ଆପଣଙ୍କର କୁକୁର ମଧ୍ୟ ଆପଣଙ୍କ ମୁହଁକୁ ଚାଟୁଛି କି? ତେବେ ହୋଇଯାନ୍ତୁ ସାବଧାନ, ଆସିପାରେ ଜୀବନ ପ୍ରତି ବିପଦ
ଆଜିକାଲି ଘରେ କୁକୁର ରଖିବା ଏକ ଫ୍ୟାସନ ହୋଇଗଲାଣି । ଅନେକ ଲୋକ କୁକୁରମାନଙ୍କୁ ନିଜ ଘରେ ରଖିବାକୁ ଏବଂ ଦିନସାରା ସେମାନଙ୍କ ସହିତ ଖେଳିବାକୁ ବହୁତ ପସନ୍ଦ କରନ୍ତି । ସାଧାରଣତଃ କୁକୁରମାନେ ପ୍ରେମ ଏବଂ ସ୍ନେହ ପ୍ରକାଶ କରିବା ପାଇଁ ଜିଭରେ ନିଜ ମାଲିକଙ୍କ ମୁହଁକୁ ଚାଟିଥାନ୍ତି । କିନ୍ତୁ ଏହା ଆପଣଙ୍କ ସ୍ୱାସ୍ଥ୍ୟ ଉପରେ କ’ଣ ସାଂଘାତିକ ପ୍ରଭାବ ପକାଇପାରେ ତାହା ଆପଣ ଜାଣନ୍ତି କି?
ଆଜିକାଲି ଘରେ କୁକୁର ରଖିବା ଏକ ଫ୍ୟାସନ ହୋଇଗଲାଣି । ଅନେକ ଲୋକ କୁକୁରମାନଙ୍କୁ ନିଜ ଘରେ ରଖିବାକୁ ଏବଂ ଦିନସାରା ସେମାନଙ୍କ ସହିତ ଖେଳିବାକୁ ବହୁତ ପସନ୍ଦ କରନ୍ତି । ସାଧାରଣତଃ କୁକୁରମାନେ ପ୍ରେମ ଏବଂ ସ୍ନେହ ପ୍ରକାଶ କରିବା ପାଇଁ ଜିଭରେ ନିଜ ମାଲିକଙ୍କ ମୁହଁକୁ ଚାଟିଥାନ୍ତି । ଅନେକ ଲୋକ ସେମାନଙ୍କର ପ୍ରିୟ ପେଟମାନଙ୍କୁ ଚୁମ୍ବନ ମଧ୍ୟ ଦିଅନ୍ତି । କିନ୍ତୁ ଏହା ଆପଣଙ୍କ ସ୍ୱାସ୍ଥ୍ୟ ଉପରେ କ’ଣ ସାଂଘାତିକ ପ୍ରଭାବ ପକାଇପାରେ ତାହା ଆପଣ ଜାଣନ୍ତି କି?
ଥରେ ଭାବନ୍ତୁ ଦିନସାରା ଗୋଟେ କୁକୁର କ’ଣ କରିଥାଏ, କ’ଣ ଖାଇଥାଏ, କ’ଣ ପିଇଥାଏ ଏବଂ କିପରି ସମୟ ଅତିବାହିତ କରିଥାଏ? ଏହି ବିଷୟରେ ଥରେ ଚିନ୍ତା କଲେ ଆପଣ ହୁଏତ ବୁଝିପାରିବେ ଆମେ ଆପଣଙ୍କୁ କ’ଣ କହିବାକୁ ଚାହୁଁଛୁ । ତଥାପି, ଅନେକ ଥର ଏହି ଗୃହପାଳିତ ପଶୁମାନଙ୍କର ମାଲିକମାନେ ଏସବୁକୁ ଅଣଦେଖା କରନ୍ତି ଏବଂ ନିଜର ପ୍ରେମ ପ୍ରକାଶ କରିବାକୁ ସେମାନଙ୍କୁ ଚୁମ୍ବନ ଦେବାକୁ ପଛାନ୍ତି ନାହିଁ । ମାଲିକମାନେ ସାଧାରଣତଃ ସେମାନଙ୍କର କୁକୁରମାନଙ୍କୁ ଭଲ ପାଆନ୍ତି ଏବଂ କୁକୁରମାନେ ମଧ୍ୟ ମାଲିକଙ୍କୁ ଚାଟି ନିଜର ପ୍ରେମ ବ୍ୟକ୍ତ କରନ୍ତି ।
କିନ୍ତୁ କୁକୁରମାନଙ୍କର ଲାଳ ସ୍ୱାସ୍ଥ୍ୟକୁ ଅତ୍ୟନ୍ତ କ୍ଷତି ପହଞ୍ଚାଇପାରେ । ଯେଉଁ ଲୋକମାନଙ୍କର ରୋଗ ପ୍ରତିରୋଧକ ଶକ୍ତି ଦୁର୍ବଳ, ଖୋଲା କ୍ଷତ ଥାଏ କିମ୍ବା ଆପଣଙ୍କର କୁକୁର ଯିଏ ଖାଦ୍ୟରେ କପ୍ରୋଫାଗିଆ (ମଳ ଖାଦ୍ୟ) ଖାଇଥାଏ, ସେମାନଙ୍କ ଠାରୁ ଯଥା ସମ୍ଭବ ଦୂରେଇ ରହିବା ହିଁ ଭଲ । କୁକୁରମାନଙ୍କ ପାଟିରେ ବିଭିନ୍ନ ପ୍ରକାରର ବ୍ୟାକ୍ଟେରିଆ ରହିଥାନ୍ତି ଯାହା ସାଧାରଣତଃ ମଣିଷ ପାଇଁ ବିପଦ ସୃଷ୍ଟି କରିଥାଏ । କିଛି କ୍ଷେତ୍ରରେ, କୁକୁରଙ୍କ ପ୍ରଜାତିରେ ବ୍ୟାପୁଥିବା ସଂକ୍ରାମକ ରୋଗ ଜୁନୋଜ ମନୁଷ୍ୟ ଶରୀରକୁ କୁକୁର କାମୁଡ଼ିବା, ଚାଟିବା ଏବଂ ରାମ୍ପୁଡ଼ିବା ଦ୍ୱାରା ବ୍ୟାପିଥାଏ ।
ସମୟ ସମୟରେ, ଏହି ରୋଗ ମଣିଷ ମସ୍ତିଷ୍କକୁ ମଧ୍ୟ ବ୍ୟାପିପାରେ । କିନ୍ତୁ ବେଳେବେଳେ କୁକୁର ଲାଳର ସଂସ୍ପର୍ଶରେ ଆସି ମଧ୍ୟ କିଛି ଲୋକ ଅସୁସ୍ଥ ହୁଅନ୍ତି ନାହିଁ । ମାତ୍ର ତିନି ଚତୁର୍ଥାଂଶ ସୁସ୍ଥ କୁକୁର ଏବଂ ବିଲେଇଙ୍କ ପାଟିରେ କ୍ୟାପ୍ନୋସାଇଟୋଫାଗା କ୍ୟାନିମୋରସ୍ ନାମକ ଜୀବାଣୁ ମଣିଷ ଜୀବନ ପ୍ରତି ବିପଦ ସୃଷ୍ଟି କରିଥାଏ । ଅନ୍ୟ ଏକ ଜୀବାଣୁ ଯେପରିକି ପେଷ୍ଟେରେଲା ମଲ୍ଟୋସିଡା, କୁକୁର ଲାଳ ଜରିଆରେ ମଣିଷ ଶରୀରରେ ପଶି ମେନିଞ୍ଜାଇଟିସ୍ ଭଳି ଗମ୍ଭୀର ସମସ୍ୟା ସୃଷ୍ଟି କରିଥାଏ । ଜୁନୋଟିକ୍ ସଂକ୍ରମଣରୁ ଅଧିକ ବିପଦରେ ପଡୁଥିବା ଲୋକମାନଙ୍କ ମଧ୍ୟରେ ଦୁର୍ବଳ ରୋଗ ପ୍ରତିରୋଧକ ଶକ୍ତି ଥିବା ବ୍ୟକ୍ତି, ଛୋଟ ପିଲା, ବୃଦ୍ଧ ଏବଂ ଗର୍ଭବତୀ ମହିଳା ଅନ୍ତର୍ଭୁକ୍ତ ।
ଯଦି ଆପଣ ଏହି କାଟାଗୋରିରେ ଆସୁଛନ୍ତି ତେବେ ଆପଣ ମଧ୍ୟ ଅଧିକ ସତର୍କ ରହିବା ଆବଶ୍ୟକ । ଯଦି ଆପଣ ସାବଧାନ ନାହାନ୍ତି, ତେବେ ଆପଣଙ୍କ କୁକୁର ଆପଣଙ୍କ ଜୀବନକୁ ବିପଦରେ ପକାଇପାରେ । ୨୦୨୩ରେ ୨୮୦୦ ରୋଗୀ ଏବଂ ସେମାନଙ୍କର ପେଟମାନଙ୍କୁ ନେଇ କରାଯାଇଥିବା ଏକ ସର୍ଭେରୁ ଜଣାପଡିଲା ଯେ ଅନେକ କ୍ଷେତ୍ରରେ ପୋଷା ଜନ୍ତୁ ଏବଂ ସେମାନଙ୍କ ମାଲିକଙ୍କ କ୍ଷେତ୍ରରେ ହେଉଥିବା ବ୍ୟାକ୍ଟେରିଆର ଆଦାନ ପ୍ରଦାନ ଏତେ ଅଧିକ କ୍ଷତିକାରକ ହୋଇନଥାଏ କିନ୍ତୁ ତା’ର ମାନେ ନୁହଁ ଯେ ଆମେମାନେ ଜାଣିଶୁଣି ପେଟମାନଙ୍କୁ ଅସ୍ୱାସ୍ଥ୍ୟକର ଭାବେ ଘରେ ଓ ବ୍ୟକ୍ତିଗତ ଜୀବନରେ ସ୍ଥାନ ଦେବା । ତେଣୁ ଆମର ସମସ୍ତଙ୍କ ପାଇଁ ଏହି ବାର୍ତ୍ତା ପରିଷ୍କାର ରୁହନ୍ତୁ, ସୁସ୍ଥ ଏବଂ ସୁରକ୍ଷିତ ରୁହନ୍ତୁ ।