠିଥିଲା । ହେଲେ ମଥୁରାର ଭାଇମାନେ ଉଭୟଙ୍କ ବିବାହକୁ ବିରୋଧ କରିଥିଲେ । ତେଣୁ ସେମାନେ ଅଶୋକ ଏବଂ ତାଙ୍କ ପରିବାର ବିରୋଧରେ ପୁଲିସରେ ଅଭିଯୋଗ କରିଥିଲେ । କହିଥିଲେ ମଥୁରା ଛୋଟ ହୋଇଥିବାରୁ ଅଶୋକ ତାକୁ ଅପହରଣ କରିଛି ।
ଅଭିଯୋଗ ପରେ ପୁଲିସ୍ ଅଶୋକ ଏବଂ ତା ପରିବାରକୁ ଉଠାଇ ଥାନାକୁ ନେଇଯାଇଥିଲା । ତେବେ ଯାଂଚ ସମୟରେ ସମସ୍ତଙ୍କୁ ବାହାରକୁ ପଠାଇ ମଥୁରାକୁ ଥାନା ଭିତରେ ରଖି ଦୁଷ୍କର୍ମ କରିଥିଲେ ଦୁଇ ପୁଲିସ୍ କର୍ମଚାରୀ । ଘଟଣା ସାମ୍ନାକୁ ଆସିବା ପରେ ରୁଜୁ ହେଲା ମାମଲା । ୧ ଜୁନ୍ ୧୯୭୪ରେ ସେସନ୍ କୋର୍ଟରେ ଆରମ୍ଭ ହେଲା ଶୁଣାଣି । ତେବେ ଅଭିଯୁକ୍ତ ଗଣପତ ଏବଂ ତୁକାରାମକୁ ନିର୍ଦ୍ଦେଶରେ ଖଲାସ୍ କରିଥିଲେ ବିଚାରପତି । କୁହାଯାଇଥିଲା ମଥୁରାକୁ ସେକ୍ସ ଅଭ୍ୟାସ ରହିଛି । ଆଉ ଅଭିଯୁକ୍ତ ମଥୁରା ସହମତିରେ ସେକ୍ସ କରିଛନ୍ତି । ତେବେ ଏହି ରାୟ ପରେ ବମ୍ବେ ହାଇକୋର୍ଟରେ ହୋଇଥିଲା ଅପିଲ୍ । ଯାହା ପରେ ଉଭୟ ଅଭିଯୁକ୍ତଙ୍କୁ ୧ ବର୍ଷ ଏବଂ ୫ ବର୍ଷ ଦଣ୍ଡାଦେଶ ହୋଇଥିଲା ।
କିନ୍ତୁ ୧୯୭୯ରେ ସୁପ୍ରିମକୋର୍ଟ ହାଇକୋର୍ଟର ନିଷ୍ପତି ବଦଳାଇ ଅଭିଯୁକ୍ତଙ୍କୁ ଖଲାସ୍ କରିଥିଲେ । ସୁପ୍ରିମକୋର୍ଟ ଅନୁସାରେ ମଥୁରାକୁ ସେକ୍ସ ଅଭ୍ୟାସ ଥିଲା ଏବଂ ସେ ଦୁଷ୍କର୍ମ ସମୟରେ ବିରୋଧ କରିନଥିଲା ।
ତେବେ ଏହି ଜଜମେଂଟ୍ ପରେ ଦିଲ୍ଲୀ ୟୁନିଭରସିଟିର ଲ. ପ୍ରଫେସର୍ ଉପେନ୍ଦ୍ର ବକ୍ସି , ରଘୁନାଥ କେଲକର୍ ଏବଂ ଲୀତିକା ସରକାର ସୁପ୍ରିମକୋର୍ଟଙ୍କୁ ଖୋଲା ଚିଠି ଦେଇଥିଲେ । ଯେଉଁଥିରେ ଲେଖା ଯାଇଥିଲା ସରେଣ୍ଡର ଅର୍ଥ ସହମତି ନୁହେଁ । ପରିସ୍ଥିତିରେ ପଡି ମଥୁରା ବିରୋଧ କରିନଥାଇପାରେ । ଏହା ସହ ପୁରା ଦେଶର ମହିଳା ସଂଗଠନ ସୁପ୍ରିମକୋର୍ଟ ନିଷ୍ପତିକୁ ବିରୋଧ କରିଥିଲେ । ଏହା ପରେ ଆଇନରେ ହେଲା ପରିବର୍ତ୍ତନ ।
ପ୍ରଥମେ ଏପରି ମାମଲାରେ ପୀଡିତାକୁ ପ୍ରମାଣ କରିବାକୁ ପଡୁଥିଲା ଯେ ତାଙ୍କ ସହ ଦୁଷ୍କର୍ମ ହୋଇଛି କି ନାହିଁ । କିନ୍ତୁ ମଥୁରା ମାମଲା ପରେ ଅଭିଯୁକ୍ତଙ୍କ ଉପରେ ପଡିଲା ଦାୟିତ୍ବ । ଏବେ ସେମାନଙ୍କୁ ପ୍ରମାଣ କରିବାକୁ ପଡିବ କି ସେମାନେ ନିର୍ଦ୍ଦୋଶ ବୋଲି ।ଏହା ସହ ୧୯୮୩ରେ ଆଇପିସି ଧାରା ୩୭୬ରେ ଏ, ବି, ସି , ଡି ଧାରା ଯୋଡାଗଲା । ପୀଡିତାର ନାଁ ଜାହିର ନକରିବାର ଆଇନ୍ ତିଆରି ହେଲା । ଏହା ସହ ଟ୍ରାଏଲ୍ ସମୟରେ କ୍ୟାମେରା ଲାଗିବାର ପ୍ରାବଧାନ ହେଲା ।
